ନୂଆଦିଲ୍ଲୀ ୨୩।୧: ଭାରତୀୟ ରେଳ ୱେଟିଂ ଟିକେଟ୍ ବୁକିଙ୍ଗ ସିଷ୍ଟମ ବନ୍ଦ କରିଦେଇଛନ୍ତି ଓ ଏହି ସ୍ଥାନରେ ନୂଆ ନିୟମ ଲାଗୁ କରିଛନ୍ତି। ଏବେ ୱେଟିଂ ଟିକେଟ୍ ବଦଳେ କନଫର୍ମ ଟିକେଟ୍ ନିମନ୍ତେ ନୂଆ ବ୍ୟବସ୍ଥା କରାଯିବ। ଏହାର ଉଦ୍ଦେଶ୍ୟ ଯାତ୍ରୀଙ୍କୁ ଅଧିକ ସୁବିଧା ଓ ଠିକ୍ ସମୟରେ ଯାତ୍ରା ସୁନିଶ୍ଟିତ କରିବା ବୋଲି ରେଳବାଇ କହିଛନ୍ତି। ଏହି ନୂଆ ନିୟମରେ ଯାତ୍ରା ଯୋଜନାର ଉପାୟ ବଦଳିବ, ଯାହା ଦ୍ୱାରା ଯାତ୍ରୀଙ୍କୁ ଭଲ ଅନୁଭବ ମିଳିବ। ଜାଣନ୍ତୁ ନୂଆ ବ୍ୟବସ୍ଥା ଓ ଏହାର ଫାଇଦା।
ଭାରତୀୟ ରେଳ ତାଙ୍କ ଯାତ୍ରା ବ୍ୟବସ୍ଥାକୁ ଅଧିକ ସ୍ମାର୍ଟ ଓ ସୁବିଧାଜନକ କରିବା ପାଇଁ ଏକ ନୂଆ ‘ଡାୟନାମିକ୍ ୱେଟିଂ ଲିଷ୍ଟ ମ୍ୟାନେଜମେଣ୍ଟ ସିଷ୍ଟମ’ ଉପସ୍ଥାପନ କରିଛନ୍ତି। ଏହାର ଉଦ୍ଦେଶ୍ୟ ୱେଟିଂ ଟିକେଟ କାରଣରୁ ଯାତ୍ରୀଙ୍କୁ ହେଉଥିବା ଅସୁବିଧା ଦୂର କରିବା ଓ କନଫର୍ମ ଟିକେଟ ସମ୍ଭାବନାକୁ ବଢାଇବା। ଏହି ବ୍ୟବସ୍ଥା ୧ ଜାନୁୟାରୀ ୨୦୨୫ରୁ ଦେଶରେ ଲାଗୁ ହୋଇସାରିଲାଣି ଓ ଏହା ମାଧ୍ୟମରେ ଯାତ୍ରୀଙ୍କୁ ଅଧିକ ନିଶ୍ଚିତତା,ସୁବିଧା ଓ ଉନ୍ନତ ଯାତ୍ରା ଅନୁଭବ ମଧ୍ୟ ମିଳୁଛି।
ଏହି ନୂଆ ସିଷ୍ଟମର ବିକାଶ ଆର୍ଟିଫିସିଆଲ ଇଣ୍ଟେଲିଜେନ୍ସ (ଏଆଇ), ମେସିନ ଲର୍ଣ୍ଣିଂ ଓ ବିଗ୍ ଡାଟା ଆନାଲିସସ୍ ଭଳି ଉନ୍ନତ ଟେକ୍ନୋଲଜି ମାଧ୍ୟମରେ କାରଯାଇଛି, ଯାହାଦ୍ୱାରା ୱେଟିଂ ଲିଷ୍ଟକୁ ମ୍ୟାନେଜ କରିବା ଓ କନଫର୍ମ ଟିକେଟ୍ ଜାରି କରିବା ପ୍ରକ୍ରିୟାକୁ ଆହୁରି ଅଧିକ ପ୍ରଭାବଶାଳୀ କରାଯାଇ ପାରିଛି। ଏହି ସିଷ୍ଟମରେ ରିୟଲଟାଇମ ଡାଟାର ଉପଯୋଗ ହେଉଛି। ଏହା ଦ୍ୱାରା ଯାତ୍ରୀଙ୍କୁ ସିଟ୍ ଉପଲବ୍ଧତା, ବୁକିଂ ଡାଟା ଓ କ୍ୟାନସେଲେସନ ସ୍ଥିତି ସମ୍ପର୍କରେ ତତ୍କାଳ ସୂଚନା ମିଳି ପାରୁଛି।
ଏଆଇ ଓ ମେସିନ ଲର୍ଣ୍ଣିଂ ମାଧ୍ୟମରେ ଏହା ବୁଝିବାକୁ ଚେଷ୍ଟା କରାଯାଉଛି କେଉଁ ଯାତ୍ରୀଙ୍କ ଲାଗି କନଫର୍ମ ଟିକେଟ୍ ସମ୍ଭାବନା ସବୁଠୁ ଅଧିକ ଓ କାହାକୁ ଆଗାମୀ କିଛି ସମୟ ପରେ ସିଟ୍ ମିଳିପାରିବ। ଏହି ଆଧାରରେ ୱେଟିଂ ଲିଷ୍ଟକୁ ଅପ୍ଟିମାଇଜ କରାଯାଉଛି ଓ ଯାତ୍ରୀଙ୍କୁ ସବୁଠୁ ଭଲ ବିକଳ୍ପ ସମ୍ପର୍କରେ ସୂଚିତ କରାଯାଉଛି। ଏହି ପ୍ରଣାଳୀରେ ବିଗଡାଟା ଆନାଲିଟିକ୍ସର ମଧ୍ୟ ଉପଯୋଗ କରାଯାଉଛି, ଯାହା ଟ୍ରେନର ଚାହିଦା, ଯାତ୍ରାର ତାରିଖ ଓ ସିଟ୍ ମିଳିବାର ଡାଟାକୁ ବିଶ୍ଲେଷଣ କରିଥାଏ। ଯାହାର ପରିଣାମ ଯାତ୍ରୀଙ୍କୁ କନଫର୍ମ ଟିକେଟ୍ ମିଳିବାର ସମ୍ଭାବନାକୁ ବଢାଇ ଦେଇଛି।
