ପୁରୀ: ମହାପ୍ରଭୁ ସର୍ବଦା ରତ୍ନ ସିଂହାସନରେ ବିରାଜମାନ ହୋଇ ଭକ୍ତଙ୍କୁ ଦର୍ଶନ ଦିଅନ୍ତି । କିନ୍ତୁ ବର୍ଷରେ ଥରେ ମନ୍ଦିରରୁ ବାହାରି ଭକ୍ତ ବତ୍ସଳ ପ୍ରଭୁ ଜଗନ୍ନାଥ, ବଡ଼ ଭାଇ ବଲଭଦ୍ର ଏବଂ ଭଉଣୀ ସୁଭଦ୍ରାଙ୍କୁ ନେଇ ରଥାରୁଢ଼ ହୋଇ ସାରା ସଂସାରକୁ ଦର୍ଶନ ଦିଅନ୍ତି ରଥ ଉପରେ । ସେଠି ନା ଥାଏ ଭେଦ ଭାବ, ନା ଥାଏ ଧନୀ- ଗରିବ ।
ପ୍ରଭୁଙ୍କୁ ଟିକେ ଦେଖିବା ପାଇଁ ପଶୁ, ପକ୍ଷୀ, ନର, ନାରୀ, ଦେବତା, ଦାନବ ସମସ୍ତେ ଛୁଟି ଆସନ୍ତି ରଥାରୁଢ ପ୍ରଭୁଙ୍କୁ ଦେଖିବା ପାଇଁ । ଦେବତାମାନେ କିପରି ପ୍ରଭୁଙ୍କୁ ଦେଖିବା ପାଇଁ ଆସିଛନ୍ତି ଏବଂ ପ୍ରଭୁଙ୍କ ଉପରେ ପୁଷ୍ପ ବର୍ଷା କରୁଛନ୍ତି ଏହି ସବୁ ଭାବନାତ୍ମିକ ଦୃଶ୍ୟକୁ ନିଜ ବାଲୁକା କଳାରେ ପ୍ରସ୍ତୁତ କରିଛନ୍ତି ଶିଳ୍ପୀ ମାନସ ସାହୁ । ୨ ମିନିଟ୍ ୪୦ ସେକେଣ୍ଡର ଏହି ଆନିମେସନ ଭିଡିଓଟିକୁ ନିର୍ମାଣ କରିବାକୁ ମାନସ ସାହୁଙ୍କୁ ଦୁଇ ଦିନ ସମୟ ଲାଗିଥିଲା ।