ନୂଆଦିଲ୍ଲୀ: ପ୍ୟାରିସ୍ ଅଲିମ୍ପିକ୍ସ ୨୦୨୪ରେ କୁସ୍ତି ଯୋଦ୍ଧା ଭିନେଶ ଫୋଗାଟ୍ ୫୦ କିଲୋ ବର୍ଗରେ ଫାଇନାଲ ରାଉଣ୍ଡରେ ସ୍ଥାନ ପକ୍କା କରିଥିଲେ । ଚଳିତ ଥର ଭିନେଶ ଇତିହାସ ରଚିବା ନେଇ ସମସ୍ତେ ଆଶା ରଖିଥିଲେ । କାରଣ ଭାରତ ରେସଲିଂରେ ଏଯାଏଁ ଅଲିମ୍ପିକ୍ସ ସ୍ବର୍ଣ୍ଣ ପଦକ ଜିତି ନାହିଁ । ଏଥର ଗୋଲ୍ଡ ମେଡାଲ ପକ୍କା ଥିଲା । ମାତ୍ର ଫାଇନାଲ ପୂର୍ବରୁ ଏପରି ଏକ ଖବର ଭାରତୀୟ ଫ୍ୟାନ୍ସଙ୍କ ସବୁ ସ୍ବପ୍ନକୁ ଧୂଳିସାତ୍ କରି ଦେଇଥିଲା । ଟାଇଟଲ୍ ଟକ୍କର ପୂର୍ବରୁ ଭିନେଶ ଫୋଗାଟ୍ ଡିସକ୍ବାଲିଫାଏ ହୋଇଯାଇଥିଲେ । ଫାଇନାଲ୍ ପୂର୍ବରୁ ତାଙ୍କର ରେସଲରଙ୍କ ଓଜନ ମପା ଯାଇଥିଲା । ୫୦ କିଲୋଗ୍ରାମରୁ ୧୦୦ଗ୍ରାମ୍ ଅଧିକ ଓଜନ ରେକର୍ଡ ହୋଇଥିଲା । ଫଳରେ ଅଲିମ୍ପିକ୍ସ କମିଟି ତାଙ୍କୁ ଡିସକ୍ବାଲିଫାଏ କରିଦେଇଥିଲା ।
ତେବେ ଭିନେଶ ଫୋଗାଟଙ୍କ ଅଲିମ୍ପିକ୍ସ ବିବାଦକୁ ନେଇ ମୁହଁ ଖୋଲିଛନ୍ତି ରେସଲର ସାକ୍ଷୀ ମଲ୍ଲିକ୍ । ଜାତୀୟ ଗଣମାଧ୍ୟମକୁ ଏକ ସାକ୍ଷାତକାର ଦେଇ କହିଛନ୍ତି, ପ୍ୟାରିସ୍ ଅଲିମ୍ପିକ୍ସରେ ଭିନେଶ ଫୋଗାଟଙ୍କ ସହିତ ଯାହା ଘଟିଲା ତାହା ସବୁବେଳେ ମନେ ରହିବ । ବିଶ୍ବ କୁସ୍ତି ଯୋଦ୍ଧା ସଂଘର ନିୟମ ଅନୁଯାୟୀ, କୁସ୍ତି ଯୋଦ୍ଧାଙ୍କ ୧୦ ଗ୍ରାମ୍ ଅଧିକ ଓଜନଙ୍କୁ ମଧ୍ୟ ଅନୁମତି ମିଳେ ନାହିଁ । ସାକ୍ଷୀ ମଲ୍ଲିକଙ୍କ ଏହି ଆତ୍ମକଥା ଓ୍ବିଟନେସ୍ରେ ପ୍ରକାଶିତ ହୋଇଛି । ସେ କହିଛନ୍ତି, ଭିନେଶଙ୍କ ସ୍ଥାନରେ ସାକ୍ଷୀ ମଲ୍ଲିକ୍ ଥିଲେ ମଧ୍ୟରେ ସେହି ସମୟରେ ଓଜନ ହ୍ରାସ କରିବା ମୁସ୍କିଲ୍ ହୋଇଥାନ୍ତା । ଫାଇନାଲ ପୂର୍ବରୁ ଭିନେଶଙ୍କ ଓଜନ ୫୦ କିଲୋ ୧୦୦ ଗ୍ରାମ୍ ଥିଲା । ମାତ୍ର ବିଶ୍ବ କୁସ୍ତି ଯୋଦ୍ଧା ସଂଘ ୧୦ ଗ୍ରାମ ଅଧିକ ଓଜନକୁ ମଧ୍ୟ ଅନୁମତି ଦିଏ ନାହିଁ । ବଜରଙ୍ଗ ପୁନିଆ ଏବଂ ତାଙ୍କର ପାଖରେ ଅଲିମ୍ପିକ୍ସ ମେଡାଲ ଥିଲା, ମାତ୍ର ଭିନେଶଙ୍କ ପାଇଁ ଅନଶନରେ ବସିଥିଲେ ବୋଲି ସାକ୍ଷୀ ମଲ୍ଲିକ୍ କହିଛନ୍ତି ।...