ନୂଆଦିଲ୍ଲୀ: ବିରୋଧୀ ଦଳଗୁଡିକର ଏକତା ପାଇଁ ବେଙ୍ଗାଲୁରୁରେ ଚାଲିଥିବା ବୈଠକର ଜବାବରେ ଏନଡିଏ ମଙ୍ଗଳବାର ଗୁରୁତ୍ୱପୂର୍ଣ୍ଣ ବୈଠକ କରିବ । ଏହା ପୂର୍ବରୁ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଦାବି କରିଛନ୍ତି ଯେ ଆମର ୩୮ ସହଯୋଗୀ ଏନଡିଏ ବୈଠକରେ ସାମିଲ ହେବା ସ୍ପଷ୍ଟ କରିଛନ୍ତି । ଉଲ୍ଲେଖଯୋଗ୍ୟ ଯେ ବେଙ୍ଗାଲୁରୁରେ ଆଜିଠୁ ଆରମ୍ଭ ହୋଇଥିବା ଦୁଇ ଦିନିଆ ବିରୋଧୀ ଦଳଙ୍କ ବୈଠକରେ ୨୬ ରାଜନୀତିକ ଦଳ ଏକାଠି ହୋଇଥିବା ଖବର ସାମନାକୁ ଆସିଛି । ଏପରି ସ୍ଥିତିରେ ଏନଡିଏ ବୈଠକକୁ ଶାସକ ଦଳର ଶକ୍ତି ପ୍ରଦର୍ଶନ ରୂପେ ଦେଖାଯାଉଛି ।

ପଢନ୍ତୁ: ବଦଳିବ କଂଗ୍ରେସ ନେତୃତ୍ୱାଧୀନ ମେଣ୍ଟ ‘ୟୁପିଏ’ ନାଁ ! ଆସନ୍ତାକାଲି ହୋଇପାରେ ନୂଆ ନାମକରଣ

ବିଜେପି ରାଷ୍ଟ୍ରୀୟ ଅଧ୍ୟକ୍ଷ କହିଛନ୍ତି ଯେ ଗତ ୯ ବର୍ଷରେ ଆମେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମଜଭୁତ ନେତୃତ୍ୱକୁ ଦେଖିଛୁ । ଯାହାକୁ ସମସ୍ତେ ପ୍ରଶଂସା କରୁଛନ୍ତି । ଦୁର୍ନୀତି ପ୍ରତି ଜିରୋ ଟଲରାନ୍ସ ମଧ୍ୟ ବଢିଛି । କରୋନା ମହାମାରୀର ପରିଚାଳନା କରି ପ୍ରଧାନମନ୍ତ୍ରୀ ମୋଦୀ ଉଦାହରଣ ସୃଷ୍ଟି କରିଛନ୍ତି । ଗତ ୯ ବର୍ଷରେ ଏନଡିଏ ସରକାର ସୁଶାସନ ପାଇଁ କାମ କରିଛି ଏବଂ ଆମେ ଏହା ଉପରେ ଲଗାତାର କାମ କରୁଛୁ ।

ୟୁପିଏ ନେତୃତ୍ୱହୀନ ଏବଂ ନୀତିହୀନ-ନଡ୍ଡା

ଏନଡିଏ ବୈଠକର ପୂର୍ବ ସଂଧ୍ୟାରେ ବିଜେପି ଅଧ୍ୟକ୍ଷ କହିଛନ୍ତି ଯେ ଏନଡିଏ ମେଣ୍ଟ ଭାରତକୁ ମଜଭୁତ କରିବା ପାଇଁ, ଅନ୍ୟପଟେ ୟୁପିଏ ନେତୃତ୍ୱହୀନ ଏବଂ ନୀତିହୀନ । ଏହା ଫୋଟୋ ଉଠାଇବା ପାଇଁ ଏକ ଅବସର ଅଟେ । ମୋଦୀ ସରକାରଙ୍କ ଯୋଜନା, ନୀତିର ସକାରାତ୍ମକ ପ୍ରଭାବ କାରଣରୁ ଏନଡିଏ ସହଯୋଗୀ ବେଶ ଉତ୍ସାହିତ ଅଛି ।

ପଢନ୍ତୁ: ଏନଡିଏ-ବିରୋଧୀ ବଳ କଷାକଷି, ବେଙ୍ଗାଳୁରୁରେ ବିପକ୍ଷଙ୍କ ମହାମେଳି, ସାମିଲ ହେବେ ୨୬ଟି ଦଳ

ଜେପି ନଡ୍ଡା କହିଛନ୍ତି ଯେ ଡିବିଟି ଜରିଆରେ ୨୮ ଲକ୍ଷ କୋଟି ଟଙ୍କା ସିଧା ଲାଭାର୍ଥୀଙ୍କ ଆକାଉଣ୍ଟକୁ ଟ୍ରାନ୍ସଫର କରାଯାଇଛି । ପ୍ରାୟ ୪-୫ ଲକ୍ଷ କୋଟି ଟଙ୍କାର ଲିକେଜକୁ ବନ୍ଦ କରିଦିଆଯାଇଛି । ଏହାଛଡା ଶାସନରେ ଡିଜିଟାଲ ଉପକରଣର ଉପଯୋଗକୁ ବଢିଛି, ଯାହା ଅଧିକ ପାରଦର୍ଶିତା ଆଣିଛି ।

Also Read: ବିଜେପିକୁ କରିପାରିବିନି ସମର୍ଥନ, ଜାରି ରହିବ ରାଜନୀତି, ବାଗୀ ନେତାଙ୍କୁ ଭେଟିବା ପରେ ଏମିତି କହିଲେ ଶରଦ ପାଓ୍ୱାର