ମୁମ୍ଵାଇ ୧୬।୦୧; ବଲିଉଡ୍ ଅଭିନେତ୍ରୀ ଅନୁଷ୍କା ଶର୍ମା ତାଙ୍କ ସ୍ଵାମୀ ତଥା ଭାରତୀୟ କ୍ରିକେଟର ବିରାଟ କୋହଲି ଏବେ ଭାରତରେ ଅଛନ୍ତି । କୌଣସି ନା କୌଣସି କାରଣ ପାଇଁ ଚର୍ଚ୍ଚାରେ ଥାଆନ୍ତି। ଏହି ଷ୍ଟାର ଦମ୍ପତିଙ୍କୁ ଆଲିବାଗରେ ଥିବା ସେମାନଙ୍କର ନୂଆ ଘରକୁ ଯାଉଥିବାର ଦେଖାଯାଇଥିଲା। ଏହି ସମୟରେ ବିରାଟ-ଅନୁଷ୍କାଙ୍କର ଏକ ଭିଡିଓ ସାମ୍ନାକୁ ଆସିଛି। ଯାହା ସେମାନଙ୍କ ପ୍ରଶଂସକଙ୍କ ମଧ୍ୟରେ ଉତ୍ସାହ ବଢିଯାଇଛି । ଏହି ଭିଡିଓରେ ବିରାଟ କୋହଲି ଏବଂ ଅନୁଷ୍କା ଶର୍ମାଙ୍କ ଆଲିବାଗରେ ଥିବା ନୂଆ ବଙ୍ଗଳା ଦେଖାଯାଉଛି। ଯାହାକୁ ହାଉସୱାର୍ମିଂ ପାର୍ଟି ପୂର୍ବରୁ ଫୁଲରେ ସଜାଯାଉଛି।
ପାପାରାଜି ପିଙ୍କ୍ ଭିଲ୍ଲା ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରାଯାଇଛି। ଏହି ଭିଡିଓରେ, ଷ୍ଟାର ଦମ୍ପତିଙ୍କ ଅଲିବାଗରେ ଥିବା ନୂଆ ବଙ୍ଗଳାର ସାମ୍ନା ଗେଟ୍ ଦେଖିବାକୁ ମିଳିଛି। ଯାହାକୁ ଫୁଲରେ ସଜାଯାଇଛି। ଏହି ଭିଡିଓ ଭାଇରାଲ ହେବା ପରେ, ଅନୁମାନ କରାଯାଉଛି ଯେ ଏହା ହାଉସୱାର୍ମିଂ ପାର୍ଟି ପାଇଁ ପ୍ରସ୍ତୁତି ହେଉଛି ।
ମିଡିଆ ରିପୋର୍ଟ ଅନୁସାରେ, ବିରାଟ କୋହଲି ୨୦୨୩ ମସିହାରେ ଅଲିବାଗରେ ଏକ ବିଳାସପୂର୍ଣ୍ଣ ଭିଲା କିଣିଥିଲେ। ଯାହା ୨୦୦୦ ବର୍ଗଫୁଟରେ ନିର୍ମିତ । ଏହାର ମୂଲ୍ୟ ପ୍ରାୟ ୬ କୋଟି ଟଙ୍କା। ଏହି ଭିଲାରେ ୪୦୦ ବର୍ଗଫୁଟର ଏକ ସୁଇମିଂ ପୁଲ ଅଛି। ଏହା ବ୍ୟତୀତ, ଏହି ଦମ୍ପତି ଆଲିବାଗରେ ୧୯.୨୪ କୋଟି ଟଙ୍କାରେ ଏକ ଫାର୍ମହାଉସ୍ ମଧ୍ୟ କିଣିଛନ୍ତି।
