ମୁମ୍ଵାଇ ୨୭।୦୧; ଅଭିନେତ୍ରୀ ଉର୍ବଶୀ ରୌତେଲା। ବିଭିନ୍ନ କାରଣରୁ ଚର୍ଚ୍ଚାରେ ଥାଆନ୍ତି । କେତେବେଳେ ପ୍ରେମ ସଂପର୍କକୁ ନେଇ ତ ,ଆଉ କେତେବେଳେ ବିବାଦୀୟ ମନ୍ତବ୍ୟ କାରଣରୁ । ଏବେ ତାଙ୍କୁ ପୁଣିଥରେ ନେଟିଜେନ୍ଙ୍କ କଟାକ୍ଷର ଶିକାର ହେବାକୁ ପଡ଼ିଛି । ଉର୍ବଶୀ ଏବଂ ନନ୍ଦମୁରି ବାଲକୃଷ୍ଣ ଫିଲ୍ମ ‘ଡାକୁ ମହାରାଜ’ର ‘ଦାବିଡି ଦିବିଡି’ ଗୀତରେ ଯେଉଁଭଳି ଭାବେ ନାଚିଛନ୍ତି ତାହାକୁ ସହଜରେ ହଜମ କରିପାରିନାହାନ୍ତି ନେଟିଜେନ୍ । କିଭଳି ଭାବେ ଏମିତି ଅଶାଳୀନ ନୃତ୍ୟ ପ୍ରଦର୍ଶନ କରାଯାଏ। ଗୀତ ରିଲିଜ୍ ହେବାର କିଛି ସମୟ ମଧ୍ୟରେ ପ୍ରଶ୍ନ ଉଠାଇଛନ୍ତି ନେଟିଜେନ୍ ।
ଅନେକେ ପୁଣି ସିଧା ଏହାକୁ ‘କୁରୁଚିକର’ ନୃତ୍ୟ ବୋଲି ଆପତ୍ତି ଉଠାଇଛନ୍ତି । ପ୍ରବଳ ବିରୋଧର ସମ୍ମୁଖୀନ ହେବାକୁ ପଡି଼ଛି ଉର୍ବଶୀ ଓ ନନ୍ଦମୁରିଙ୍କୁ । ହେଲେ ବକ୍ସ ଅଫିସରେ ଫିଲ୍ମଟି ସଫଳ ହୋଇଛି ବୋଲି ପ୍ରଯୋଜକ ଦାବି କରିଛନ୍ତି । ନନ୍ଦମୁରି ଯେଉଁଭଳି ଭାବେ ଉର୍ବଶୀଙ୍କ ସହ ଆଚରଣ ପ୍ରଦର୍ଶନ କରିଛନ୍ତି ତାହା ନେଟିଜେନ୍ଙ୍କୁ ପସନ୍ଦ ହୋଇନାହିଁ । ନେଟିଜେନ୍ଙ୍କ କଟାକ୍ଷ ଶୁଣି ଉର୍ବଶୀ ବି ଚୁପ୍ ରହିନାହାନ୍ତି । ବରଂ କହିଛନ୍ତି ନନ୍ଦମୁରିଙ୍କ ଭଳି ଜଣେ ମହାତାରକାଙ୍କ ସହ କାମ କରିବା ନିହାତି ଭାବେ ସମ୍ମାନଜନକ ।
ତାଙ୍କ ସହିତ ଏହି ନୃତ୍ୟ ଆଦୌ ସାଧାରଣ କଥା ନୁହେଁ । ଏହି ନୃତ୍ୟର ଅଭ୍ୟାସ ସେମାନେ ଦୁଇଜଣ କରିଛନ୍ତି । ତାଙ୍କ ସହିତ କାମ କରିବା ନିଶ୍ଚିତ ଭାବେ ସୌଭାଗ୍ୟର କଥା । ତେବେ ଉର୍ବଶୀଙ୍କ ଏଭଳି ଉତ୍ତର ପଢ଼ି ନେଟିଜେନ୍ ଆହୁରି କ୍ଷୋଭ ପ୍ରକାଶ କରିଛନ୍ତି । କେହି କେହି ଏହା ଲେଖିଛନ୍ତି ଉର୍ବଶୀ ହୁଏତ ନିଜକୁ ଅତି ଉଚ୍ଚକୋଟୀର ଅଭିନେତ୍ରୀ ବୋଲି ଭାବୁଛନ୍ତି । ଯାହା କି ଆଦୌ ସତ ନୁହେଁ । ଉଚ୍ଚକୋଟୀର ଅଭିନେତ୍ରୀ ହେବାକୁ ଗଲେ ସହନଶୀଳ ମନୋଭାବର ପରିଚୟ ଦେବା ଉଚିତ ବୋଲି ମଧ୍ୟ କେହି କେହି ମନ୍ତବ୍ୟ ଦେଇଛନ୍ତି ।
