ନୂଆଦିଲ୍ଲୀ: ବ୍ରିକ୍ସକୁ ନେଇ ବଡ଼ ବୟାନ ଦେଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ବ୍ରିକ୍ସ ଉପରେ ୧୫୦ ପ୍ରତିଶତ ଟାରିଫ୍ ଲଗାଇବାକୁ ଘୋଷଣା କରିଛନ୍ତି । ଏହି ଧମକ ପରେ ପାଞ୍ଚ ଦେଶକୁ ନେଇ ଗଠିତ ହୋଇଥିବା ସଂଗଠନ ଭାଙ୍ଗି ଯାଇଛି ବୋଲି ଟ୍ରମ୍ପ କହିଛନ୍ତି । ଆମେରିକା ଡଲାରକୁ ଚ୍ୟାଲେଞ୍ଜ ଦେବାକୁ ଚେଷ୍ଟା କରୁଥିବା ବ୍ରିକ୍ସକୁ କିଛି ଫାଇଦା ହେବ ନାହିଁ । ବ୍ରିକ୍ସ ସଂଗଠନ ବିନିମୟ ପାଇଁ ନୂଆ ମୁଦ୍ରା ଆରମ୍ଭ କରିବାକୁ ଇଚ୍ଛା ପ୍ରକାଶ କରିଛନ୍ତି । ତେଣୁ ଏହାକୁ ବନ୍ଦ କରିବାକୁ ଆମେରିକା ରାଷ୍ଟ୍ରପତି ବ୍ରିକ୍ସକୁ ଟାର୍ଗେଟ୍ କରିଛନ୍ତି । ଯେଉଁ ଦେଶ ନୂଆ ମୁଦ୍ରା ପାଇଁ ଆଲୋଚନା କରିବ ତା’ ଉପରେ ୧୫୦ ପ୍ରତିଶତ ଟାରିଫ୍ ଲାଗୁ କରାଯିବ ବୋଲି ଧମକ ଦେଇଛନ୍ତି ଡୋନାଲ୍ଡ ଟ୍ରମ୍ପ ।
ସୂଚନା ଅନୁଯାୟୀ, ବ୍ରିକ୍ସ ସଂଗଠନରେ ବ୍ରାଜିଲ୍, ଋଷ୍, ଭାରତ, ଚୀନ, ଦକ୍ଷିଣ ଆଫ୍ରିକା, ଇଜିପ୍ଟ, ଇଥୋପିଆ, ଇରାନ ଏବଂ ସଂଞ୍ଜୁକ୍ତ ଆରବ ଅମିରାତ ଆଦି ଦେଶ ସାମିଲ୍ ଅଛନ୍ତି । ଏହାଛଡ଼ା ତୁର୍କୀ, ଅଜରବୈଜାନ ଏବଂ ମାଲେସିଆ ବ୍ରିକ୍ସ ସଦସ୍ୟ ହେବା ପାଇଁ ଆବେଦନ କରିଛନ୍ତି । ସେହିପରି କିଛି ଦେଶ ଏଥିରେ ସାମିଲ ହେବାକୁ ମଧ୍ୟ ଇଚ୍ଛା ପ୍ରକାଶ କରିଛନ୍ତି ।
ବ୍ରିକ୍ସ ଇଜ୍ ଡେଡ୍:
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବ୍ରିକ୍ସ ସଂଗଠନକୁ ଟାର୍ଗେଟ୍ କରି ବର୍ଷିଛନ୍ତି । ଟ୍ରମ୍ପ କହିଛନ୍ତି, ବ୍ରିକ୍ସ ଦେଶ ଜାଣି ରଖିବା ଉଚିତ୍ ଯେ ଆମେରିକୀୟ ଡଲାର କୌଣସି ବିକଳ୍ପ ନାହିଁ । ଯଦି ବ୍ରିକ୍ସ ଦେଶ ବିନିମୟର ମାଧ୍ୟମ ପାଇଁ ଆମେରିକୀୟ ଡଲାର ବଦଳରେ ଅନ୍ୟ କୌଣସି ମୁଦ୍ରାକୁ ବ୍ୟବହାର କରନ୍ତି ତେବେ ତାଙ୍କ ଉପରେ ୧୦୦ରୁ ୧୫୦ ପ୍ରତିଶତ ପର୍ଯ୍ୟନ୍ତ ଟାରିଫ୍ ଲାଗୁହେବ ବୋଲି ଟ୍ରମ୍ପ କହିଛନ୍ତି । ଏନେଇ ସେ ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥ୍ରେ ପୋଷ୍ଟ କରିଛନ୍ତି । ବ୍ରିକ୍ସ ଦେଶ ଆମେରକୀୟ ଡଲାରକୁ ଚ୍ୟାଲେଞ୍ଜ କରିବାକୁ ଚେଷ୍ଟା କରୁଛନ୍ତି । ହେଲେ ଏହାକୁ ସଫଳ ହେବାକୁ ଦିଆଯିବ ନାହିଁ ବୋଲି ଟ୍ରମ୍ପ କରିଛନ୍ତି । ଡଲାର ଉପରେ ଅଧିପତ୍ୟ ବିସ୍ତାର କରିବାକୁ ଚେଷ୍ଟ ବ୍ରିକ୍ସ ଦେଶର ସାମଗ୍ରୀ ପରେ ଶହେ ପ୍ରତିଶତ ଟାରିଫ୍ ଲାଗୁହେବ ବୋଲି ଆମେରିକା ରାଷ୍ଟ୍ରପତି କହିଛନ୍ତି ।
ଗତ କିଛି ଦିନ ହେଲା ଏଭଳି କିଛି ଖବର ସାମ୍ନାକୁ ଆସୁଛି ଯେ, ବ୍ରିକ୍ସ ସଂଗଠନ ନିଜର ବିନିମୟ ମୁଦ୍ରା ଆରମ୍ଭ କରିବାକୁ ଯାଉଛନ୍ତି । ମାତ୍ର ଏହାକୁ ନେଇ ଡୋନାଲ୍ଡ ଟ୍ରମ୍ପ ବ୍ରିକ୍ସ ସଂଗଠନର ଦେଶମାନଙ୍କୁ ଖୋଲାଖୋଲି ଭାବେ ଟାରିଫ୍ ବୃଦ୍ଧି ଧମକ ଦେଇଛନ୍ତି ....
