ନୂଆଦିଲ୍ଲୀ ୨୯।୦୩: ହଠାତ୍ ଆସେ ଭୂମିକମ୍ପ । କିଛି କରିବାକୁ ମଧ୍ୟ ଦିଏନି ସୁଯୋଗ । ଅର୍ଥାତ୍ ଭୂକମ୍ପ ସମୟରେ କେମିତି ନିଜକୁ ରକ୍ଷା କରିବା, ସେଥିପାଇଁ କଣ ପଦକ୍ଷେପ ନେବେ, ସେକଥା ଚିନ୍ତା କରିବା ବେଳକୁ ହୋଇଯାଇଥାଏ ବିଳମ୍ବ ।   ତେବେ ଭୂମିକମ୍ପ ସମୟରେ ନିଜକୁ ସୁରକ୍ଷା କେମିତି କରିବେ ସୁରକ୍ଷା ? 

ଭୂମିକମ୍ପ ସମୟରେ ନିଜକୁ ସୁରକ୍ଷା ଦେବା ପାଇଁ ଜାତୀୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ (NDMA)ର ନିର୍ଦ୍ଦେଶାବଳୀ ବହୁତ ଉପଯୋଗୀ ହୋଇପାରେ। ଭୂକମ୍ପ ବେଳେ ଭୂମିରେ ଶୋଇପଡ଼ନ୍ତୁ ଏବଂ ମଜବୁତ ଫର୍ଣ୍ଣିଚରକୁ ଧରି ରଖନ୍ତୁ। ଟେବୁଲ କିମ୍ବା ବିଛଣା ତଳେ ଲୁଚି ରହି ତକିଆ ସାହାଯ୍ୟରେ ମୁଣ୍ଡକୁ ସୁରକ୍ଷିତ ରଖନ୍ତୁ । କାଚ, ଝରକା କିମ୍ବା ଝୁମର ତଳୁ ହଟିଯାଆନ୍ତୁ । 

ଯେପର୍ଯ୍ୟନ୍ତୁ କମ୍ପନ ବନ୍ଦ ନହୋଇଛି ସେପର୍ଯ୍ୟନ୍ତ ଦୁଆର ଆଡ଼କୁ ଯିବାକୁ ଚେଷ୍ଟା କରନ୍ତୁନି । ଯେଉଁଠାରେ ରହିଥିବେ ସେଠାରେ ହିଁ ରହିବେ । କୋଠା, ଗଛ ଏବଂ ଷ୍ଟ୍ରିଟ୍ ଲାଇଟ୍ ଠାରୁ ଦୂରେଇ ରୁହନ୍ତୁ । କମ୍ପନ ବନ୍ଦ ନହେବା ପର୍ଯ୍ୟନ୍ତ ଖୋଲା ସ୍ଥାନରେ ରୁହନ୍ତୁ। ଭୂକମ୍ପ ବେଳେ ଯଦି ଗାଡିରେ ଯାଉଛନ୍ତି ତେବେ ଗାଡିକୁ ଅଟକାଇ ଖୋଲା ସ୍ଥାନରେ ରୁହନ୍ତୁ । କଦାପି ବି ଗଛ, ଓଭରପାସ୍, କୋଠା କିମ୍ବା ତାର ତଳେ ରହୁନ୍ତୁନି । 

ଭୂମିକମ୍ପ ବନ୍ଦ ହେବା ପର୍ଯ୍ୟନ୍ତ ଅପେକ୍ଷା କରନ୍ତୁ। ମୁହଁକୁ କପଡାରେ ଘୋଡାଇଦିଅନ୍ତୁ । ଯେପରି କି କୌଣସି ଧୁଳିକଣା ଶରୀରକୁ ନଯାଏ । ଭୂକମ୍ପ ପରେ ଏଣେତେଣେ ବୁଲିବେନି, ସ୍ଥିର ରହି କୌଣସି ଧାତୁକୁ ବାଡେଇବାକୁ ଚେଷ୍ଠା କରନ୍ତୁ । ଯେପରିକି ଉଦ୍ଧାରକାରୀ ଟିମ୍ ଆପଣଙ୍କୁ ଖୋଜିବାକୁ ନ୍ତୁନି ନାହଁ କିମ୍ବା ନିଜକୁ ଧୂଳି ଝାଡ଼ୁନାହଁ । ଉଦ୍ଧାରକାରୀ ଦଳ ଖୋଜି ପାଇବାରେ ସହାୟକ ହେବ ।