ଭୋଲଗୋଗ୍ରାଦ ୨୧।୧୧: ଋଷିଆ ମିଡିଆ ଆଉଟଲେଟ୍ ଭାଜନୀ ଇସ୍ତୋରୀ ଦ୍ୱାରା ନଭେମ୍ବର ୧୯ରେ ପ୍ରକାଶିତ ଏକ ଯାଞ୍ଚ ରିପୋର୍ଟ ଅନୁସାରେ ଭୋଲଗୋଗ୍ରାଦରେ ମୁତୟନ ଋଷିଆର ୨୦ତମ ଗାର୍ଡ ମୋଟର ରାଇଫଲ ଡିଭିଜନର ୧,୦୦୦ରୁ ଅଧିକ ସୈନିକ ୟୁକ୍ରେନ ଉପରେ ପୂର୍ଣ୍ଣମାତ୍ରାରେ ଆକ୍ରମଣ କାଳରେ ପଳାୟନ କରିଛନ୍ତି। ସାମ୍ବାଦିକମାନେ ଏକ ଅଜ୍ଞାତ ସୂତ୍ରରୁ ଫେରାର ସୈନିକମାନଙ୍କର ଏକ ସୂଚୀ ପ୍ରସ୍ତୁତ କରିଛନ୍ତି।
ଏପ୍ରିଲ ୨୦୨୪ ପୂର୍ବରୁ ସଂକଳିତ ଏହି କାଗଜପତ୍ରକୁ ଡିଭିଜନ କମାଣ୍ଡ ଦ୍ୱାରା ସାରା ଦେଶରେ କ୍ଷେତ୍ରିୟ ଅଧିକାରୀଙ୍କ ନିକଟକୁ ପଠାଯାଇଥିଲା, ଯେଉଁଥିରେ ନିଖୋଜ ସୈନିକଙ୍କ ସନ୍ଧାନ ନେବା ପାଇଁ ସହାୟତା କରିବାକୁ ନିବେଦନ କରାଯାଇଥିଲା। ଏଥିରେ ୧ହଜାର ୧୦ ସୈନିକଙ୍କ ସୂଚୀ ରହିଛି, ଯାହା ଏକ ରେଜିମେଣ୍ଟ ସହ ସମାନ। ଏହି ସମୂହରେ ୮୫୮ ଜଣ କଣ୍ଟ୍ରାକ୍ଟ ସୈନିକ ଥିବା ବେଳେ ୧୫୦ ଜଣ ସଂଗୃହୀତ ସୈନିକ, ୨ ଜଣ ନିଯୁକ୍ତ, ୨୬ ଜୁନିୟର ଅଧିକାରୀ, ଜଣେ ମେଜର ଓ ୨ ଜଣ ଲେଫ୍ଟନାଣ୍ଟ କର୍ଣ୍ଣେଲ ଅଛନ୍ତି।
ସାମ୍ବାଦିକମାନେ ଡିଭିଜନ ଲାଗି ୨୦୨୨ କାର୍ମିକ ରେଜିଷ୍ଟ୍ରି ସହ ମିଳାଇ ସୂଚୀର ପ୍ରାମାଣିକତା ପୁଷ୍ଟି କରିଛନ୍ତି। ଯାଞ୍ଚରୁ ଜଣାପଡିଛି ଯେ ଋଷିଆ ସଶସ୍ତ୍ର ବଳ ଫେରାର ସୈନିକଙ୍କ ମୋଟ ସଂଖ୍ୟା ସ୍ପଷ୍ଟ କରି ନାହିଁ, କିନ୍ତୁ କୁହାଯାଇଛି ଡକ୍ୟୁମେଣ୍ଟ ଯୁଦ୍ଧକାଳରେ ଫେରାର ସୈନିକଙ୍କ ସଂଖ୍ୟାକୁ ଉଜାଗର କରିଛି। ଯେଉଁମାନଙ୍କ ମଧ୍ୟରୁ କେତେକ ପରେ ସ୍ୱଇଛାରେ ପୁଣି ଫେରିଆସିଛନ୍ତି। ତେବେ ଏଥିରୁ କେତେକ ମଝିରେ ଅପରାଧ ମଧ୍ୟ କରିଛନ୍ତି।
୨୦ତମ ଡିଭିଜନରୁ ପଳାୟନ କରିଥିବା ଜନୈକ ସୈନିକ କହିଛନ୍ତି ଯେ ତାଙ୍କୁ ଜାଣିଥିବା ଅନେକ ପଳାୟନପନ୍ଥୀ ପୁଣି ଫେରିବା ପରେ ଦଣ୍ଡରୁ ବର୍ତ୍ତି ଯାଇଛନ୍ତି। ସେମାନେ ନିଜକୁ ୱାଣ୍ଟେଡ ଲିଷ୍ଟରୁ ବାହାରେ ରଖିବା ପାଇଁ ଫେରିବା ନିମନ୍ତେ ଯୋଜନା କରୁଛନ୍ତି। ଏହା ପୂର୍ବରୁ ଋଷୀୟ ଡୁମା ୟୁକ୍ରେନ ବିରୋଧରେ ଯୁଦ୍ଧ ଲଢିବା ପାଇଁ ନିଯୁକ୍ତ ଲୋକଙ୍କ ନିମନ୍ତେ ୧୦ ନିୟୁତ ରୁବଲ (୧,୦୦,୦୦୦ ଡଲାର) ଋଣ ରଦ୍ଦ କରିବାକୁ ଅନୁମତି ଦେଉଥିବା ଏକ ଆଇନ ଗ୍ରୁହିତ କରିଥିଲା।
