ଚୌଦ୍ବାର: କଟକ ନିର୍ବାଚନ ମଣ୍ଡଳୀର ୫୨ ନମ୍ବର ୱାର୍ଡରେ ବିଜେଡିର ଜନ ସଂପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି। ଏହି ପଦଯାତ୍ରାରେ ବିଜେଡି ରାଜ୍ୟ ଉପ ସଭାପତି ଦେବୀ ମିଶ୍ର ଚୌଦ୍ୱାର କଟକ ବିଧାୟକ ସୌଭିକ ବିଶ୍ଵାଳ, ନିର୍ବାଚନ ମଣ୍ଡଳୀର ବିଜେଡି କର୍ପୋରେଟର ଓ ଶତାଧିକ କର୍ମୀମାନେ ସାମିଲ ହୋଇଥିଲେ ।
ମଧୁପାଟଣା ସମ୍ରାଟ୍ ହଲ୍ ସମ୍ମୁଖରୁ ଏହି ପଦଯାତ୍ରା ବାହାରିବା ସହ କଲ୍ୟାଣ ନଗର ଓ ରାଜେନ୍ଦ୍ର ନଗର ଆଦି ଅଞ୍ଚଳରେ ପରିକ୍ରମା କରିଥିଲେ କର୍ମୀ ଓ ନେତାମାନେ। ଅକ୍ଟୋବର ୨ରୁ ଆରମ୍ଭ ହୋଇଥିବା ପଦଯାତ୍ରାରେ ପ୍ରତ୍ୟେକ ଲୋକଙ୍କ ନିକଟରେ ବିଜୁ ଜନତା ଦଳର ବାର୍ତ୍ତା ପହଞ୍ଚାଇବା ଲକ୍ଷ ରଖାଯାଇଛି। ସେହିଭଳି ବିଜେଡି ଖାଲି ହୋଇଯିବବୋଲି ବିଜେପି ଯାହା କହୁଛି ତାହା କେବଳ ଦିବା ସ୍ବପ୍ନ। ରଙ୍ଗ ଓ ନାମକରଣ ରାଜନୀତି ନକରି ବିଜେପି ବିକାଶ କରି ପରିବର୍ତ୍ତନ ଆଣୁ। ଆମେ ସଚେତନ ବିରୋଧୀ ଦଳ ଭାବେ କାର୍ଯ୍ୟ କରୁଛୁ ବୋଲି ରାଜ୍ୟ ବିଜେଡି ଉପସଭାପତି ଦେବୀ ମିଶ୍ର ପ୍ରତିକ୍ରିୟା ରଖିଛନ୍ତି।
