ନୂଆଦିଲ୍ଲୀ ୨୫।୨: କେନ୍ଦ୍ର ସରକାର ୧୧ ବର୍ଷରେ ପ୍ରଥମ ଥର ‘ହାଉସ୍ ହୋଲ୍ଡ କଞ୍ଜପସନ ଏକ୍ସପେଣ୍ଡିଚର ସର୍ଭେ’ ରିପୋର୍ଟ ଜାରି କରିଛନ୍ତି। ଏଥିରୁ ମିଳୁଥିବା ତଥ୍ୟରେ ସହରାଞ୍ଚଳ ତୁଳନାରେ ଗ୍ରାଣାଞ୍ଚଳରେ ଲୋକଙ୍କ ଖର୍ଚ୍ଚ ବେଶ୍ ବଢିଥିବାର ଜଣାପଡିଛି। ଗତ ଦୁଇ ଦଶନ୍ଧୀରେ ସହର ଓ ଗ୍ରାମାଞ୍ଚଳରେ ବସବାସ କରୁଥିବା ହାରାହାରି ମାସିକ ଖର୍ଚ୍ଚ ପାଖାପାଖି ସମାନ ହୋଇଯାଇଛି। ଭାରତୀୟ ଘରମାନଙ୍କରେ ହାରାହାରି ମାସିକ ପ୍ରତିବ୍ୟକ୍ତି ଖର୍ଚ୍ଚ (ଏମପିସିଇ) ୨୦୧୧-୧୨ ପରେ ସହରାଞ୍ଚଳ ପରିବାରର ୩୩.୫ ପ୍ରତିଶତ ବଢି ୩,୫୧୦ଟଙ୍କାକୁ ପହଞ୍ଚିଥିବା ବେଳେ ଗ୍ରାମାଞ୍ଚଳରେ ୪୦.୪୨ ପ୍ରତିଶତ ବଢି ୨,୦୦୮ ଟଙ୍କା ପର୍ଯ୍ୟନ୍ତ ହୋଇଯାଇଛି।
{"id":913645,"width":840,"height":556,"sizeSlug":"full","linkDestination":"none"}![](https://www.prameyanews7.com/wp-content/uploads/2024/02/market-1.jpg)
୨୦୨୨-୨୩ରେ ହାରାହାରି ପ୍ରତିବ୍ୟକ୍ତି ଘରୋଇ ଖର୍ଚ୍ଚ (ଏମପିସିଇ) ଗ୍ରାମାଞ୍ଚଳରେ ୩,୭୭୩ ଥିବା ବେଳେ ଏହା ସହରାଞ୍ଚଳରେ ୬,୪୫୯ ଥିଲା। ୨୦୧୧-୧୨ରେ ଏହି ଖର୍ଚ୍ଚରେ ଅନ୍ତର ଯଥାକ୍ରମେ ୮୩.୯ ପ୍ରତିଶତରୁ ୭୧.୨ ପ୍ରତିଶତ ଥିଲା। ୨୦୦୯-୧୦ରେ ଏହା ୮୮.୨ ପ୍ରତିଶତ ଓ ୨୦୦୪-୦୫ରେ ୯୦.୮ ପ୍ରତିଶତରୁ କମ ହୋଇ ୭୧.୨ ପ୍ରତିଶତ ରହିଛି । ମିନିଷ୍ଟ୍ରି ଅଫ ଷ୍ଟାଟିଷ୍ଟିକ୍ସ ଫ୍ୟାକ୍ଟସିଟ୍ରୁ ଜାହା ଜଣା ପଡେ ୧୮ ବର୍ଷରେ ଗ୍ରାମୀଣ କ୍ଷେତ୍ରର ମନ୍ଥଲୀ ପରକ୍ୟାପିଟା ଏକ୍ସପେଣ୍ଡିଚର (ଏମପିସିଇ) ୬ ଗୁଣାରୁ ବି ଅଧିକ ବଢିଛି, ଯାହା ସହରାଞ୍ଚଳ ତୁଳନାରେ ବହୁତ ଅଧିକ।
{"id":913646,"width":839,"height":558,"sizeSlug":"full","linkDestination":"none"}![](https://www.prameyanews7.com/wp-content/uploads/2024/02/Market-1-1.jpg)
୨୦୦୪-୦୫ରେ ଗ୍ରାମୀଣ କଞ୍ଜପସନ ୫୭୯ ଓ ସହରାଞ୍ଚଳରେ ୧,୧୦୫ ଥିଲା। ଯାହା ଏବେ ଗ୍ରାମୀଣ କ୍ଷେତ୍ରରେ ୫୫୨ ପ୍ରତିଶତ ଓ ସହରାଞ୍ଚଳରେ ୪୮୪ ପ୍ରତିଶତ ବୃଦ୍ଧି ଦେଖାଯାଇଛି। ସର୍ବଭାରତୀୟ ଘରୋଇ ଉପଭୋଗ ବ୍ୟୟ ସର୍ଭେକ୍ଷଣ (ଏଚସିଇଏସ୍) ଅଗଷ୍ଟ ୨୦୨୨ ଓ ଜୁଲାଇ ୨୦୨୩ ମଧ୍ୟରେ କରାଯାଇଥିଲା। ଏହି ତଥ୍ୟ ଜିଡିପି, ଖୁଚୁରା ମୁଦ୍ରାସ୍ପିତି ଓ ଦାରିଦ୍ର୍ୟସ୍ତର ଭଳି ଗୁରୁତ୍ୱପୂର୍ଣ୍ଣ ଆର୍ଥିକ ସଂକେତର ଆକଳନ କରାଯାଇଥିଲା। ୨୦୨୨-୨୩ରେ ଗ୍ରାମୀଣ ଜନସଂଖ୍ୟାର ସର୍ବ ନିମ୍ନ ୫ ପ୍ରତିଶତଙ୍କ ମାସିକ ପ୍ରତିବ୍ୟକ୍ତି ବ୍ୟୟ ୧,୩୭୩ଟଙ୍କା ଥିଲା। ଏହି ସମୟରେ ସହରାଞ୍ଚଳର ଏହି ବର୍ଗ ୨,୦୦୧ ଟଙ୍କା ବ୍ୟୟ କରୁଥିଲା।