ନୂଆଦିଲ୍ଲୀ ୨୭।୬: ରାଷ୍ଟ୍ରପତି ଦ୍ରୌପଦୀ ମୁର୍ମୁ ୨୭ ଜୁନ ଗୁରୁବାର ସଂସଦର ମିଳିତ ଅଧିବେଶନକୁ ସମ୍ବୋଧିତ କରିଛନ୍ତି। ଏଥିରେ ରାଷ୍ଟ୍ରପତି ୧୯୭୫ ମସିହାରେ ଦେଶରେ ଜାରି ହୋଇଥିବା ଏମାର୍ଜେନ୍ସୀକୁ ସମ୍ବିଧାନ ଉପରେ ସିଧା ଆକ୍ରମଣ ଓ ଗଣତନ୍ତ୍ରର କଳା ଅଧ୍ୟାୟ ବୋଲି କହିଛନ୍ତି। ଏବେ କଂଗ୍ରେସ ରାଷ୍ଟ୍ରପତିଙ୍କ ଅଭିଭାଷଣ କାଳରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସଂସଦ ଟିଭିରେ ବାରମ୍ବାର ଦେଖାଇବା ଘଟଣାରେ ନିଜର ପ୍ରତିକ୍ରିୟା ରଖିଛି।
51 मिनट के राष्ट्रपति के संबोधन में किसको कितनी बार दिखाया गया?
— Jairam Ramesh (@Jairam_Ramesh) June 27, 2024
• नेता सदन नरेंद्र मोदी : 73 बार
• नेता प्रतिपक्ष राहुल गांधी: 6 बार
• सरकार: 108 बार
• विपक्ष: 18 बार
Sansad TV सदन की कार्यवाही दिखाने के लिए है, कैमराजीवी की आत्ममुग्धता के लिये नहीं
କଂଗ୍ରେସ ସାଧାରଣ ସମ୍ପାଦକ ଜୟରାମ ରମେଶ ସରକାରଙ୍କ ଉପରେ ଆରୋପ ଲଗାଇଛନ୍ତି, ସେ ଦାବିର ସହ କହିଛନ୍ତି ସଂସଦରେ ରାଷ୍ଟ୍ରପତିଙ୍କ ଅଭିଭାଷଣ କାଳରେ ସଂସଦ ଟିଭି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ୭୩ ଥର ଓ ବିରୋଧୀ ଦଳ ନେତା ରାହୁଲ ଗାନ୍ଧିଙ୍କୁ ମାତ୍ର ୬ ଥର ଦେଖାଇଛି। ଏ ନେଇ ଜୟରାମ ରମେଶ ଏକ୍ସରେ ଏକ ପୋଷ୍ଟ ମଧ୍ୟ କରିଛନ୍ତି। ଲେଖିଛନ୍ତି ୫୧ ମିନିଟର ରାଷ୍ଟ୍ରପତି ଅଭିଭାଷଣରେ ସଂସଦ ଟିଭି କାହାକୁ କେତେ ଥର ଦେଖାଇଛି? ଗୃହର ନେତା ନରେନ୍ଦ୍ର ମୋଦିଙ୍କୁ ୭୩ ବାର ଦେଖାଯାଇଥିବା ବେଳେ ବିରୋଧୀ ଦଳ ନେତାଙ୍କୁ ୬ ଥର ଦେଖାଯାଇଛି।
ସେହିପରି ୫୧ମିନିଟର କାର୍ଯ୍ୟକ୍ରମରେ ସଂସଦ ଟିଭି ଟ୍ରଜରୀ ବେଞ୍ଚକୁ ୧୦୮ ଥର ଦେଖାଇଥିବା ବେଳେ ବିରୋଧୀ ଦଳଙ୍କୁ ମାତ୍ର ୧୮ ଥର ଦେଖାଇଛି। ସଂସଦ ଟିଭି ସଦନର କାର୍ଯ୍ୟକ୍ରମ ଦେଖାଇବା ପାଇଁ ରହିଛି, କ୍ୟାମେରାଜୀବୀଙ୍କ ଆତ୍ମମୁଗ୍ଧତା ପାଇଁ ନୁହେଁ। ଏ ନେଇ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ ମଧ୍ୟ ଏକ୍ସରେ ଏକ ପୋଷ୍ଟ କରିଛନ୍ତି।
ସେ ଉଲ୍ଲେଖ କରିଛନ୍ତି ଯେ ମୋଦି ସରକାରଙ୍କ ଦ୍ୱାରା ଲେଖାଯାଇଥିବା ରାଷ୍ଟ୍ରପତି ଅଭିଭାଷଣ ଶୁଣି ଏପରି ଲାଗିଲା ଯେ ପ୍ରଧାନମନ୍ତ୍ରୀ ମୋଦି ଲଗାତାର ଅସ୍ୱୀକାର ସ୍ଥିତିରେ ଅଛନ୍ତି। ଜନାଦେଶ ତାଙ୍କ ବିପକ୍ଷରେ ଥିଲା। କାରଣ ଦେଶର ଜନତା ତାଙ୍କର ୪୦୦ ପ୍ଲାସ ସ୍ଲୋଗାନକୁ ନାକାରୀ ଦେଇଛନ୍ତି ଓ ବିଜେପିକୁ ୨୭୨ ନମ୍ବରରୁ ବି ଦୂରରେ ରଖିଛନ୍ତି।
मोदी सरकार द्वारा लिखित राष्ट्रपति के अभिभाषण सुनकर ऐसा लगा जैसे मोदी जी जनादेश को नकारने की हर संभव कोशिश कर रहें हैं।
— Mallikarjun Kharge (@kharge) June 27, 2024
जनादेश उनके ख़िलाफ़ था, क्योंकि देश की जनता ने “400 पार” के उनके नारे को ठुकराया और भाजपा को 272 के आँकड़े से दूर रखा।
मोदी जी इसे स्वीकार करने को तैयार… pic.twitter.com/Y9ec0AJAhS
ଉଲ୍ଲେଖଯୋଗ୍ୟ ଯେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଅଷ୍ଟାଦଶ ଲୋକସଭାର ମିଳିତ ଅଧିବେଶନକୁ ସମ୍ବୋଧିତ କରି କହିଛନ୍ତି ଯେ ଆଗାମୀ କିଛି ମାସରେ ଭାରତ ଏକ ଗଣତନ୍ତ୍ର ରୂପେ ୭୫ ବର୍ଷ ପୂରଣ କରିବାକୁ ଯାଉଛି। ସେ କହିଛନ୍ତି ଯେ ଭାରତର ସମ୍ବିଧାନ ଗତ ଦଶନ୍ଧୀମାନଙ୍କରେ ସବୁ ଆହ୍ୱାନର ମୁକାବିଲାରେ ସଫଳ ହୋଇଛି। ଯେତେବେଳେ ଭାରତର ସମ୍ବିଧାନ ତିଆରି ହେଉଥିଲା ବିଶ୍ୱରେ ଏମିତି ବି ଶକ୍ତି ଥିଲେ ଯେଉଁମାନେ ଭାରତର ବିଫଳତା କାମନା କରୁଥିଲେ। ଅଭିଭାଷଣରେ ରାଷ୍ଟ୍ରପତି କହିଛନ୍ତି ଯେ ଦେଶରେ ସମ୍ବିଧାନ ଲାଗୁ ହେବା ପରେ ମଧ୍ୟ ଏହା ଉପରେ ଅନେକ ଆକ୍ରମଣ ହୋଇଛି।