ଭୁବନେଶ୍ବର ୨।୪: ଭରତପୁରରେ ପୋଲିସ-ଜନତା ଖଣ୍ଡଯୁଦ୍ଧ, ଆଇନ ଶୃଙ୍ଖଳା ବିପର୍ଯ୍ୟସ୍ତ ନେଇ ବିଜେଡି ଆଣିଥିବା ମୁଲତବୀ ପ୍ରସ୍ତାବ ଉପରେ ଉତ୍ତର ରଖିଲେ ସଂସଦୀୟ ବ୍ୟାପାର ମନ୍ତ୍ରୀ ମୁକେଶ ମହାଲିଙ୍ଗ । ମୁଖ୍ୟମନ୍ତ୍ରୀଙ୍କ ତରଫରୁ ଗୃହରେ ଉତ୍ତର ରଖିଲେ ସଂସଦୀୟ ବ୍ୟାପାର ମନ୍ତ୍ରୀ ।
ଘର ମାଲିକାନା ବିବାଦକୁ କେନ୍ଦ୍ର କରି ଏଭଳି ଘଟଣା ଘଟିଥିଲା । ଏହି ଘଟଣାରେ ୧୬୧/୨୫ରେ ମାମଲା ରୁଜୁ କରାଯାଇ ମୁଖ୍ୟ ଅଭିଯୁକ୍ତଙ୍କ ସମେତ ୫ ଜଣଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ପୋଲିସ ଗାଡିକୁ ଆକ୍ରମଣ ଘଟଣାରେ ୧୬୨/୨୫ ମାମଲା ରୁଜୁ କରାଯାଇ ୨ ଜଣଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ରାଜ୍ୟରେ ମୋଟାମୋଟି ଆଇନଶୃଙ୍ଖଳା ସ୍ଥିତି ନିୟନ୍ତ୍ରଣରେ ଅଛି । ଆଗୁଆ ସୂଚନା ପାଇ ଆଇନଶୃଙ୍ଖଳା ସ୍ଥିତିକୁ ପ୍ରତିହତ କରାଯାଇ ପାରିଛି । ସମସ୍ତ ଗୁରୁତ୍ବପୂର୍ଣ୍ଣ ଅପରାଧର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ କରାଯାଉଛି ।
ଆଲୋଚନାରେ ଭାଗ ନେଇ ସରକାରଙ୍କୁ କଡ଼ା ସମାଲୋଚନା କରିଛନ୍ତି ବିରୋଧୀ ଦଳ ଉପ ମୁଖ୍ୟ ସଚେତକ ପ୍ରତାପ ଦେବ । ପ୍ରତାପ ଦେବ କହିଛନ୍ତି ମନ୍ତ୍ରୀଙ୍କ କଥାରେ ଯଦି ସବୁ ଠିକ୍ ଚାଲିଛି ଗଣମାଧ୍ୟମର ପ୍ରକାଶିତ ଖବର କଣ ସମ୍ପୂର୍ଣ୍ଣ ମିଛ ? ମୁଖ୍ୟମନ୍ତ୍ରୀଙ୍କ ତରଫରୁ ସଂସଦୀୟ ବ୍ୟାପାର ମନ୍ତ୍ରୀ ତଥ୍ୟ ରଖି ସମ୍ପୂର୍ଣ୍ଣ ମିଛ କଥା କହୁଛନ୍ତି । ମିଛ କହିବା ସରକାରଙ୍କ ହିଁ ବାସ୍ତବତା । ସରକାର ଦିଶାହୀନ ଚିନ୍ତାଧାରା ହୀନ । ସରକାରଙ୍କର ମନୋବଳ ଓ ଦୃଢତାର ଅଭାବ ରହିଛି । ସ୍ପାଇନଲେସ୍ ସରକାର ଭଳି ଚାଲିଛି । ସେହି ପୋଲିସ ଥିଲେ ଦୁଇ ବର୍ଷ ତଳେ ଥିଲେ । ସବୁ ଠିକ୍ ଚାଲିଥିଲା । କିନ୍ତୁ ଆଜି ପୋଲିସ ହତାଶ । ଆଜି ସବଇନ୍ସପେକ୍ଟର ଠୁ ଆରମ୍ଭ କରି ଡିଜିଙ୍କ ଉପରେ ରାଜନୀତିକ ଚାପ ପଡୁଛି । ପୋଲିସକୁ କ୍ଷମତା ଦିଆଯାଉ ନାହିଁ । ସରକାର ଯେଉଁ ଆଇନ ପ୍ରଣୟନ କରୁଛନ୍ତି ତାହା କାର୍ଯ୍ୟକାରୀ ହେଉନାହିଁ । ପୋଲିସ ଆଇନ ଶୃଙ୍ଖଳା କାମ ଛାଡି ଯଦି ବାଲି ଗାଡ଼ି ପଛରେ ଧାଇଁବ, ଅନ୍ୟ କାମ କରିବ କେମିତି ଆଇନ ଶୃଙ୍ଖଳା ସ୍ଥିତି ଠିକ୍ ରହିବ । ସରକାରଙ୍କ ନୀତି ଉଦ୍ଦେଶ୍ୟ ଠିକ୍ ନୁହେଁ । ବିଧାନସଭା ଭିତରେ ଯେଭଳି ଘଟଣା ହେଲା ସେଥିରୁ ସ୍ପଷ୍ଟ ଗୁଇନ୍ଦା ସମ୍ପୂର୍ଣ୍ଣ ଫେଲ୍ । ରାଜନୀତିକ ଚାପ ଯୋଗୁଁ ପୋଲିସ ଫେଲ୍ । ନେତା ସୁରକ୍ଷା ଦେଉଛନ୍ତି ବୋଲି ଅପରାଧୀଙ୍କ ମନୋବଳ ବଢୁଛି । ୨୭୦ ଦିନରେ ୩ ହଜାର ମହିଳା ଦୁଷ୍କର୍ମ ମାମଲା । ଅପରାଧୀଙ୍କକ କାହିଁକି ପୋଲିସକୁ ଭୟ ରହୁନି ?
ବିଜେଡି ବିଧାୟକ ବ୍ୟୋମକେଶ ରାୟ କହିଛନ୍ତି ରାଜଧାନୀ ଭୁବନେଶ୍ଵରରେ ସବୁଠୁ ଅଧିକ ଅପରାଧ ବଢୁଛି । ବିଜେପି କର୍ମୀଙ୍କ ଚାପ ଯୋଗୁଁ ପୋଲିସ ସଠିକ୍ ଭାବେ କାମ କରି ପାରୁନି । ଯଦି ରାଜ୍ୟପାଳଙ୍କ ପୁଅ ଘଟଣାରେ କାର୍ଯ୍ୟାନୁଷ୍ଠାନ ହୋଇଥାନ୍ତା ରାଜ୍ୟରେ ଆଜି ଏଭଳି ଘଟଣା ଘଟି ନଥାନ୍ତା ।
You Can Read:
ଦାମୀ ବ୍ରାଣ୍ଡ୍ ନାଁରେ ବିକ୍ରି ହେଉଛି ନକଲି ଲୁହା ଛଡ଼, କୋରାପୁଟ ଓ ମାଲକାନଗିରିରେ ବ୍ୟାପକ ଜାଲିଆତି
