ଭୁବନେଶ୍ୱର ୦୨।୦୧ : ରାଜଧାନୀରେ ବିଭତ୍ସ ହତ୍ୟାକାଣ୍ଡ । ଭୁବନେଶ୍ୱର ପୁନାମା ଗେଟ୍ ରେଳଧାରଣାରୁ କ୍ଷତାକ୍ତ ମୃତଦେହ ଠାବ ହୋଇଛି । ବର୍ତ୍ତମାନ ଯାଏଁ ମୃତ୍ୟୁର ସଠିକ କାରଣ ଜଣାପଡିନଥିବା ବେଳେ ମୃତକଙ୍କ ନାମ ସ୍ୱରାଜ ବେହେରା ବୋଲି ଜଣାପଡିଛି ।
ଖବର ଅନୁଯାୟୀ, ଗୁରୁବାର ସକାଳୁ ସକାଳୁ ଭୁବନେଶ୍ୱର ପୁନାମା ଗେଟ୍ ନିକଟରେ ଜଣେ ଯୁବକଙ୍କ ମୃତଦେହ ପଡିଥିଲା । ସ୍ଥାନୀୟ ଲୋକ ଏହା ଦେଖି ପୋଲିସକୁ ଖବର ଦେଇଥିଲେ । ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ ଆରମ୍ଭ କରିଛି । ତେବେ ମୃତଦେହର ପିଠି ଏବଂ ଦେହରେ କ୍ଷତି ଚିହ୍ନ ରହିଛି । ଯାହାକୁ ନେଇ ପରିବାର ଲୋକଙ୍କ ପକ୍ଷରୁ ଆସିଛି ସାଂଘାତିକ ଅଭିଯୋଗ । କେହି ହତ୍ୟା କରି ରେଳ ଲାଇନ୍ରେ ଫିଙ୍ଗି ଦେଇଥିବା କହିଛନ୍ତି ମୃତକଙ୍କ ଭାଇ ।
ସେହିପରି ଜିଆର୍ପି ଏବଂ ସ୍ଥାନୀୟ ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଆବଶ୍ୟକ ପଡିଲେ ଅଧିକ ତଦନ୍ତ ଲାଗି ସାଇଣ୍ଟିଫିକ୍ ଟିମ୍ର ସହଯୋଗ ନେଇପାରେ ପୋଲିସ ବୋଲି ଜଣାପଡିଛି ।
