ଯାଜପୁର: ଗାଡି ଚେକିଂ ବେଳେ ମାଡିଗଲା ଗ୍ୟାସ କଣ୍ଟେନର । ଏଥିରେ ଜଣଙ୍କର ମୃତ୍ୟୁ ହୋଇଥିବାବେଳେ ଜଣେ ଗୁରୁତର ଆହତ ହୋଇଛନ୍ତି l ପାଣିକୋଇଲି ଥାନା ୧୬ନଂ ଜାତୀୟ ରାଜପଥ ସଠିପୁର ନିକଟରେ ଘଟିଛି ଏହି ମର୍ମନ୍ତୁଦ ସଡ଼କ ଦୁର୍ଘଟଣା।
ସୂଚନା ଅନୁଯାୟୀ, ୧୬ନଂ ଜାତୀୟ ରାଜପଥର ସଠିପୁର ନିକଟରେ ସନ୍ଧ୍ୟାରେ ପୋଲିସ ପକ୍ଷରୁ ଭାରି ଯାନ ଚେକିଂ କରାଯାଉଥିଲା। ଏହି ସମୟରେ ବାଲେଶ୍ୱର ପଟୁ କଟକ ଅଭିମୁଖେ ଯାଉଥିବା ଏକ ଗ୍ୟାସ କଣ୍ଟେନର ଦ୍ରୁତଗତିରେ ଆସି ପୋଲିସ ଗାଡ଼ିକୁ ଧକ୍କାଦେବା ସହିତ ଅନ୍ୟ ଜଣେ ବାଇକ ଆରୋହୀ ଉପରେ ମାଡ଼ିଯାଇଥିଲା l ଫଳରେ ଘଟଣା ସ୍ଥଳରେ ବାଇକ ଆରୋହୀଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ପୋଲିସ କର୍ମଚାରୀ ଗୁରୁତର ଆହତ ହୋଇଛନ୍ତି। ଆହତଙ୍କୁ ଚିକିତ୍ସା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।
ସେପଟେ ଘଟଣା ସ୍ଥଳରେ ଉତ୍ତେଜନା ଦେଖାଦେଇଥିବା ବେଳେ ଜାତୀୟ ରାଜପଥରେ ଗାଡି ଚଳାଚଳ ବନ୍ଦ ରହିଛି। ମୃତକ ସ୍ଥାନୀୟ ମାଧପୁର ଅଞ୍ଚଳର ରଞ୍ଜନ କୁମାର ଜେନା, ସେହିଭଳ ଗୁରୁତର ପୋଲିସ କର୍ମଚାରୀ ଜଣକ ସୁଲୋଚନ ବେହେରା ବୋଲି ସୂଚନା ମିଳିଛି। ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ସ୍ଥିତି ନିୟନ୍ତ୍ରଣ କରିବା ସହ ମୃତଦେହ ଉଦ୍ଧାର କରି ଘଟଣାର ତଦନ୍ତ ଆରମ୍ଭ କରିଛି।
