ନୂଆଦିଲ୍ଲୀ ୨୩।୦୩: ମେକଅପ୍ ଲଗାଇବା ଦ୍ୱାରା ମୁହଁ ସୁନ୍ଦର ଦେଖାଯାଏ । ନ୍ୟୁଡ୍ ଠାରୁ ଆରମ୍ଭ କରି ମିନିମଲ ଏବଂ ପେଷ୍ଟେଲ ପର୍ଯ୍ୟନ୍ତ ଅନେକ ମେକଅପ୍ ଲୁକ୍ ଅଛି, ଯାହା ସୌନ୍ଦର୍ଯ୍ୟକୁ ବୃଦ୍ଧି କରେ । କିନ୍ତୁ ଗ୍ରୀଷ୍ମ ଋତୁରେ ମେକଅପ୍କୁ ଅଧିକ ସମୟ ମୁହଁରେ ରଖିବା ଖୁବ୍ ଚ୍ୟାଲେଞ୍ଜିଙ୍ଗ୍ ହୋଇଥାଏ । କାରଣ ଗ୍ରୀଷ୍ମଋତୁରେ ଝାଳ ଯୋଗୁଁ ମେକଅପ୍ ପ୍ରାୟତଃ ଖରାପ ହୋଇଯାଏ। ଆଉ ଲୁକ୍କୁ ନଷ୍ଟ କରିପାରେ । କିନ୍ତୁ ଗ୍ରୀଷ୍ମଋତୁରେ ମଧ୍ୟ ମେକଅପ୍କୁ ଅଧିକ ସମୟ ରଖିପାରିବେ । ଏଥିପାଇଁ ଆପଣଙ୍କୁ କିଛି ଟିପ୍ସ ଆପଣେଇବାକୁ ପଡିବ...
ଝାଳରୁ ରକ୍ଷା ପାଇବା ପାଇଁ ପ୍ରାଇମରକୁ ବ୍ୟବହାର କରିପାରିବେ । ଏହା ମୁହଁର ଚର୍ମକୁ ନରମ କରିଥାଏ । ପ୍ରାଇମର ମେକଅପ୍କୁ ଅଧିକ ସମୟ ରଖିବାରେ ସାହାଯ୍ୟ କରେ । ଯଦି ଆପଣଙ୍କର ବହୁତ ଝାଳ ବାହାରିବାର ସମସ୍ୟା ଅଛି, ତେବେ ତୈଳମୁକ୍ତ ପ୍ରାଇମର ବ୍ୟବହାର କରନ୍ତୁ । ଯାହା ଚର୍ମକୁ ଅତିରିକ୍ତ ତୈଳକୁ ଶୋଷି ନେଇଥାଏ ।
ମେକଅପକୁ ଅଧିକ ସମୟ ରଖିବା ପାଇଁ ବ୍ଲଟିଂ ପେପରକୁ ମୁହଁରେ ହାଲୁକା ଭାବରେ ଚାପି ପାରିବେ । ଏହା ମେକଅପ୍ ନଷ୍ଟ ନକରି ମୁହଁରୁ ଝାଳ ଶୋଷି ନିଏ । ଆପଣ ଏହାକୁ ସମ୍ପୂର୍ଣ୍ଣ ମୁହଁରେ କିମ୍ବା ଯେଉଁଠାରେ ଆପଣଙ୍କୁ ଅଧିକ ଝାଳ ବୋହୁଛି ସେଠାରେ ବ୍ୟବହାର କରିପାରିବେ।
ଆପଣ ମିଷ୍ଟ ସ୍ପ୍ରେ ବ୍ୟବହାର କରିପାରିବେ । ଯାହା ମେକଅପ୍ କୁ ଦୀର୍ଘ ସମୟ ପର୍ଯ୍ୟନ୍ତ ସ୍ଥାୟୀ ରଖିବାରେ ସାହାଯ୍ୟ କରେ । ଏହା ଚର୍ମକୁ ହାଇଡ୍ରେଟ୍ ରଖେ ଏବଂ ଝାଳ ସମସ୍ୟାକୁ କମ କରେ । ମେକଅପ୍ ପରେ ଆପଣ ଏହାକୁ ଆପଣଙ୍କ ମୁହଁରେ ହାଲୁକା ଭାବରେ ସ୍ପ୍ରେ କରିପାରିବେ।
ଯଦି ଆପଣଙ୍କର ବହୁତ ଝାଳ ବୋହୁଛି ତେବେ ଅଧିକ ମେକଅପ୍ ବଦଳରେ ହାଲୁକା ମେକଅପ୍ ବ୍ୟବହାର କରନ୍ତୁ । ବିବି କ୍ରିମ୍ କିମ୍ବା ସିସି କ୍ରିମ୍ ବ୍ୟବହାର କରନ୍ତୁ । ଯାହା ତ୍ୱଚାକୁ ହାଲୁକା କଭରେଜ୍ ଦିଏ। ଏହାବ୍ୟତୀତ ଲିକ୍ୟୁଇଡ୍ ଫାଉଣ୍ଡେସନ ବଦଳରେ ପାଉଡର ଫାଉଣ୍ଡେସନ ବ୍ୟବହାର କରନ୍ତୁ।
