ନୂଆଦିଲ୍ଲୀ ୨୮।୦୬: ପେରୁରେ ଭୂକମ୍ପ ଝଟକା । ରିକ୍ଟର ସ୍କେଲ୍ରେ ତୀବ୍ରତା ୭.୨ । ଶକ୍ତିଶାଳୀ ଭୂକମ୍ପ ପରେ ଘନେଇଛି ସୁନାମିର ଆଶଙ୍କା । ଖବର ଅନୁଯାୟୀ ପେରୁର ଅତିକିପା ଜିଲ୍ଲା ଠାରୁ ୮.୮ କିଲୋମିଟର ଦୂରରେ ଭୂକମ୍ପ ହୋଇଛି ।
ଆମେରିକାର ଭୂତତ୍ତ୍ୱ ସର୍ବେକ୍ଷଣ ଅନୁଯାୟୀ ଶୁକ୍ରବାର ଦିନ ପ୍ରାୟ ୧୧.୦୬ରେ କେନ୍ଦ୍ରୀୟ ପେରୁ ଉପକୂଳରେ ୭.୨ ତୀବ୍ରତାର ଭୂକମ୍ପ ହୋଇଛି । ଯେଉଁ କାରଣରୁ କେତେକ ଉପକୂଳବର୍ତ୍ତୀ ଅଞ୍ଚଳରେ ସୁନାମି ସୃଷ୍ଟି ହେବାର ସମ୍ଭାବନା ରହିଛି ।
ତେବେ ଖବର ଲେଖା ହେବା ପର୍ଯ୍ୟନ୍ତ ଭୂକମ୍ପର କୌଣସି କ୍ଷୟକ୍ଷତି ନେଇ ସୂଚନା ଜାରି କରାଯାଇ ନାହିଁ । କିନ୍ତୁ ସୁନାମି ସମ୍ପର୍କରେ ସତର୍କ ସୂଚନା ଜାରି କରାଯାଇଛି । ତେବେ ପ୍ରଶାନ୍ତ ସୁନାମି ଚେତାବନୀ କେନ୍ଦ୍ର ପୂର୍ବରୁ କହିଥିଲା ଯେ କୌଣସି ବିପଦ ନାହିଁ ।
ହେଲେ ଭୂକମ୍ପ ପରେ ସୂଚନା ଜାରି କରାଯାଇଛି ଯେ ସମୁଦ୍ର କୂଳରେ ତିନି ମିଟର ଉଚ୍ଚର ଜୁଆର ସୃଷ୍ଟି ହୋଇପାରେ । ଏହାପୂର୍ବରୁ ଜୁନ୍ ୧୬ରେ ପେରୁରେ ଭୂମିକମ୍ପ ହୋଇଥିଲା । ଯାହା ତୀବ୍ରତା ୫.୯ ରେକର୍ଡ କରାଯାଇଥିଲା ।