ଭୁବନେଶ୍ବର: ରାଜଧାନୀର ଲିଙ୍ଗିପୁରରେ ଘଟିଛି ଲଜ୍ଜାଜନକ ଘଟଣା । ଏଠାରେ ଜଣେ ଭିନ୍ନକ୍ଷମ ଯୁବତୀଙ୍କୁ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । ଘରେ କେହି ନଥିବା ବେଳେ ଜଣେ ଯୁବକ ତାଙ୍କୁ ଦୁଷ୍କର୍ମ କରିଛନ୍ତି। ତେବେ ଚିକିତ୍ସା ପାଇଁ ଯୁବତୀଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବାବେଳେ ଦୁଷ୍କର୍ମ କରିଥିବା ଯୁବକକୁ ଅଟକ ରଖି ପୋଲିସ ଘଟଣାର ଯାଞ୍ଚ ଆରମ୍ଭ କରିଛି ଧଉଳି ଥାନା ପୋଲିସ ।
ମିଳିଥିବା ସୂଚନା ଅନୁଯାୟୀ, ଦୁଷ୍କର୍ମ କରିଥିବା ଅଭିଯୁକ୍ତର ନାଁ ଗୌର ନାୟକ। ସେ ସ୍ଥାନୀୟ ଅଞ୍ଚଳରେ ଦିନ ମଜୁରିଆ ଭାବରେ କାମ କରୁଥିଲା। ଏମିତିରେ ଯୁବତୀଙ୍କ ଉପରେ ତା’ର କୁଦୃଷ୍ଟି ପଡ଼ିଥିଲା। ଆଉ ସୋମବାର ଭିନ୍ନକ୍ଷମ ଯୁବତୀଙ୍କୁ ଘରେ କେହି ନଥିବା ଦେଖି ଦୁଷ୍କର୍ମ କରିଥିଲା।
ଖବର ପାଇ ଧଉଳି ଥାନା ଅଧିକାରୀ ଏବଂ ପିସିଆର୍ ପହଞ୍ଚି ଯୁବକକୁ କାବୁ କରିଥିଲେ । ପରେ ସାଇଣ୍ଟିଫିକ୍ ଟିମ୍ ପହଞ୍ଚି ଘଟଣା ସ୍ଥଳ ଯାଞ୍ଚ କରିଥିଲେ। ଦିବ୍ୟାଙ୍ଗ ଯୁବତୀଙ୍କୁ ଚିକିତ୍ସା ପାଇଁ ମେଡିକାଲ ପଠାଯାଇଥିବା ବେଳେ ଧଉଳି ଥାନା ପୋଲିସ ଗୌରହରିଙ୍କୁ ଗିରଫ କରିବା ସହ ତଦନ୍ତ ଚଳାଇଛି।
