ବଲାଙ୍ଗୀର ୧୭/୧୧: ସଇଁତଳାର ବିଭିନ୍ନ ଗାଁରେ ମାତିଛି କୁକୁର । ପ୍ରାୟ ୧୭ ଜଣଙ୍କୁ ଝୁଣି ଆହତ କରିଛି । ୭ ଜଣଙ୍କ ଅବସ୍ଥା ଗୁରୁତର, ମେଡିକାଲରେ ଭର୍ତ୍ତି । ବଲାଙ୍ଗୀର ଜିଲ୍ଲା ସଇଁତଳା ବ୍ଲକ ପିପ୍ରୁଟ, କୁଇକେଡା,ବୁଡା,କେରମେଲି ଓ ସଇଁତଳା ଗାଁରେ କିଛି ଦିନ ହେବ ଆତଙ୍କ ଖେଳାଇଛି କୁକୁର । ଗାଁର ୧୭ ଜଣଙ୍କୁ ଗୋଡାଇ ଗୋଡାଇ କାମୁଡି ଖଣ୍ଡିଆ ଖାବରା କରିଛି । ସେମାନଙ୍କ ମଧ୍ୟରୁ ୭ ଜଣଙ୍କୁ ସଂକଟାପନ୍ନ ଅବସ୍ଥାରେ ଭୀମଭୋଇ ମେଡିକାଲକୁ ସ୍ଥାନାନ୍ତର କରାଯାଇଛି । ଅନ୍ୟ ଆହତମାନେ ଚିକିତ୍ସା ପରେ ଘରକୁ ଫେରିଛନ୍ତି । ଗାଁରେ ବୁଲା କୁକୁରଙ୍କ ଉତ୍ପାତ ଯୋଗୁ ତ୍ରାହି ତ୍ରାହି ଡାକିଲେଣି ଲୋକେ । କୁକୁରକୁ କାବୁ କରିବାକୁ ପ୍ରଶାସନ କିଛି ପଦକ୍ଷେପ ନେଉନଥିବା ଅଭିଯୋଗ କରିଛନ୍ତି ସ୍ଥାନୀୟ ବାସିନ୍ଦା ।