ବରଗଡ଼: ଦେଶୀ ପିସ୍ତଲ କାରବାର କରି ଗିରଫ ହେଲେ ୫ ଯୁବକ। ବରଗଡ଼ ଟାଉନ ଥାନା ପୋଲିସ ସ୍ଥାନୀୟ ଜିରା ବ୍ରିଜ ପାଖରେ ଅତର୍କିତ ଚଢ଼ାଉ କରି ଦେଶୀ ପିସ୍ତଲ ବିକ୍ରି କରୁଥିବା ପାଞ୍ଚ ଜଣଙ୍କୁ ଗିରଫ କରିଛି । ଗିରଫ ଯୁବକମାନଙ୍କ ଠାରୁ ୫ଟି ଦେଶୀ ପିସ୍ତଲ, ୩୪ଟି ଜୀବନ୍ତ ଗୁଳି, ୭ଟି ମୋବାଇଲ, ୩ଟି ମୋଟର ସାଇକେଲ, ଛୁରୀ ଆଦି ଜବତ ହୋଇଛି ।
ଗିରଫ ଯୁବକମାନେ ହେଲେ ବରପାଲିର ରାଜଦୀପ ଚୌଧୁରୀ, ସୋହେଲାର ବେଦବ୍ୟାସ ପ୍ରଧାନ ଓ ରାଜେଶ ଚୌଧୁରୀ, ବରଗଡ଼ ଖେଦାପାଲିର ସୁଧାଂଶୁ ମୁଗ୍ରୀ ଏବଂ ଭେଡେନ ସଂକ୍ରିଡାର ପ୍ରମୋଦ ତାଣ୍ଡିଆ ବୋଲି ସୂଚନା ଦେଇଛି ବରଗଡ଼ ପୋଲିସ ।
ଗିରଫ ରାଜଦୀପ ଏହି ଘଟଣାର ମୁଖ୍ୟ ଅଭିଯୁକ୍ତ ହୋଇଥିବାବେଳେ ସେ ବିହାର ଅଞ୍ଚଳରୁ ଦେଶୀ ପିସ୍ତଲ ଆଣି ଏଠାରେ କାରବାର କରୁଥିବା ବରଗଡ଼ ଏସପି ପ୍ରହଲ୍ଲାଦ ସହାଇ ମୀନା ସୂଚନା ଦେଇଛନ୍ତି । ବର୍ତ୍ତମାନ ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି ପୋଲିସ ।
