ଭୁବନେଶ୍ବର ୨୪।୭: ପ୍ରଭୁ ଲିଙ୍ଗରାଜଙ୍କ ମନ୍ଦିରର ଭିତର ଫଟୋ ଭାଇରାଲ୍ । ଭାଇରାଲ୍ ଫଟୋରେ ଓଡିଶା ହକି ସମ୍ପାଦକଙ୍କ ସହ ହକି ଇଣ୍ଡିଆର ସମ୍ପାଦକଙ୍କୁ ଦେଖିବାକୁ ମିଳିଛି । ଓଡିଶା ହକି ସମ୍ପାଦକ ସନାତନ ସାହୁ କିନ୍ତୁ ଏ ବିଷୟରେ କିଛି ଜାଣି ନାହାନ୍ତି ବୋଲି ପ୍ରକାଶ କରିଛନ୍ତି । କିଏ ଫଟୋ ଉଠାଇଛି ସେ କହିପାରିବେନି ବୋଲି କହିଛନ୍ତି । କିନ୍ତୁ ଫଟୋରେ ସେ ପୋଜ୍ ଦେଉଥିବା ଦେଖିବାକୁ ମିଳିଛି । କେବଳ ସେତିକି ନୁହେଁ ହକି ଇଣ୍ଡିଆ ସମ୍ପାଦକ ମନ୍ଦିରକୁ ହାଫ୍ ପ୍ୟାଣ୍ଟ ପିନ୍ଧି ଯାଇଥିବା ମଧ୍ୟ ଦେଖିବାକୁ ମିଳିଛି ।

ତେବେ ହକି ଇଣ୍ଡିଆ ସମ୍ପାଦକଙ୍କ ଲିଙ୍ଗରାଜ ମନ୍ଦିରରେ ଫଟୋ ସୁଟ୍‌କୁ ନିନ୍ଦା କରିଛନ୍ତି ଲିଙ୍ଗରାଜ ମନ୍ଦିର ବ୍ରାହ୍ମଣ ନିଯୋଗ ସମ୍ପାଦକ ବିରଞ୍ଚି ନାରାୟଣ ପତି । ମନ୍ଦିର ଭିତରେ ଓ ବାହାରେ ପୋଲିସ ଉପସ୍ଥିତ ରହିଥିବା ବେଳେ ମୋବାଇଲ ମନ୍ଦିର ଭିତରକୁ କିପରି ଯାଉଛି ବୋଲି ସେ ପ୍ରଶ୍ନ କରିଛନ୍ତି । ମନ୍ଦିର ପ୍ରଶାସନର ଖାଲଖିଆଲି ନୀତି ପାଇଁ ଏପରି ଘଟୁଛି ବୋଲି ସେ କହିଛନ୍ତି । ତାଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ହେବା ଉଚିତ ବୋଲି ସେ ମତ ରଖିଛନ୍ତି । ମନ୍ଦିର ଭିତରେ ଫଟୋ ଉଠାଯାଇ ସୋସିଆଲ ମିଡ଼ିଆରେ କିପରି ଅପଲୋଡ଼ ହେଉଛି ତା ଉପରେ ଲିଙ୍ଗରାଜ ପ୍ରଶାସନ ନଜର ରଖିବା ପାଇଁ ଅନୁରୋଧ କରିଛନ୍ତି ।

You Can Read:

ଚାନ୍ଦିପୁରରୁ କ୍ଷେପଣାସ୍ତ୍ର ପରୀକ୍ଷଣ ପାଇଁ ଲୋକଙ୍କୁ ସ୍ଥାନାନ୍ତର, ଅବ୍ୟବସ୍ଥା ନେଇ ଅସ୍ଥାୟୀ ଶିବିରରେ ଉତ୍ତେଜନା