ଗ୍ରୀଷ୍ମ ଋତୁରେ ଚର୍ମ ସମ୍ବନ୍ଧୀୟ ସମସ୍ୟାର ଅଧିକ ଆଶଙ୍କା ଥାଏ । ଶକ୍ତିଶାଳୀ ସୂର୍ଯ୍ୟକିରଣ, ପ୍ରଦୂଷଣ ତ୍ଵଚାରୁ ଆର୍ଦ୍ରତା ଦୂର କରେ । ଏହି କାରଣରୁ, ତ୍ଵଚାରେ ସନ୍ବର୍ଣ୍ଣ ଏବଂ ଡ୍ରାଏନେସ୍ ଦେଖାଯାଏ । ଯେଉଁମାନଙ୍କର ତେଲିଆ ତଥା ଡ୍ରାଏ ସ୍କିନ୍, ସେମାନେ ସୂର୍ଯ୍ୟ କିରଣର ସଂସ୍ପର୍ଶରେ ଆସି ବ୍ରଣର ସମ୍ମୁଖୀନ ହୋଇପାରନ୍ତି।
ସେହି ସମୟରେ, ଡ୍ରାଏ ସ୍କିନ୍ ଥିବା ଲୋକଙ୍କ ଚର୍ମ ଟାଣି ହେବା ସହ ରୁକ୍ଷା ଲାଗେ । ଏପରି ପରିସ୍ଥିତିରେ ଗ୍ରୀଷ୍ମ ଋତୁରେ ଚର୍ମ ସମ୍ବନ୍ଧୀୟ ସମସ୍ୟାକୁ ଏଡାଇବା ପାଇଁ ଅତିରିକ୍ତ ଯତ୍ନ ଆବଶ୍ୟକ । ଗ୍ରୀଷ୍ମ ସମୟରେ, ତୁମ ଚର୍ମକୁ ଚମକାଇବା ପାଇଁ ଏବଂ ଏହା ସହିତ ଜଡିତ ଅନ୍ୟାନ୍ୟ ସମସ୍ୟାରୁ ରକ୍ଷା ପାଇବା ପାଇଁ ତୁମେ କିଛି ପ୍ରାକୃତିକ ଉପଚାରକୁ ଫଲୋ କରିପାରିବେ ।
ଦହି- ଦହିରେ ଲାକ୍ଟିକ୍ ଏସିଡ୍ ଏବଂ ପ୍ରୋଟିନ୍ ଥାଏ। ଯାହା ଚର୍ମର ଆର୍ଦ୍ରତା ବଜାୟ ରଖେ । ଚର୍ମରେ ଦହି ଲଗାଇବା ଦ୍ୱାରା କେବଳ ଶୁଷ୍କତା ଦୂର ହୁଏ ନାହିଁ, ବରଂ ଏହା ସନ୍ବର୍ଣ୍ଣ ଦ୍ୱାରା ସୃଷ୍ଟି ହେଉଥିବା ଜଳାପୋଡା ମଧ୍ୟ ଶାନ୍ତ କରିଥାଏ । ଅତିକମରେ ୧୫ ମିନିଟ୍ ପାଇଁ ଆପଣ ମୁହଁରେ ଦହି ଲଗାଇବା ଉଚିତ୍ । ଏହା ପରେ ଆପଣ ମୁହଁକୁ ଧୀରେ ଧୀରେ ମାଲିସ୍ କରିପାରିବେ । ଏହି ଚର୍ମର ଯତ୍ନ ଗ୍ରୀଷ୍ମ ଋତୁରେ ଅତ୍ୟନ୍ତ ଉପଯୋଗୀ ।
ନଡିଆ ତେଲ- ନଡିଆ ତେଲରେ ଆଣ୍ଟିଅକ୍ସିଡାଣ୍ଟ ଏବଂ ଆଣ୍ଟି-ଇନ୍ଫ୍ଲାମେଟୋରୀ ଗୁଣ ରହିଛି - ଯାହା ଚର୍ମକୁ ଆର୍ଦ୍ରତା ଯୋଗାଇଥାଏ । ଏହା ଚର୍ମ କୋଷଗୁଡ଼ିକର ରିପାଏର କରେ ଏବଂ ସନ୍ବର୍ଣ୍ଣରୁ ମୁକ୍ତି ପ୍ରଦାନ କରେ। ଆପଣ ରାତିରେ ସ୍କିନ୍ ଉପରେ ନଡ଼ିଆ ତେଲକୁ ଧୀରେ ଧୀରେ ମାଲିସ୍ କରିପାରିବେ । ସନ୍ବର୍ଣ୍ଣକୁ ଭଲ କରିବାରେ ଏହା ମଧ୍ୟ ବହୁତ ଲାଭଦାୟକ ।
ଆଲୋଭେରା-ଆଲୋଭେରା ଚର୍ମ ପାଇଁ ଏକ ଔଷଧଠାରୁ କମ୍ ନୁହେଁ । ଏଥିରେ ଆଣ୍ଟି-ଇନ୍ଫ୍ଲାମେଟୋରୀ ଗୁଣ ରହିଛି। ଯାହା ସନ୍ବର୍ଣ୍ଣ ଦ୍ଵାରା ସୃଷ୍ଟି ହେଉଥିବା ଜଳାପୋଡା ଏବଂ ଫୁଲିଥିବା ମୁହଁକୁ ହ୍ରାସ କରିବାରେ ସାହାଯ୍ୟ କରିଥାଏ । ଆଲୋଭେରା ଚର୍ମକୁ ଗଭୀର ଆର୍ଦ୍ରତା ଯୋଗାଇଥାଏ। ଯାହାଦ୍ୱାରା ଶୁଷ୍କତା ଦୂର ହୋଇଥାଏ । ଆଲୋଭେରା ଜେଲକୁ ମୁହଁରେ ଲଗାନ୍ତୁ ଏବଂ ଏହାକୁ କିଛି ସମୟ ଛାଡିଦିଅନ୍ତୁ।
ଏହା ପରେ ପାଣିରେ ମୁହଁକୁ ଧୋଇ ଦିଅନ୍ତୁ। ଏହା ଚର୍ମରେ ଆର୍ଦ୍ରତାକୁ ବଜାୟ ରଖେ। ଏହା ବ୍ୟତୀତ, ଆପଣ ଗ୍ରୀଷ୍ମ ସମୟରେ ଆପଣଙ୍କ ମୁହଁରେ ଗୋଲାପ ଜଳ ମଧ୍ୟ ବ୍ୟବହାର କରିପାରିବେ । ଗୋଲାପ ଜଳ ଚର୍ମକୁ ଥଣ୍ଡା ରଖିଥାଏ ଏବଂ ଏହାକୁ ହାଇଡ୍ରେଟ୍ ମଧ୍ୟ ରଖେ ।
