ବଡ଼ବିଲ ୨୪/୧୨: ସୋମବାର ସଂଧ୍ୟାରୁ ନିଖୋଜ ଥିଲେ ନାବାଳକ । ମଙ୍ଗଳବାର ଅଖାରୁ ମିଳିଲା ମୃତଦେହ । କିଏ ଓ କାହିଁକି ହତ୍ୟା କଲା ? ପୋଲିସର ଛାନ୍ଭିନ୍ । ଚମ୍ପୁଆ ଥାନା ପର୍ଶଳା ଗୋପୀନାଥପୁର ଗାଁରେ ଚାଞ୍ଚଲ୍ୟ । ଅଖା ଭିତରୁ ନାବାଳକଙ୍କ ମୃତଦେହ ଉଦ୍ଧାର । ମୃତକ ସ୍ବର୍ଗତ ରାସ ମୁଣ୍ଡାଙ୍କ ୯ ବର୍ଷର ପୁଅ ପବନା ମୁଣ୍ଡା ।
ପବନା ସୋମବାର ସଂଧ୍ୟାରୁ ହଠାତ ନିଖୋଜ ହୋଇଯାଇଥିଲେ । ପରିବାର ଲୋକେ ଏଣେ ତେଣେ ଖୋଜାଖୋଜି ପରେ ବି ପବନାକୁ ପାଇନଥିଲେ । ମଙ୍ଗଳବାର ଭୋର୍ ସମୟରେ ଗାଁର ଗୌରାଙ୍ଗ ପାତ୍ରଙ୍କ ଘର ଆଗରେ ଅଖା ପଡିଥିବା ଦେଖିବାକୁ ମିଳିଥିଲା । ସନ୍ଦେହ ହେବାରୁ ଅଖା ଖୋଲାଯାଇଥିଲା । ଅଖା ଭିତରୁ ପବନାଙ୍କ ମୃତଦେହ ଦେଖି ସମସ୍ତେ ହତବାକ ହୋଇଯାଇଥିଲେ ।
ଖବର ପାଇ କେନ୍ଦୁଝର ଏସ୍ପି, ଚମ୍ପୁଆ ଏସ୍ଡିପିଓ ପହଞ୍ଚିଛନ୍ତି । ଅଧିକ ତଦନ୍ତ ପାଇଁ ସାଇଣ୍ଟିଫିକ୍ ଟିମ୍କୁ ଡକାଯାଇଛି । କିଏ ଓ କାହିଁକି ପବନାକୁ ହତ୍ୟା କଲା ତାର ଛାନ୍ଭିନ୍ ଚଳାଇଛି ପୋଲିସ ।
