ଆଠଗଡ଼ ୦୬/୦୯: ଅଘୋଷିତ ବିଦ୍ୟୁତ କାଟ ପ୍ରତିବାଦରେ ଧାରଣାରେ ବସିଲେ ଲୋକେ । କଟକ ଜିଲ୍ଲା ନରସିଂହପୁର ବ୍ଲକ ଅନ୍ତର୍ଗତ ଆଇଁସିଆ ଗ୍ରାମବାସୀଙ୍କ ଦ୍ୱାରା ନରସିଂହପୁର-କମଳାଡ଼ିହି ମୁଖ୍ୟ ରାସ୍ତା ଆଇଁସିଆ ଛକ ନିକଟରେ ମୁଖ୍ୟ ରାସ୍ତା ଅବରୋଧ କରିଛନ୍ତି ଉପଭୋକ୍ତା ।
ସୁଚନାଥାଉକି, ଗତ କିଛିଦିନ ହେବ ନରସିଂହପୁର ଅଂଚଳରେ ବାରମ୍ବାର ବିଦ୍ୟୁତ କାଟକୁ ନେଇ ଉପଭୋକ୍ତାଙ୍କ ମଧ୍ୟରେ ଘୋର ଅସନ୍ତୋଷ ଦେଖାଦେଇଛି । ଟାଟା ପାୱାରର କର୍ମଚାରୀ ଖାମଖିଆଲି ମନୋଭାବ ଯୋଗୁ ଦିନକୁ ଘଣ୍ଟା ଘଣ୍ଟା ବିଦୂତ କାଟ ହେଉଛି ବୋଲି ଅଭିଯୋଗ କରିଛନ୍ତି ଗ୍ରାମବାସୀ ।
ଏହାର ପ୍ରତିବାଦ କରି ଉପଭୋକ୍ତା ମାନେ ନରସିଂହପୁର-କମଳାଡ଼ିହି ମୁଖ୍ୟ ରାସ୍ତା ଅବରୋଧ କରି ଅଞ୍ଚଳର ଶତାଧିକ ଲୋକେ ସାମିଲ ହୋଇ ଆନ୍ଦୋଳନ କରିଛନ୍ତି । ରାସ୍ତାରୋକୋ ଯୋଗୁ ଯାନବାହନ ଚଳାଚଳ ବାଧାପ୍ରାପ୍ତ ହୋଇଛି । ଉଭୟ ପାର୍ଶ୍ୱରେ ବହୁତ ଯାନବାହନ ଅଟକି ରହିଛି। ନରସିଂହପୁର ପୋଲିସ ଘଟଣାସ୍ଥଳରେ ପହଞ୍ଚି ଆନ୍ଦୋଳନ କରିଥିବା ଲୋକଙ୍କ ସହିତ ସହିତ ଆଲୋଚନା ଜାରି ରଖିଛନ୍ତି।
