ଆଠଗଡ଼ ୦୪।୧୧ : ଟ୍ରାଙ୍କୁଲାଇଜ୍ ହେଲା ଅସୁସ୍ଥ ହାତୀ । ଶିକାରୀର ତୀର ବାଜି ଆହତ ହୋଇଥିବା ଦନ୍ତା ହାତୀକୁ ଟ୍ରାଙ୍କୁଲାଇଜ୍ ପରେ ଚିକିତ୍ସା ଚାଲିଛି । ନନ୍ଦନକାନନ ଏବଂ ଢେଙ୍କାନାଳର ଏକ ଟିମ୍ ଲଗାତର ଭାବେ ହାତୀର ସ୍ୱାସ୍ଥ୍ୟ ଉପରେ ନଜର ରଖିଛନ୍ତି ।
ଖବର ଅନୁଯାୟୀ, ଆଠଗଡ଼ ବନଖଣ୍ଡ ନରସିଂହପୁର ପୂର୍ବାଞ୍ଚଳ ରେଞ୍ଜରେ ଏକ ଦନ୍ତା ହାତୀ ଶିକାରୀଙ୍କ ତୀରମାଡ଼ରେ ଆହତ ହୋଇଥିଲେ । ଏହାପରେ ନନ୍ଦନକାନନ, ବନବିଭାଗ ଏବଂ କପିଳାସର ଏକ ଟିମ୍ ଆସି ହାତୀକୁ ଟ୍ରାଙ୍କୁଲାଇଜ୍ କରିଥିଲେ । ହାତୀକୁ ଟ୍ରାଙ୍କୁଲାଇଜ୍ ପରେ ଚିକିତ୍ସା ଆରମ୍ଭ ହୋଇଥିଲା । ବର୍ତ୍ତମାନ ହାତୀଟି ସୁସ୍ଥ ଅଛି । ଆଉ ଲଗାତର ଭାବେ ହାତୀର ସ୍ୱାସ୍ଥ୍ୟ ଉପରେ ନଜର ରଖାଯାଇଛି ବୋଲି ବନବିଭାଗ ପକ୍ଷରୁ ସୂଚନା ଦିଆଯାଇଛି । ସେହିପରି ହାତୀକୁ ଆଗାମୀ ୧୫ ଦିନ ପର୍ଯ୍ୟନ୍ତ ନଜରରେ ରଖାଯିବ ବୋଲି କହିଛନ୍ତି ଆଠଗଡ଼ ଏସିଏଫ୍ ମନୋଜ କୁମାର ପାତ୍ର ।
