ନୂଆଦିଲ୍ଲୀ: ମହାକାଶଚାରୀ ସୁନିତା ଓ୍ବିଲିୟମ୍ସ ପୃଥିବୀ ଫେରିବା ସମ୍ଭାବନା କ୍ଷୀଣ ହେଉଛି । ଫେରବ୍ରୁଆରି ମାସରେ ସୁନିତା ଏବଂ ତାଙ୍କ ସାଥି ଭୂ-ପୃଷ୍ଠକୁ ଫେରିଥାନ୍ତେ, ମାତ୍ର ଏହା ମୁସ୍କିଲ୍ ହେବାରେ ଲାଗିଛି । ଇଣ୍ଟର ନ୍ୟାସନାଲ ସ୍ପେଶ୍ ଷ୍ଟେସନକୁ ନେଇ ଆମେରିକା ମହାକାଶ ଗବେଷଣା ସଂସ୍ଥା ‘ନାସା’ ଚିନ୍ତାଜନକ ଖବର ଦେଇଛି । ଆଇଏସଏସରେ ଗତ ୫ ବର୍ଷ ହେଲା ଛିଦ୍ର ସୃଷ୍ଟି ହୋଇଛି । ଏହି ଛିଦ୍ର ଏବେ ୫୦ରୁ ଅଧିକ ସ୍ଥାନରେ ହୋଇଛି । ଏହାଛଡ଼ା ଇଣ୍ଟର ନ୍ୟାସନାଲରେ ସ୍ପେଶ୍ ଷ୍ଟେସନରେ ଫାଟ ସୃଷ୍ଟି ହୋଇଥିବା ‘ନାସା’ ସୂଚନା ଦେଇଛି । ଫଳରେ ସୁନିତା ଓ୍ବିଲିୟମ୍ସ ଏବଂ ତାଙ୍କ ସାଥିଙ୍କ ପାଇଁ ବିପଦ ବଢ଼ିବାରେ ଲାଗିଛି ।
ଋଷ୍ ଲ୍ୟାବର ବୈଜ୍ଞାନିକ ମାଇକ୍ରୋ ବାଇବ୍ରେସନ ଦାବି କରିଛନ୍ତି, ସ୍ପେଶ୍ ଷ୍ଟେସନ ମଧ୍ୟକୁ ପବନ ପ୍ରବେଶ କରିବାର ଅର୍ଥ ସତର୍କ ଘଣ୍ଟି ସଦୃଶ । ହେଲେ ଏହାର ସମାଧାନ ପାଇଁ ତଥା ଜୀବନ ବଞ୍ଚାଇବାକୁ ନାସା କୌଣସି ନା କୌଣସି ଉପାୟ ବାହାର କରିବ । ଇଣ୍ଟର ନ୍ୟାସନାଲ ସ୍ପେଶ୍ ଷ୍ଟେସନରେ ପ୍ରଥମେ ୟବେଜଦା ମଡ୍ୟୁଲାର୍ ସିଷ୍ଟମରେ ଛିଦ୍ର ସୃଷ୍ଟି ହୋଇଥିଲା । ଆଇଏସଏସର ଏହି ସ୍ଥାନରୁ ଡାକିଙ୍ଗ ପୋର୍ଟ ପର୍ଯ୍ୟନ୍ତ ଯିବା ପାଇଁ ଏକ ସୁଡ଼ଙ୍ଗ ରହିଛି । ଏହାର କିଛି ଅଂଶ କଣ୍ଟ୍ରୋଲ ରୁମ୍ ସହିତ ଯୋଡ଼ି ହୋଇ ରହିଛି । ସ୍ପେଶ୍ ଷ୍ଟେସନର ଏହି ସମସ୍ୟାର ମୁଖ୍ୟ କାରଣ ଏହା ନାସା ଏବଂ ଋଷ୍ ଏଜେନ୍ସି ରାସକୋମସ୍ । ଦୁଇ ସଂସ୍ଥା ଅସହମତି ପାଇଁ ଛିଦ୍ର ସଂଖ୍ୟା ବଢ଼ିବାରେ ଲାଗିଛି । ଏହାର କୌଣସି ସମାଧନ ନହେଲେ ଏହା ସ୍ପେଶ୍ ଷ୍ଟେସନ ପାଇଁ ବିପତ୍ତ, ଯାହାକୁ ନେଇ ମହକାଶଚାରୀ ଏବଂ ବୈଜ୍ଞାନିକଙ୍କ ଚିନ୍ତା ବଢ଼ିଛି ।....
