ମୁମ୍ଵାଇ ୨୫।୦୨; ଚାମ୍ପିଅନ୍ସ ଟ୍ରଫି ୨୦୨୫ ପାଇଁ ଭାରତ ଏବଂ ପାକିସ୍ତାନ ମଧ୍ୟରେ ମ୍ୟାଚ୍ ଦୁବାଇରେ ଖେଳାଯାଇଥିଲା । ଏହି ମ୍ୟାଚ୍ରେ ଭାରତୀୟ କ୍ରିକେଟ୍ ଦଳର ଷ୍ଟାର ବ୍ୟାଟ୍ସମ୍ୟାନ୍ ବିରାଟ କୋହଲି ରେକର୍ଡ ଭାଙ୍ଗିଥିଲେ । ବିରାଟ କୋହଲି ଏହି ମ୍ୟାଚ୍ରେ କେବଳ ୧୪୦୦୦ ରନ୍ ପୂରଣ କରି ନଥିଲେ ବରଂ ସର୍ବାଧିକ ଶତକ ମାରିଥିବା ବ୍ୟାଟ୍ସମ୍ୟାନ୍ ମଧ୍ୟ ହୋଇଥିଲେ । ଯାହା ପରେ କିଙ୍ଗ କୋହଲିଙ୍କ ପତ୍ନୀ ତଥା ଅଭିନେତ୍ରୀ ଅନୁଷ୍କା ଶର୍ମା ତାଙ୍କ ସ୍ୱାମୀଙ୍କ ଉପରେ ପ୍ରେମ ବର୍ଷା କରିଛନ୍ତି ।
ପାକିସ୍ତାନ ବିପକ୍ଷରେ ବିରାଟ କୋହଲି ୧୧୧ ବଲ୍ରେ ୭ଟି ଚୌକାରେ ୧୦୦ ରନ୍ କରିଥିଲେ । ଭାରତୀୟ ଦଳର ବିଜୟ ଏବଂ ବିରାଟଙ୍କ ଐତିହାସିକ ଶତକ ପାଳନ କରି ଅନୁଷ୍କା ତାଙ୍କ ସ୍ୱାମୀଙ୍କ ଏକ ଫଟୋ ସେୟାର କରିଛନ୍ତି। ଯେଉଁଥିରେ ବିରାଟ କୋହଲି କ୍ୟାମେରାକୁ ଥମ୍ବସ୍ ଅପ୍ ଦେଉଥିବାର ନଜର ଆସିଛନ୍ତି । ଅନୁଷ୍କା ଶର୍ମା ଏହି ଫଟୋରେ ଲାଲ ହାର୍ଟ ଏବଂ ହାତ ଯୋଡିଥିବା ଇମୋଜି ସେୟାର କରିଛନ୍ତି ।
Virat lifting his bat up at the sky and then kissing his ring from the chain around his neck will never not be Iconic.
— 𝓐𝓷𝓷𝓲𝓮| Shahid's Day♥️ (@WithhLoveAnnie) February 23, 2025
It always hit hard.
It will always be my Roman Empire.
❤️♥️#ViratKohli #KingKohli #INDvsPAK pic.twitter.com/lOoqgHKXab
ସେହି ସମୟରେ, ଦୁବାଇ ଷ୍ଟାଡିୟମରୁ ବିରାଟ କୋହଲିଙ୍କ ଅନେକ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି। ଗୋଟିଏ ଫଟୋରେ, ବିରାଟ ତାଙ୍କ ୱେଡିଂ ରିଙ୍ଗକୁ କିସ୍ କରୁଥିବା ବେଳେ ତ ଆଉ ଗୋଟିଏ ଶତକ ହାସଲ କରିବା ପରେ ଆକାଶ ଆଡକୁ ଚାହିଁ ରହିଥିବାର ଦେଖିବାକୁ ମିଳୁଛି । ସୋସିଆଲ ମିଡିଆରେ ଆଉ ଏକ ଫଟୋ ପ୍ରଶଂସକଙ୍କ ଦୃଷ୍ଟି ଆକର୍ଷଣ କରିଛି । ମ୍ୟାଚ୍ ଶେଷ ହେବା ପରେ, କିଙ୍ଗ କୋହଲି ପଡ଼ିଆରେ ଏକ ଭିଡିଓ କଲରେ ଅନୁଷ୍କାଙ୍କ ସହ କଥା ହେଉଥିବାର ନଜର ଆସିଛନ୍ତି । ଏହି ଫଟୋ ତାଙ୍କ ପ୍ରଶଂସକଙ୍କ ହୃଦୟ ଜିତିଛି ।
