କଟକ ୧।୯: କଟକରେ ଉପ ମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହଦେଓ । ସହରର ବିଭିନ୍ନ ପ୍ରସିଦ୍ଧ ମନ୍ଦିର ଯାଇ ପ୍ରଭୁଙ୍କ ଦର୍ଶନ କରିଛନ୍ତି । ପ୍ରଥମେ କଟକର ଆରାଧ୍ୟ ଦେବୀ ମା’ କଟକ ଚଣ୍ଡୀଙ୍କ ମନ୍ଦିର ପହଞ୍ଚି ମା’ଙ୍କୁ ଦର୍ଶନ କରିବା ସହ ପୂଜା ଅର୍ଚ୍ଚନା କରିଥିଲେ । ଏହାପରେ ମା’ ଗଡଚଣ୍ଡୀଙ୍କ ମନ୍ଦିର ଯାଇ ମା’ଙ୍କ ଦର୍ଶନ କରିବା ସହ ପୂଜା ଅର୍ଚ୍ଚନା କରିଥିଲେ । ଏହାପରେ ଗଡ ଗଡେଶ୍ୱରଙ୍କ ମନ୍ଦିର ଯାଇ ମଧ୍ୟ ପୂଜା କରିଥିଲେ ।

ମା’ଙ୍କ ଦର୍ଶନ କରିବା ପାଇଁ ହିଁ କଟକ ଆସିଥିବା କଥା କହିଥିଲେ ଉପ ମୁଖ୍ୟମନ୍ତ୍ରୀ । ସେହିଭଳି ଚଣ୍ଡୀ ମନ୍ଦିର ସମ୍ପ୍ରସାରଣ କାର୍ଯ୍ୟ ସଂପର୍କରେ କହିଛନ୍ତି ଯେ ମା’ଙ୍କ ବିନା ଅନୁମତିରେ କିଛି ହୋଇ ପାରିବ ନାହିଁ । ସେ ଯାହା ଚାହିଁବେ ତାହା ହିଁ ହେବ । ମନ୍ଦିର ସମ୍ପ୍ରସାରଣ କାର୍ଯ୍ୟକୁ ନିଶ୍ଚିତ ଭାବରେ ପୁରା କରାଯିବା ପାଇଁ ସରକାର ପଦକ୍ଷେପ ନେବେ ବୋଲି ଉପ ମୁଖ୍ୟମନ୍ତ୍ରୀ କହିଛନ୍ତି ।

You Can Read:

ଏଥର ଦୁର୍ଗାପୂଜାରେ ମଦମୁକ୍ତ ଭସାଣୀ, ଡିଜେମୁକ୍ତ ରୋଷଣୀ ପାଇଁ ନିଷ୍ପତ୍ତି, ଜୋରଜବରଦସ୍ତ ଚାନ୍ଦା ମାଗିଲେ ହେବ ଏତଲା