ଆନନ୍ଦପୁର ୩୦।୧: ହାଇଓ୍ବା ସହ ବାଇକ୍ ଧକ୍କା । ଦୁଇ ବାଇକ୍ ଆରୋହୀଙ୍କ ମୃତ୍ୟୁ ହୋଇଛି । ଅନ୍ୟ ଜଣେ ଗୁରୁତର ଆନନ୍ଦପୁର ଡାକ୍ତରଖାନା ଭର୍ତ୍ତି ହୋଇଛନ୍ତି ।

ସୂଚନାଯୋଗ୍ୟ ଯେ, କେନ୍ଦୁଝର ଜିଲ୍ଲା ଘଷିପୁରା ଥାନା ଅନ୍ତର୍ଗତ ୨୦ନଂ ଜାତୀୟ ରାଜପଥର ବିଜି ମୋଟର୍ସ ନିକଟରେ ହାଇଓ୍ବା ସହ ବାଇକ୍ ଧକ୍କା ହୋଇ ୨ ଜଣଙ୍କର ମୃତ୍ୟୁ ଘଟିଛି । ଜଣେ ଗୁରୁତର ଆହତ ହୋଇ ଆନନ୍ଦପୁର ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ମୃତକ ହେଲେ ନଦୁଆଁ ଗାଁର ଶିବମ୍ ଦେହୁରୀ ଓ ସିପୁନ୍ ଖଟୁଆ । ଏମାନେ ଆଜି ସନ୍ଧ୍ୟାରେ କୌଣସି କାମରେ ୨୦ନଂ ଜାତୀୟ ରାଜପଥରେ ଯାଉଥିବା ସମୟରେ ବିଜି ମୋଟର୍ସ ନିକଟରେ ସାମ୍ନାରେ ଯାଉଥିବା ହାଇଓ୍ବା ବାମପଟକୁ କାଟି ଦେବାରୁ ନିୟନ୍ତ୍ରଣ ହରାଇ ବାଇକ୍ଟି ହାଇବା ପଛରେ ଧକ୍କା ହୋଇଥିଲା । ଖବର ପାଇ ଘଷିପୁରା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛି ।

You Can Read:

ହତ୍ୟା ଅଭିଯୁକ୍ତକୁ ଆଜୀବନ କାରାଦଣ୍ଡ, ୨୫ ହଜାର ଟଙ୍କା ଜରିମାନା