ସୋର ୩।୪: ଖଇରା ସୁନା ଦୋକାନୀଙ୍କ ଘରୁ ଲୁଟ୍ ଘଟଣାର ତଦନ୍ତ ଆରମ୍ଭ । ୮ ଶହ ଗ୍ରାମ ସୁନା ନଗଦ ଟଙ୍କା ଶହ ପ୍ରାୟ କୋଟିଏ ଟଙ୍କାର ସୁନାଗହଣା ଲୁଟ୍ ଘଟଣାରେ ପୋଲିସ ପକ୍ଷରୁ ସ୍ୱତନ୍ତ୍ର ଟିମ୍ ଗଠନ ହୋଇଛି l ଡକାୟତମାନେ ଲୁଟ୍ କଲା ବେଳେ ଅତି ଅମାନୁଷିକଭାବେ ଗହଣା ଦୋକାନୀଙ୍କ ଗର୍ଭବତୀ ସ୍ତ୍ରୀଙ୍କୁ ବାନ୍ଧି ଖଟକୁ ଫିଙ୍ଗି ଦେଲେ l ଅଢେଇ ବର୍ଷର ଶିଶୁ ଓ ବୃଦ୍ଧଙ୍କୁ ମାଡ଼ ଦେଲେ l ଗହଣା ଦୋକାନୀ ଓ ତାଙ୍କ ମା’ଙ୍କୁ କ୍ରିକେଟ୍ ବ୍ୟାଟ୍ରେ ପିଟିବାରୁ ଗହଣା ଦୋକାନୀଙ୍କ ମା’ ଗୁରୁତର ହୋଇ ଡାକ୍ତରଖାନାରେ ଭର୍ତ୍ତି ହେଲେ l ଏଭଳି ଘଟଣା ପରେ ନୀଳଗିରି ଏସ୍ଡ଼ିପିଓ ପ୍ରମୋଦ କୁମାର ମଲ୍ଲିକ ସ୍ୱତନ୍ତ୍ର ପୋଲିସ ଫୋର୍ସ ଗଠନ କରି ତଦନ୍ତ କରିବାକୁ ନିର୍ଦ୍ଦେଶ ଦେଇଛନ୍ତି l
ସୂଚନାଯୋଗ୍ୟ ଯେ, ବୁଧବାର ବିଳମ୍ବିତ ରାତିରେ ୫ରୁ ଉର୍ଦ୍ଧ୍ବ ଦୁର୍ବୃତ୍ତ ବାଲେଶ୍ୱର ଜିଲ୍ଲା ଖଇରା ଥାନା ଅନ୍ତର୍ଗତ ପ୍ରହରାଜପୁର ଗ୍ରାମର ଜୁଏଲାରୀ ମାଲିକ ସଞ୍ଜୟ ସାହୁ ତୁଡ଼ିଗଡିଆ ବଜାରରେ ଶଙ୍କର ନାମକ ଏକ ଜୁଏଲାରୀ ଦୋକାନ କରି ପରିବାର ପ୍ରତିପୋଷଣ କରନ୍ତି l ବୁଧବାର ଦୋକାନ ବନ୍ଦ କରି ଘରେ ଖାଇ ଶୋଇବା ପରେ ରାତି ୨ଟା ସମୟରେ ଘର କବାଟ ଓ ଗ୍ରୀଲ ଭାଙ୍ଗି ଘରେ ପଶି ଘରେ ଥିବା ସଞ୍ଜୟ, ସଞ୍ଜୟଙ୍କ ମା’, ସ୍ତ୍ରୀ ଓ ଛୋଟ ପିଲା ଥିବା ଲୋକଙ୍କୁ ପ୍ରଥମେ ବାନ୍ଧି ମୋବାଇଲ ଛଡାଇ ନେଇଥିଲେ ପରେ ବନ୍ଧୁକ, ଭୁଜାଲି ଓ ବ୍ୟାଟ୍ରେ ଆକ୍ରମଣ କରି କୋଟିଏ ଟଙ୍କାରୁ ଉର୍ଦ୍ଧ୍ବ ଅଳଙ୍କାର ସମେତ ଲକ୍ଷେ ଟଙ୍କା ଲୁଟ୍ କରି ଫେରାର ହୋଇଯାଇଛନ୍ତି ଡକାୟତ l
ଲୁଟ୍ ବେଳେ ଡକାୟତ ମାନେ ମୁହଁରେ କପଡା ବାନ୍ଧିଥିବାରୁ ପୀଡିତ ପରିବାର ସେମାନଙ୍କର ପରିଚୟ ପାଇ ପାରିନଥିଲେ l ଆକ୍ରମଣରେ ଗୁରୁତର ହୋଇ ସଞ୍ଜୟଙ୍କ ମା’ ନୀଳିମା ସାହୁ ଗୁରୁତର ହୋଇ ମେଡ଼ିକାଲରେ ଭର୍ତ୍ତି ଥିବାବେଳେ ପୋଲିସ ଏକ ହେଲମେଟ୍ ଜବତ କରିଛି l ଡକାୟତ ମାନେ ବାଇକରେ ଆସି ଲୁଟ୍ ପରେ ଫେରାର ହୋଇଯାଇଥିବା ପୋଲିସ ତଦନ୍ତରୁ ଜାଣିପାରିଛି l ପୋଲିସ ସାଇଣ୍ଟିଫିକ୍ ଟିମ୍ ଓ ସନ୍ଧାନୀ କୁକୁର ସହାୟତାରେ ତଦନ୍ତ କରୁଛି ।
You Can Read:
ରାଜ୍ୟବ୍ୟାପୀ ଆନ୍ଦୋଳନ ନେଇ କଂଗ୍ରେସର ଆହ୍ବାନ : ଏପ୍ରିଲ୍ ୧୫ରୁ ମଶାଲ ଶୋଭାଯାତ୍ରା, ୨୧ରେ ଜିଲ୍ଲାପାଳ ଅଫିସ୍ ଘେରାଉ
