କଟକ ୦୩।୦୪ : ରେଭେନ୍ସା ବିଶ୍ଵବିଦ୍ୟାଳୟରେ ଛାତ୍ର ଅସନ୍ତୋଷ। ବିଶ୍ବବିଦ୍ୟାଳୟ ପରିସରରେ ଅଣଛାତ୍ର ପଶି ହଷ୍ଟେଲ ଛାତ୍ରଙ୍କୁ ଆକ୍ରମଣ କରିଥିଵା ଅଭିଯୋଗରେ କିଛି ଛାତ୍ର କୁଳପତିଙ୍କ କାର୍ଯ୍ୟାଳୟ ଆଗରେ ଆମରଣ ଅନଶନରେ ବସିଛନ୍ତି।
ଖବର ଅନୁଯାୟୀ, ବୁଧବାର ଅପରାହ୍ନରୁ ରେଭେନ୍ସାର ଓ୍ବେଷ୍ଟ ହଷ୍ଟେଲର ଏହି ଛାତ୍ର ମାନେ ଆମରଣ ଅନଶନରେ ବସିଥିଲେ । ତଥାପି ରେଭେନ୍ସା କର୍ତ୍ତୃପକ୍ଷ ସେମାନଙ୍କ ସହ କୈାଣସି ପ୍ରକାର ଆଲୋଚନା କରିନଥିବା ଅଭିଯୋଗ କରିଛନ୍ତି। ଅନଶନରେ ବସିଥିବା ଛାତ୍ରଙ୍କ ମତରେ, ଗତ ୩୧ ତାରିଖ ସଂଧ୍ୟାରେ କିଛି ଅଣଛାତ୍ର କ୍ୟାମ୍ପସକୁ ଆସି ଧମକ ଚମକ ଦେଵା ସହ ଛାତ୍ରମାନଙ୍କୁ ଅଶାଳୀନ ବ୍ୟବହାର ସହ ମାଡ ମାରିଥିଲେ। ଯାହାପରେ ଆକ୍ରୋଶର ଶିକାର ହୋଇଥିବା ଛାତ୍ରମାନେ ମାଲଗୋଦାମ ଥାନାରେ ସଂପୃକ୍ତ ଅଣଛାତ୍ରଙ୍କ ବିରୋଧରେ ଅଭିଯୋଗ କରିବାକୁ ଯାଇଥିଲେ । ହେଲେ ଥାନା କର୍ତ୍ତୃପକ୍ଷ ଏତଲା ରଖିନଥିବା ଛାତ୍ରମାନେ କହିଛନ୍ତି । ଏପିରିକି ଆକ୍ରମଣକାରୀ ଅଣ ଛାତ୍ରଙ୍କ ଅଭିଯୋଗକୁ ଆଧାର କରି ମାଡ଼ ଖାଇଥିବା ଛାତ୍ରଙ୍କ ବିରୋଧରେ ମାମଲା ରୁଜୁ କରିଥିବା ଅଧ୍ୟ ଅଭିଯୋଗ ହୋଇଛି ।
