ନିମାପଡା ୧।୧୨: ନିମାପଡ଼ା-ବନମାଳୀପୁରୁ ମୁଖ୍ୟରାସ୍ତା ଡେଣୁଅଁବସ୍ତ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା । ଗୋଟିଏ ବାଇକ୍ ଏକାଧିକ ଗାଡ଼ିକୁ ଧକ୍କା ଦେବା ଫଳରେ ୩ ଜଣ ଆହତ ହୋଇଥିବା ବେଳେ ୩ ଜଣ ଗୁରୁତର ହୋଇଥିବା ଜଣାପଡିଛି । 

ସୂଚନାଯୋଗ୍ୟ ଯେ, ନିମାପଡ଼ା ପଟୁ ଆସୁଥିବା ଏକ ବାଇକ୍ ଭାରସାମ୍ୟ ହରାଇ ଡେଣୁଅଁବସ୍ତ ନିକଟରେ ଏକାଧିକ ଗାଡ଼ିକୁ ଧକ୍କା ଦେଇଥିଲା । ଫଳରେ ଅନ୍ୟପଟୁ ଆସୁଥିବା ଗାଡିରେ ଥିବା ଚାଳକଙ୍କ ସମେତ ଦୁର୍ଘଟଣା ଘଟାଇଥିବା ବାଇକ୍ ଚାଳକ ଗୁରୁତର ହୋଇଛନ୍ତି । ସମସ୍ତ ଆହତ ଓ ଗୁରୁତରଙ୍କୁ ନିମାପଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିବା ବେଳେ ୩ ଜଣଙ୍କ ଅବସ୍ଥା ଅଧିକ ଗୁରୁତର ହେବାରୁ ସେମାନଙ୍କୁ ଭୁବନେଶ୍ୱର ସ୍ଥାନାନ୍ତରିତ କରାଯାଇଛି । ଗୁରୁତର ମାନେ ହେଲେ ଡେଣୁଅଁ ପଞ୍ଚାୟତ ଛେନୁଅ ଗ୍ରାମର ୨୦ ବର୍ଷ ବୟସ୍କ ସାଇ ପ୍ରସାଦ ସାହୁ, ୩୭ ବର୍ଷ ବୟସ୍କ ଜାଗ୍ରତ ପ୍ରଧାନ ଏବଂ ୪୦ ବର୍ଷ ବୟସ୍କ ସୁରେଶ ପଲେଇ । ଅନ୍ୟ ୩ ଜଣଙ୍କ ଅବସ୍ଥା ବର୍ତ୍ତମାନ ସ୍ଥିର ଥିବା ଜଣାପଡିଛି । ଦୁର୍ଘଟଣାସ୍ଥଳରେ ନିମାପଡ଼ା ପୋଲିସ ପହଞ୍ଚି ଅଧିକ ତଦନ୍ତ ଚଳାଇଛି ।

You Can Read:

ସରକାରୀ ବାସଭବନରେ କୃଷି ଉଦ୍ୟାନ କର୍ମଚାରୀଙ୍କ ମୃତଦେହ, ପୁଅ ଆଣିଲେ ହତ୍ୟା ଅଭିଯୋଗ