ନୂଆଦିଲ୍ଲୀ ୨୮।୦୩: ମାଛ ଖାଇବା ସ୍ୱାସ୍ଥ୍ୟ ପାଇଁ ଭଲ । ଏଥିରୁ ଶରୀରକୁ ମିଳିଥାଏ ଅନେକ ପୋଷଣ । ଖାସ୍ କରି ଓମେଗା ୩ ଫ୍ୟାଟି ଏସିଡ୍ ଭଳି ଆବଶ୍ୟକୀୟ ମିନେରାଲ୍ସ ପାଇଁ ଅନେକ ଲୋକ ମାଛ ଖାଆନ୍ତି । କିନ୍ତୁ ବଜାରକୁ ମାଛ କିଣିବା ବେଳେ ରୁହନ୍ତୁ ସାବଧାନ । ନଚେତ୍ ଘରକୁ ଆଣିଦେବେ ବାସି ମାଛ । ସତେଜ ମାଛ କିଣିବାକୁ ଜାଣନ୍ତୁ କିଛି ସହଜ ଉପାୟ...
ମାଛ କିଣିବା ବେଳେ ମାଛକୁ ଆଙ୍ଗୁଠିରେ ଚାପି ଦେଖନ୍ତୁ । ଯଦି ମାଛର ସ୍କିନ୍ ଦବି ରହିଥାଏ ତ, ତେବେ ଜାଣିବେ ଯେ ମାଛିଟି ବାସି। ଯଦି ସ୍କିନ୍ ପୁଣି ଉଠି ବାହାରକୁ ଚାଲିଆସେ ତେବେ ଏହା ତଟକା ମାଛ ।
ମାଛ କିଣିବା ସମୟରେ ଆଖିକୁ ନଜର କରନ୍ତୁ। ଯଦି ମାଛର ଆଖି ଚିକ୍କଣ ଦେଖାଯାଏ ତେବେ ଏହା ସତେଜ ମାଛ । ଯଦି ଫିକା, ହଳଦିଆ ଦେଖାଯାଏ ତେବେ ଏହା ବାସି ମାଛ ।
ମାଛ କିଣିବା ସମୟରେ ମାଛର ଗାଲି ଉପରେ ଧ୍ୟାନ ଦିଅନ୍ତୁ । ଯଦି ଗାଲି ଗୋଲାପି କିମ୍ବା ଲାଲ୍ ଦେଖାଯାଏ ତେବେ ଏହା ତାଜା ମାଛ । ଯଦି କଳା କି ଗାଢ ଲାଲ୍ ଦେଖାଯାଏ ତେବେ ଏହା ପୁରୁଣା ମାଛ ।
ମାଛକୁ ଉଠାଇବା ବେଳେ ଯଦି ଏହା ଢିଲା ଜଣାପଡେ ତେବେ ଏହା ବାସି ମାଛ । ତାଜା ମାଛ ଢିଲା ହୁଏନି ଏହା ହାତକୁ ଟାଣ ଲାଗିଥାଏ ।
