ଭୁବନେଶ୍ବର ୧୬।୧୧: ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ସିଙ୍ଗାପୁର ଗସ୍ତ ନେଇ ପ୍ରତିକ୍ରିୟା ରଖିଛନ୍ତି କଂଗ୍ରେସ ବିଧାୟକ ତାରା ବାହିନୀପତି । ତାରା କହିଛନ୍ତି, ଖୁସିର କଥା ଆମର ଜଣେ ବନ୍ଧୁ ମୁଖ୍ୟମନ୍ତ୍ରୀ ହେଲେ । ନବୀନ ପଟ୍ଟନାୟକ ୨୪ ବର୍ଷ ବିଦେଶ ବୁଲିଲେ ପୁଞ୍ଜି ନିବେଶ ପାଇଁ । କେତେ ନିବେଶ ହେଲା, ରାଜ୍ୟବାସୀ ଜାଣିଛନ୍ତି । ଏବେ ମୋହନ ମାଝୀ ବୁଲୁଛନ୍ତି ଲୋକଙ୍କ ଟଙ୍କାରେ । ପ୍ରଧାନମନ୍ତ୍ରୀ ବି ବୁଲିଲେ । ଏମିତି ବୁଲି ବୁଲି ସଫା ହୋଇଯିବ । ପୋସ୍କୋ, JSW, ନିପନ ପଳେଇଲା । ଏବେ ଢ଼ୋ ଆସିବ । ମିତ୍ତଲ ତ ପଳେଇଲା । ଯିଏ ଠକ, ସିଏ ହିଁ ରହିବେ । ସରକାରଙ୍କ ଠାରୁ ଜମି ନେଉଛନ୍ତି । ଖଣି ବାହାରେ ବିକୁଛନ୍ତି । ଯେତିକି ବିଦେଶକୁ ମାଇନ୍ସ ପଠାଉଛ, ତାକୁ ବନ୍ଦ କରାଯାଉ । ରାଜ୍ୟ ମରୁଭୂମି ହୋଇଗଲାଣି । ଆଜି ଯିଏ ଜନ୍ମ ନେବେ, ୨୦ ବର୍ଷ ପରେ ପଚାରିବ ଯେ ମୋ ବାପା ମୋ ପାଇଁ କ’ଣ କରିଛନ୍ତି । ଏ ଧ୍ବଂସ କରିବାକୁ ବିଦେଶ ଯାତ୍ରା । ଏ ପାଞ୍ଚ ବର୍ଷରେ ସବୁ ସାରି ଦେବେ । ଏହା ଓଡ଼ିଶା ଯୁବକ ମାନଙ୍କ ପାଇଁ ଦୁର୍ଭାଗ୍ୟ ବୋଲି ତାରା କହିଛନ୍ତି ।                     

You Can Read:

ଜିଲ୍ଲା ପରିଷଦ ସଦସ୍ୟଙ୍କୁ ଦୁର୍ବ୍ୟବହାର, ନିଲମ୍ବିତ ହେଲେ ରେଢାଖୋଲ ତହସିଲ ଅଫିସ ଅମିନ