ବ୍ରହ୍ମପୁର ୨୯।୮: ଗଞ୍ଜାମ ଜିଲ୍ଲା ସଦର ଥାନା ଅନ୍ତର୍ଗତ ରୋହିଗାଁରେ ସ୍ତ୍ରୀକୁ ଶାବଳ ଭୁସି ହତ୍ୟା କଲା ସ୍ୱାମୀ । ମଦ ପିଇ ନିଶାସକ୍ତ ଅବସ୍ଥାରେ ସ୍ୱାମୀ ରାଜେନ୍ଦ୍ର ଜେନା ନିଜ ସ୍ତ୍ରୀକୁ ହତ୍ୟା କରିଛନ୍ତି । ମୃତ ମହିଳା ହେଲେ ଝୁନୁ ଜେନା । ଖବର ପାଇ ଘଟଣାସ୍ଥଳରେ ସଦର ଥାନା ପୋଲିସ ପହଞ୍ଚି ତଦନ୍ତ କରିଛି । ସାଇଣ୍ଟିଫିକ ଟିମ ପହଞ୍ଚି ଘଟଣାର ତଦନ୍ତ କରିଛି । ଘରୋଇ ଗଣ୍ଡଗୋଳକୁ ନେଇ ନିଶାସକ୍ତ ଅବସ୍ଥାରେ ରାଜେନ୍ଦ୍ର ତାଙ୍କ ସ୍ତ୍ରୀକୁ ହତ୍ୟା କରିଥିବା ନେଇ ସରପଞ୍ଚ ବଶିଷ୍ଟ ଜେନା କହିଛନ୍ତି । 

ହତ୍ୟାକାରୀକୁ ପୋଲିସ ଗିରଫ କରି କୋର୍ଟ ଚାଲାଣ କରିଛି । ମୃତଦେହ ଜବତ କରି ପୋଷ୍ଟମର୍ଟମ ପାଇଁ ବ୍ରହ୍ମପୁର ବଡ଼ ମେଡିକାଲକୁ ପଠା ଯାଇଥିବା ବେଳେ ପାରିବାରିକ ଗଣ୍ଡଗୋଳ ଯୋଗୁଁ ହତ୍ୟାକାଣ୍ଡ ଘଟିଥିବା ପୋଲିସ କହିଛି । ହତ୍ୟାକାରୀ ସ୍ୱାମୀ ବରିଷ୍ଠ ନାଗରିକ ହୋଇଥିବା ବେଳେ ମୃତକ ସ୍ତ୍ରୀଙ୍କ ବୟସ ୫୨ ବର୍ଷ । କୌଣସି ସନ୍ତାନ ନଥିବା ବେଳେ ପ୍ରତ୍ୟେକ ଦିନ ସ୍ୱାମୀ ମଦ ପିଇ ସ୍ତ୍ରୀଙ୍କ ସହ ଗଣ୍ଡଗୋଳ କରୁଥିବା ସରପଞ୍ଚ କହିଛନ୍ତି । ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି ।

You Can Read:

ମାଁ ଚରଦେଇଙ୍କ ପୀଠରେ ନବାନ୍ନ ଲାଗି ପାଇଁ ଲଗ୍ନ ଧାର୍ଯ୍ୟ