ଭୁବନେଶ୍ବର: ସହିଦନଗର ମହର୍ଷି କଲେଜ ରୋଡରେ ଗାଡ଼ି ସାଇଡ ମରାକୁ ନେଇ ଯୁବକଙ୍କ ଉନ୍ମତ୍ତକାଣ୍ଡ। ବାଇକ ଚାଳକଙ୍କୁ ଛୁରୀରେ ଆକ୍ରମଣ। ଏଥିରେ ବାଇକ ଆରୋହୀଙ୍କ ହାତରେ ଗଭୀର ଆଘାତ ଲାଗିଥିବା ଜଣାପଡ଼ିଥିବାବେଳେ ଛୁରା ମାଡ଼ କରି ପରେ ଫେରାର ହୋଇଯାଇଛନ୍ତି ଦୁର୍ବୃତ୍ତ ।
ସୂଚନା ଅନୁଯାୟୀ, ମହର୍ଷି କଲେଜ ରୋଡରେ ଯାଉଥିବା ସମୟରେ ଗୋଟିଏ ଧଳା ରଙ୍ଗର ସ୍ଵିଫ୍ଟ କାର ପଛରେ କୌଣସି କାରଣରୁ ଯୁବକଙ୍କ ବାଇକଟି ମାଡ଼ ହୋଇଯାଇଥିଲା । ଆଉ ଏହାକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା ପରେ କାର ଭିତରେ ଥିବା ଛୁରୀକୁ ନେଇ ଆକ୍ରମଣ କରିଥିଲେ।
ଏମିତିରେ ନିଜର ଜୀବନ ବଞ୍ଚାଇବାକୁ ଯାଇ ବାଇକ ଆରୋହୀ ଏନ କାର୍ତ୍ତିକ ଛୁରୀ ଧରିପକାଇଥିଲେ ଫଳରେ ତାଙ୍କ ହାତରେ ଗଭୀର ଆଘାତ ଲାଗିଥିଲା। ଏହାରି ମଧ୍ୟରେ ସ୍ଥାନୀୟ ଏକାଠି ହୋଇଯାଇଥିଲେ ଆଉ ଲୋକଙ୍କ ଗହଳି ଦେଖି ଫେରାର ମାରିଥିଲା ଦୁର୍ବୃତ୍ତ। ତେବେ ଖବର ପାଇଁ ପୋଲିସ୍ ପହଞ୍ଚି ତୁରନ୍ତ କାର୍ତ୍ତିକଙ୍କୁ କ୍ୟାପିଟାଲ ହସ୍ପିଟାଲକୁ ନେବା ସହ ତଦନ୍ତ ଆରମ୍ଭ କରିଛି। ସିସିଟିଭି ଫୁଟେଜ ଆଧାରରେ ଗାଡ଼ିକୁ ଖୋଜୁଛି ପୋଲିସ ।
