ନୂଆଦିଲ୍ଲୀ: ୫୦ ଲକ୍ଷ ଟଙ୍କାର ସାଇବର ଠକେଇର ଶିକାର ହେବା ପରେ ଆତ୍ମହତ୍ୟା କଲେ ବୃଦ୍ଧ ଦମ୍ପତି। କର୍ଣ୍ଣାଟକର ବେଲାଗାଭି ଜିଲ୍ଲାରେ ଏଭଳି ଘଟଣା ସାମ୍ନାକୁ ଆସିଛି। ଦିୟାଙ୍ଗୋ ନଜରତ (୮୩) ନିଜ ଗଳା କାଟି ଆତ୍ମହତ୍ୟା କରିଥିବା ବେଳେ ତାଙ୍କ ପତ୍ନୀ ପ୍ଲେଭିଆନା ନଜରତ (୭୯) ବିଷ ପିଇ ଦେଇଛନ୍ତି।
ଦିଲ୍ଲୀ କ୍ରାଇମବ୍ରାଞ୍ଚର ଅଧିକାରୀ ଭାବରେ ନିଜକୁ ଠକୁଥିବା ଠକମାନଙ୍କ ଦ୍ୱାରା ଧମକ ଦିଆଯିବା ପରେ ଏହି ଦମ୍ପତି ଏକ ଆତ୍ମହତ୍ୟା ନୋଟ୍ ଛାଡିଯାଇଥିବା ଜଣାପଡ଼ିଛି। ହେଲେ ମୃତ୍ୟୁ ପୂର୍ବରୁ ଦମ୍ପତି ସୁଇସାଇଡ ନୋଟ୍ ଛାଡ଼ି ଯାଇଛନ୍ତି। ଯେଉଁଥିରେ ସାଇବର ଅପରାଧୀ ନିଜକୁ ଦିଲ୍ଲୀ କ୍ରାଇମବ୍ରାଞ୍ଚର ଅଧିକାରୀ ବୋଲି ଧମକ ଦେବା ପରେ ଭୟ ଓ ଚାପରେ ଆସି ସେମାନେ ଆତ୍ମହତ୍ୟା କରିଥିବା ସୁଇସାଇଡ୍ ନୋଟ୍ରେ ଉଲ୍ଲେଖ ରହିଛି।
ପଢନ୍ତୁ- ଫୁଡ୍ ବିଲ୍ରେ ସର୍ଭିସ୍ ଚାର୍ଜ ନେଇପାରିବେନି ରେଷ୍ଟୁରାଣ୍ଟ: ଆସୋସିଏସନକୁ ୧ ଲକ୍ଷ ଟଙ୍କା ଫାଇନ କଲେ ଦିଲ୍ଲୀ ହାଇକୋର୍ଟ
ପୋଲିସ ସୂତ୍ରରୁ ମିଳିଥିବା ଖବର ଅନୁଯାୟୀ, ଠକମାନେ ଦମ୍ପତିଙ୍କୁ ଏକ ଭିଡିଓ କଲ୍ ମାଧ୍ୟମରେ ଯୋଗାଯୋଗ କରିଥିଲେ, ସେମାନଙ୍କୁ ଏକ ଅପରାଧିକ ମାମଲାରେ ସମ୍ପୃକ୍ତ ଥିବା ମିଥ୍ୟା ଅଭିଯୋଗ କରିଥିଲେ। ସାଇବର ଅପରାଧୀମାନେ ଦମ୍ପତିଙ୍କ ମୋବାଇଲ୍ ନମ୍ବର ଏବଂ ପରିଚୟ ପତ୍ର ଲିକ୍ ହୋଇଯାଇଥିବା କହି ଧମକାଇ ଥିଲେ। ମାମଲାର ସମାଧାନ ପାଇଁ ୫ ଲକ୍ଷ ଟଙ୍କା ଦାବି କରିଥିଲେ। ଦମ୍ପ
ଅବସରପ୍ରାପ୍ତ ଏବଂ ପୂର୍ବରୁ ମହାରାଷ୍ଟ୍ର ସଚିବାଳୟରେ ଚାକିରି କରିଥିବା ଏହି ଦମ୍ପତି ଏହି ଭୟରେ ଟଙ୍କା ଦେଇଥିଲେ। ତଥାପି ସେମାନେ ହଇରାଣ କରିବା ବନ୍ଦ କରି ନଥିଲେ। ଠକମାନେ ସେମାନଙ୍କୁ ଧମକ ଦେଇ ଏବଂ ଅଧିକ ଟଙ୍କା ଆଦାୟ କରି ଚାଲିଥିଲେ, ଯାହା ଫଳରେ ମୋଟ ୫୦ ଲକ୍ଷ ଟଙ୍କାରୁ ଅଧିକ ଠକେଇର ଶିକାର ହୋଇଥିଲେ ଦମ୍ପତି।
ଯେହେତୁ ଏହି ଦମ୍ପତିଙ୍କର କୌଣସି ସନ୍ତାନସନ୍ତତି ନଥିଲେ କିମ୍ବା ପରିବାର ଲୋକେ ନଥିଲେ, ତେଣୁ ସେମାନେ ଧମକ ଏବଂ ଦାଦାବଟି ଆଦାୟ ବିଷୟରେ କାହାକୁ ଜଣାଇ ନଥିଲେ। ଚାପରେ ଦୁହେଁ ଆତ୍ମହତ୍ୟାର ବାଟ ବାଛିଥିଲେ।
ପଢନ୍ତୁ- ATMରୁ ଅତିରିକ୍ତ ଉଠାଣ ଉପରେ ୧ ମେରୁ ଲାଗିବ ଅଧିକ ୨ଟଙ୍କା ଶୁଳ୍କ
ପୁଲିସ ପ୍ରଥମେ ଏହାକୁ ହତ୍ୟା ମାମଲା ବୋଲି ସନ୍ଦେହ କରିଥିଲା। କିନ୍ତୁ ପୋଲିସ ଦମ୍ପତିଙ୍କ ସୁଇସାଇଡ ନୋଟ୍ ଜବତ କରିବା ଏବଂ ସେମାନଙ୍କ ମୋବାଇଲ୍ ଫୋନ୍ ରେକର୍ଡ ଯାଞ୍ଚ କରିବା ପରେ ତଦନ୍ତ ମୋଡ଼ ନେଇଥିଲା। ମୃତଦେହଗୁଡ଼ିକୁ ପୋଷ୍ଟମର୍ଟମ ପାଇଁ ବେଲାଗାଭି ବିମ୍ସ ହସ୍ପିଟାଲକୁ ପଠାଯାଇଛି। ମାମଲାରେ ପୁଲିସ ତଦନ୍ତ ଜାରି ରହିଛି।
