ନୂଆଦିଲ୍ଲୀ: ସ୍ପୋର୍ଟୀ ଲୁକ୍, ମଡର୍ଣ୍ଣ ଫିଚର ଏବଂ ଦମଦାର ପାୱାର ପାଇଁ ଗ୍ରାହକଙ୍କ ମନ ଜିଣିବାରେ ସଫଳ ହୋଇଛି ବ୍ରିଟ୍ରେନ ବାଇକ୍ ନିର୍ମାତା କମ୍ପାନି ଟ୍ରାୟମ୍ଫ। ନୂଆ ଯୁଗର ରାଇଡରଙ୍କୁ ଧ୍ୟାନରେ ରଖି କମ୍ପାନୀ ନୂଆ ନୂଆ ବାଇକ ମଧ୍ୟ ଲଞ୍ଚ କରୁଛି। ଏବେ କମ୍ପାନୀ ସ୍ପିଡ ଟ୍ୱିନ ୧୨୦୦ ଏବଂ ଆରଏସ ମଡେଲର ୨୦୨୫ ଅପଡେଟେଡ ଭାରିଆଣ୍ଟ ଲଞ୍ଚ କରିଛି। ଏଥିରେ କ’ଣ ସବୁ ଖାସ୍ ଫିଚର ରହିଛି ଜାଣନ୍ତୁ।
୨୦୨୫ Speed Twin 1200 ଏବଂ Speed Twin 1200 RS ବାଇକରେ ରହିଛି ପୂର୍ବ ମଡେଲ ଭଳି ୧୨୦୦ ସିସିର ପାରାଲାଲ ଟ୍ବିନ ଲିକ୍ବିଡ-କୁଲ୍ଡ ଇଞ୍ଜିନ। ଯାହା ୭,୭୫୦ ଆରପିଏମରେ ୧୦୫ ଏଚପିର ପାୱାର ଏବଂ ୪,୨୫୦ ଆରପିଏମରେ ୧୧୨ ଏନଏମ ଟର୍କ ଜେନେରେଟ କରିଥାଏ। ଉଭୟ ମଡେଲରେ ସ୍ଲିପ୍-ଆଣ୍ଡ୍-ଆସିଷ୍ଟ, କ୍ଲଚ୍-କଣ୍ଟ୍ରୋଲ୍ଡ ୬-ସ୍ପିଡ୍ ଗିୟରବକ୍ସ ରହିଛି। କିନ୍ତୁ କେବଳ ଆରଏସରେ ବାଇ-ଡାଇରେକ୍ସନାଲ କ୍ବିକସିଫ୍ଟର ରହିଛି ।
୨୦୨୫ ଟ୍ରାୟମ୍ଫ ସ୍ପିଡ ଟ୍ୱିନ ୧୨୦୦ରେ ଏବିଏସ, ରାଇଡ ମୋଡ୍ସ, ଟ୍ରାକ୍ସନ କଣ୍ଟ୍ରୋଲ, ଏଲସିଡି ଇନଷ୍ଟ୍ରୁମେଣ୍ଟ କ୍ଲଷ୍ଟର ରହିଛି। ମୋଟର ସାଇକେଲ ଏଲଇଡି ଲାଇଡ୍, ଟର୍ଣ୍ଣ-ବାଏ-ଟର୍ଣ୍ଣ ନାଭିଗେସନ, ୟୁଏସବି-ସି ଚାର୍ଜିଂ ସକେଟ ରହିଛି। ସେହିଭଳି ସ୍ପିଡ ଟ୍ବିନ୍ ୧୨୦୦ରେ ଆଡଜଷ୍ଟେବୁଲ ୩୪ ଏମଏମ ୟୁଏସଡି ଫୋର୍କ ଏବଂ ଟ୍ବିନ ଶକ୍ ଅବଜରଭର ରହିଛି। ଉଭୟ ମଡେଲରେ ମାର୍ଜୋଜୀ ସସପେନସନ ରହିଛି।
ଷ୍ଟାଣ୍ଡାର୍ଡ ସ୍ପିଡ ଟ୍ବିନ ୧୨୦୦ ତିନିଟି କଲର ଅପ୍ସନ ହ୍ୱାଇଟ୍, ରେଡ୍ ଏବଂ ସିଲଭରରେ ମାର୍କେଟ୍ରେ ଲଞ୍ଚ ହୋଇଥିବା ବେଳେ ଆରଏସ ଭାରିଆଣ୍ଟ ଦୁଇଟି କଲର ଅପ୍ସନ ବ୍ଲାକ୍ ଏବଂ ଅରେଞ୍ଜ ସହ ଉପଲବ୍ଧ ହେବ। Speed Twin 1200ର ଏକ୍ସ ଶୋ ରୁମ ମୂଲ୍ୟ ୧୨.୭୫ ଲକ୍ଷ ଟଙ୍କା ରଖାଯାଇଛି। ସେହିପରି RS ଭାରିଆଣ୍ଟର ଏକ୍ସ ଶୋରୁମ ମୂଲ୍ୟ ୧୫ ଲକ୍ଷ ୫୦ ହଜାର ରଖା ଯାଇଛି।
