କଟକ ୧୧।୧୧: କଟକରେ ଷଣ୍ଢ ଆତଙ୍କ । କଟକ ବିଡାନାସୀ ନିକଟ ଭୁଆସୁଣୀ ପଠାରେ ଷଣ୍ଢ ଆକ୍ରମଣରେ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ଆହତ ହୋଇଛନ୍ତି । ରବିବାର ଠାରୁ ବିଡାନାସୀ ଅଞ୍ଚଳରେ ଷଣ୍ଢଟି ମାତିଥିବା ବେଳେ, ସିଏମସି ଓ ପୋଲିସ ପକ୍ଷରୁ ପ୍ରୟାସ କରାଯାଇଥିଲେ ମଧ୍ୟ ଷଣ୍ଢଟିକୁ ଆୟତ୍ତ କରାଯାଇପାରିନଥିଲା । ସୋମବାର ସକାଳୁ ବିଡାନାସୀର ଅକ୍ଷୟ ବେହେରା ନଦୀକୁ ଯାଉଥିବା ବେଳେ ଭୁଆସୁଣୀ ପଠାରେ ଷଣ୍ଢଟି ତାଙ୍କୁ ଆକ୍ରମଣ କରିଥିଲା । ଘଟଣାସ୍ଥଳରେ ହିଁ ଅକ୍ଷୟ ବେହେରାଙ୍କ ମୃତ୍ୟୁ ଘଟିଥିଲା । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇବା ପରେ ସିଏମସି ଓ କମିଶନରେଟ୍ ପୋଲିସ ପକ୍ଷରୁ ଷଣ୍ଢକୁ ଆୟତ୍ତ କରିବା ପ୍ରୟାସକୁ ଜୋରଦାର କରିଥିଲେ । ପ୍ରାୟ ୫ ଘଣ୍ଟାର ପ୍ରୟାସ ପରେ ଷଣ୍ଢଟିକୁ ଆୟତ୍ତ କରି ଚିକିତ୍ସା ପାଇଁ ପ୍ରାଣୀ ଚିକିତ୍ସାଳୟ ନିଆଯାଇଛି ।

You Can Read:

ମାହାଙ୍ଗା ବ୍ଲକ୍ ବିଜେଡ଼ିର ସଭ୍ୟ ସଂଗ୍ରହ ଅଭିଯାନ, ଦଳକୁ ଅଧିକ ମଜଭୁତ କରିବାକୁ ଆହ୍ବାନ