ବାଙ୍କି ୦୯।୧୧ : ଠିକା ସଂସ୍ଥା ଉପରକୁ ବୋମାମାଡ଼ । କଟକ ଜିଲ୍ଲା ବାଙ୍କିର କଇଁମୁଣ୍ଡି ଛକ ନିକଟରେ ଠିକା ସଂସ୍ଥାର ଗାଡି ଉପରକୁ ବୋମାମାଡ଼ ହୋଇଛି । ବୋମାମାଡ଼ ସଂପର୍କରେ ଖବର ପାଇ ବାଙ୍କି ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
ଖବର ଅନୁଯାୟୀ, ଦାଦା ବଟିକୁ କେନ୍ଦ୍ର କରି ବାଙ୍କିର କଇଁମୁଣ୍ଡି ଛକରେ ଚାଲିଥିବା କନଷ୍ଟ୍ରକ୍ସନ କମ୍ପାନୀର ଗାଡି ଉପରକୁ ବୋମାମାଡ଼ ହୋଇଛି । ଶୁକ୍ରବାର ରାତି ପ୍ରାୟ ୩ଟା ସମୟରେ କଳା ପଲସରରେ ଆସି ଦୁଇଟି ବୋମାମାଡ଼ କରିଥିବା ଅଭିଯୋଗ ହୋଇଛି । ବୋମାମାଡ଼ ସଂପର୍କରେ ଖବର ଖବର ପାଇ ବାଙ୍କି ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ବର୍ତ୍ତମାନ ଯାଏଁ ବୋମାମାଡ଼ରେ ଆହତ ନେଇ କୌଣସି ସୂଚନା ମିଳିନାହିଁ ।
