କଟକ: କଟକ ସିଦ୍ଧେଶ୍ୱର ସାହିରେ କନଷ୍ଟେବଳ ପତ୍ନୀଙ୍କୁ ହତ୍ୟା ଘଟଣା। ଅଭିଯୁକ୍ତ ସ୍ୱାମୀକୁ ଗିରଫ କରି କୋର୍ଟ ଚାଲାଣ କଲା ଲାଲବାଗ ଥାନା ପୋଲିସ। ମୃତ ପୋଲିସ କନଷ୍ଟେବଳ ବିଷ୍ଣୁପ୍ରିୟା ମଲ୍ଲିକଙ୍କ ସ୍ବାମୀ ବିଶ୍ୱଜିତ ମଲ୍ଲିକକୁ କୋର୍ଟ ଚାଲାଣ କରିଛି ପୋଲିସ।
ଅଭିଯୁକ୍ତ ସ୍ବାମୀ ବିରୋଧରେ ବିଏନଏସର ଧାରା ୧୦୩ (୧) ହତ୍ୟା ମାମଲା ରୁଜୁ କରିଛି ପୋଲିସ। ଗତ ଡିସେମ୍ବର ୨୫ ତାରିଖରେ ଲାଲବାଗ ଥାନା ଅନ୍ତର୍ଗତ ସିଦ୍ଧେଶ୍ୱର ସାହିରେ କନଷ୍ଟେବଳ ବିଷ୍ଣୁପ୍ରିୟା ମଲ୍ଲିକଙ୍କ ବେକ କାଟି ହତ୍ୟା କରିବା ପରେ ନିଜ ବେକ କାଟିଥିଲା ବିଶ୍ୱଜିତ୍। ଗୁରୁତର ଅବସ୍ଥାରେ ତାକୁ ଏସସିବି ମେଡିକାଲରେ ଭର୍ତ୍ତି କରାଯାଇଥିଲା। ତେବେ ସେ ସୁସ୍ଥ ହେବା ପରେ ତାକୁ ପୋଲିସ ସୋମବାର ଗିରଫ କରିଛି।
