ନୂଆଦିଲ୍ଲୀ ୩୧/୦୧: ୧୩ ବର୍ଷ ପରେ ରଣଜୀ ଟ୍ରଫି ଖେଳିବାକୁ ମୈଦାନକୁ ଓହ୍ଲାଇଥିଲେ ବିରାଟ କୋହଲି । ହେଲେ ଚାଲିଲାନି ରନ୍ ମାଷ୍ଟରଙ୍କ ବ୍ୟାଟ୍ । ୩୧ ଜାନୁଆୟରୀରେ ଫ୍ଲପ୍ ସାବ୍ୟସ୍ତ ହୋଇଥିଲେ କିଙ୍ଗ । ଅରୁଣ ଜେଟଲୀ ଷ୍ଟାଡିୟମରେ କୋହଲି କୌଣସି କମାଲ କରିପାରିନଥିଲେ ସେ ।
ମାତ୍ର ୬ ରନ କରି ବୋଲ୍ଡ ହୋଇଯାଇଥିଲେ । କୋହଲି ଆଉଟ ହୋଇଯିବା ପରେ ପୂରା ଷ୍ଟାଡିୟମରେ ଦେଖିବାକୁ ମିଳିଥିଲା ନୀରବତା । ତେବେ କୋହଲିଙ୍କୁ ଆଉଟ କରିବା ପଛରେ ରହିଛି ଜଣେ ବୋଲରଙ୍କ ହାତ । ତେବେ କିଏ ଏହି ଦ୍ରୁତ ବୋଲର? ତାଙ୍କର ଦିଲ୍ଲୀ ସହ ରହିଛି ସ୍ପେଶାଲ କନେକ୍ସନ ।
VIRAT KOHLI DISMISSED FOR 6 RUNS IN RANJI TROPHY RETURNS..!!!#ViratKohli pic.twitter.com/974b7IPirO
— DEEP SINGH (@CrazyCricDeep) January 31, 2025
ନାଁ ତାଙ୍କର ହିଂମାଶୁ ସାଙ୍ଗବାନ । ବୟସ ମାତ୍ର ୨୯ । ବାମହାତୀ ମିଡିୟମ ପେସର ଦ୍ରୁତ ବୋଲର । ୨ ଡିସେମ୍ବର ୧୯୮୫ ମସିହା ଦିଲ୍ଲୀର ନଜଫଗଡ ଅଞ୍ଚଳରେ ଜନ୍ମ । ଯେଉଁଠି ଜନ୍ମ ନେଇଥିଲେ ବୀରେନ୍ଦ୍ର ସେହଓ୍ବାଗ । ସେ ରେଲଓ୍ବେ ଟିମରେ ଖେଳିବା ପୂର୍ବରୁ ଦିଲ୍ଲୀର ଅଣ୍ଡର ୧୯ ଟିମରେ ମଧ୍ୟ ଖେଳିସାରିଛନ୍ତି । ହେଲେ ଏବେ ସେ ଷ୍ଟାର କ୍ରିକେଟର । କାରଣ ଟିମ୍ ଇଣ୍ଡିଆର ଷ୍ଟାର କ୍ରିକେଟରଙ୍କ ରାସ୍ତାର କଣ୍ଟା ପାଲଟିଛନ୍ତି ସେ । କାରଣ ଦିନେ ବ୍ୟାଟ୍ରୁ ରନ୍ ବର୍ଷା କରୁଥିବା କୋହଲି କିନ୍ତୁ ଏହି ବୋଲରଙ୍କ ବଲ୍ରେ କ୍ଲିନ ବୋଲ୍ଡ ହୋଇଥିଲେ ।
ଲୋକାଲ୍ ବୟଙ୍କୁ ଦେଖିବାକୁ ଲୋକାରଣ୍ୟ; ରଣଜୀ ମ୍ୟାଚରେ ଅସମ୍ଭାଳ ଭିଡ଼, ଠେଲାପେଲା
ବିରାଟ କୋହଲି ଦିଲ୍ଲୀ ପାଇଁ ବ୍ୟାଟିଂ କରି ମାତ୍ର ୬ ରନ କରି ଆଉଟ ହୋଇଯାଇଥିଲେ । ତାଙ୍କୁ ହିଂମାଶୁ ସାଙ୍ଗବାନ କ୍ଲିନ ବୋଲ୍ଡ କରିଥିଲେ । ଆଉ ତାଙ୍କ ଓ୍ବିକେଟ ଉପୁଡି ପ୍ରଥମ ସ୍ଲିପ ପାଖରେ ପଡିଥିଲା । ବିରାଟ ଆଉଟ ହେବା ପରେ ଗୋଟିଏ ପରେ ଗୋଟିଏ ଦର୍ଶକ ନିରାଶ ହୋଇ ଷ୍ଟାଡିୟମ ଛାଡି ଚାଲିଯାଇଥିଲେ । ବିରାଟଙ୍କୁ ଆଉଟ କରିବା ପରେ ହିଂମାଶୁ ପିଚରେ ପ୍ରବଳ ଜୋସ ଦେଖାଇଥିଲେ ।
