ନୂଆଦିଲ୍ଲୀ ୦୮।୦୪; ଏବେ ସିନେମା ପ୍ରେମୀଙ୍କ ପାଇଁ ଖୁସି ଖବର । ଭାରତର ଲିଡିଙ୍ଗ ସିନେମା ଚେନ୍ PVR ଆଇନକ୍ସ "ବ୍ଲକବଷ୍ଟର ଟ୍ୟୁସ୍ଡେ" ଘୋଷଣା କରିଛି। ଏହି "ବ୍ଲକବଷ୍ଟର ଟ୍ୟୁସ୍ଡେ"ରେ, ସମସ୍ତ ସିନେମାର ଟିକେଟ୍ ୯୯ ଟଙ୍କାରୁ ୧୪୯ ଟଙ୍କା ପର୍ଯ୍ୟନ୍ତ ଉପଲବ୍ଧ ହେବ। ଏହି ସ୍ୱତନ୍ତ୍ର ଅଫର୍ ଆଜି ଅର୍ଥାତ୍ ୮ ଏପ୍ରିଲରୁ ଆରମ୍ଭ ହେଉଛି।
PVR ଆଇନକ୍ସର ଏହି ଲଞ୍ଚରେ IMAX, 3D, 4DX ଏବଂ ScreenX ଭଳି ପ୍ରିମିୟମ୍ ଫର୍ମାଟ୍ ଉପରେ ରିହାତି ମିଳିବ। ଏହି ଅଫର ସମସ୍ତ ଫିଲ୍ମ ପାଇଁ ପ୍ରଯୁଜ୍ୟ ହେବ। ଏହି ଅଫର ପରେ, ସମସ୍ତ ସିନେମା ପ୍ରେମୀ ପ୍ରତି ମଙ୍ଗଳବାର ଶସ୍ତା ମୂଲ୍ୟରେ ବ୍ଲକବଷ୍ଟର ସିନେମା ଉପଭୋଗ କରିବାକୁ ବହୁତ ଉତ୍ସାହିତ। ମଜାଦାର କଥା ହେଉଛି ଏହି ଅଫର କେବଳ ଗୋଟିଏ କିମ୍ବା ଦୁଇଟି ସ୍ଥାନରେ ଉପଲବ୍ଧ ନୁହେଁ ବରଂ ସାରା ଦେଶରେ ୩୦୦ ରୁ ଅଧିକ ସିନେମା ହଲରେ ଉପଲବ୍ଧ।
ଏହି ଚମତ୍କାର ଅଫର ବିଷୟରେ କହିବାକୁ ଗଲେ, PVR INOX ଲିମିଟେଡର ଚିପ୍ ବିଜନେସ୍ ଏବଂ ପ୍ଲାନିଂ ଆଣ୍ଡ ଷ୍ଟ୍ରାଟେଜି କମଲ ଜ୍ଞାନଚନ୍ଦାନୀ କହିଛନ୍ତି, "ବ୍ଲକବଷ୍ଟର ଟ୍ୟୁସ୍ଡେ ଯାହା ସମସ୍ତଙ୍କ ପାଇଁ ସିନେମାକୁ ଅଧିକ ଆରାମଦାୟକ ଏବଂ ମନୋରଞ୍ଜନକାରୀ କରିବା ପାଇଁ ଆମର ପ୍ରତିବଦ୍ଧତାକୁ ପ୍ରତିଫଳିତ କରେ। ଏହି ଗ୍ରୀଷ୍ମ ଋତୁରେ, ଆମେ ଏହି ମଧ୍ୟ-ସପ୍ତାହ ମୂଲ୍ୟ ସହିତ ସିନେମାର ଯାଦୁକୁ ପାଳନ କରିବୁ ଏବଂ ଏହା ପ୍ରତ୍ୟେକ ମଙ୍ଗଳବାରକୁ ଏକ ବ୍ଲକବଷ୍ଟର କରିବାର ଆମର ନୂତନ ଉପାୟ।"
ସିନେମା ଟିକେଟ୍ ସହିତ, PVR INOX ସ୍ୱତନ୍ତ୍ର ଖାଦ୍ୟ ସାମଗ୍ରୀ ଉପରେ ସ୍ୱତନ୍ତ୍ର ଡିଲ୍ ମଧ୍ୟ ପ୍ରଦାନ କରିବ। ଟିକେଟ୍ ବୁକିଂ ବିଷୟରେ କହିବାକୁ ଗଲେ, ଏହାକୁ PVR ଏବଂ INOX ର ଅଫିସିଆଲ୍ ୱେବସାଇଟ୍ ରୁ ବୁକ୍ କରାଯାଇପାରିବ। ରିପୋର୍ଟ ଅନୁଯାୟୀ, ଦକ୍ଷିଣ ଭାରତୀୟ ରାଜ୍ୟଗୁଡ଼ିକରେ ଏହି ଟିକେଟର ମୂଲ୍ୟ ଭିନ୍ନ ହୋଇପାରେ।
