ନୂଆଦିଲ୍ଲୀ: ଆତ୍ମଘୋଷିତ ବାବା ନାରାୟଣ ହରି ଓରଫ୍ ସାକାର ବିଶ୍ୱ ହରି ଭୋଲେ ବାବା ଫେରାର ହେଉଥିବାର ଭିଡିଓ ସାମନାକୁ ଆସିଛି। ପିଟିଆଇ ଦ୍ୱାରା ସେୟାର କରାଯାଇଥିବା ସିସିଟିଭି ଫୁଟେଜରେ 'ଭୋଲେ ବାବା'ଙ୍କୁ କରିଡର କରିନିଆଯାଉଛି। ରାସ୍ତାର ଉଭୟ ପାର୍ଶ୍ୱରେ ସେବକ ଓ ଭକ୍ତ ଠିଆ ହୋଇଥିବା ଦେଖିବାକୁ ମିଳିଛି। ସୁରକ୍ଷା ପାଇଁ ଆଗ ପଛରେ ଗାଡ଼ି ବି ଯାଉଛି। ମଙ୍ଗଳବାର ହାଥରସ୍ ଜିଲ୍ଲାର ସିକଚନ୍ଦ୍ର ରାଓ ଅଞ୍ଚଳର ରତିଭାନପୁର ଗ୍ରାମରେ ଆୟୋଜିତ ଏକ 'ସତସଙ୍ଗ' ପାଇଁ ଲକ୍ଷ ଲକ୍ଷ ଲୋକ ଏକାଠି ହୋଇଥିଲେ। ଏହିଠାରେ ଦଳାଚକଟା ଯୋଗୁଁ ୧୨୧ ଜଣଙ୍କର ମୃତ୍ୟୁ ଘଟିଛି।
VIDEO | Hathras stampede: CCTV footage shows self-styled preacher Baba Narayan Hari alias Saakar Vishwa Hari 'Bhole Baba' leaving from the village (Phulrai) with his private convoy just after the incident. pic.twitter.com/t3yoTzVa74
— Press Trust of India (@PTI_News) July 4, 2024
ଉତ୍ତରପ୍ରଦେଶ ପୋଲିସ କହିଛି ଯେ ୬ ଜଣଙ୍କୁ ଗିରଫ କରାଯାଇଛି। ସମସ୍ତେ ସେବକ ଅଟନ୍ତି। ଏହି ୬ ଜଣଙ୍କ ମଧ୍ୟରେ ଦୁଇଜଣ ମହିଳା ଏବଂ ଚାରିଜଣ ପୁରୁଷ ଅଛନ୍ତି। ମୁଖ୍ୟ ଅଭିଯୁକ୍ତ ପ୍ରକାଶ ମାଧୁକରଙ୍କୁ ଗିରଫ କରିବା ପାଇଁ ପୋଲିସ ଏକ ଲକ୍ଷ ଟଙ୍କା ପୁରସ୍କାର ଘୋଷଣା କରିଛି। ଆଇ.ଜି. ପୋଲିସ କହିଛି, 'ଯଦି ଆବଶ୍ୟକ ହୁଏ ତେବେ ଭୋଲେ ବାବାଙ୍କୁ ପଚରାଉଚରା କରାଯିବ, କିନ୍ତୁ ଏହା ସବୁ ତଦନ୍ତର ଦିଗ ଉପରେ ନିର୍ଭର କରେ। ଆମେ ମଧ୍ୟ ତାଙ୍କ ଅପରାଧିକ ଅପରାଧିକ ରିପୋର୍ଟ ଉପରେ ଯାଞ୍ଚ କରୁଛୁ।'
ସତସଙ୍ଗର ଆୟୋଜକମାନେ 80,000 ଲୋକଙ୍କ ପାଇଁ ଅନୁମତି ନେଇଥିଲେ, କିନ୍ତୁ ଏଥିରେ 2.5 ଲକ୍ଷ ଲୋକ ଉପସ୍ଥିତ ଥିଲେ। ଆୟୋଜକଙ୍କ ବିରୋଧରେ ପୋଲିସ ଏଫଆଇଆର ପଞ୍ଜିକୃତ କରିଛି।
