କଲମ୍ବୋ,୭/୯: ଏସିଆ କପ୍ ସୁପର ସନଡେ’ରେ ହେବ ସୁପର ଫାଇଟ୍ । ଭାରତ ପାକିସ୍ତାନ ମ୍ୟାଚ୍ ଶ୍ରୀଲଙ୍କାର ପ୍ରେମଦାସ ଷ୍ଟାଡିୟମରେ ଖେଳଯିବ । ମ୍ୟାଚ ପୂର୍ବରୁ ଜୋରଦାର ପ୍ରସ୍ତୁତି ଜାରି ରଖିଛନ୍ତି ଉଭୟ ଦଳ । କଲମ୍ବୋରେ ବର୍ଷା ଲାଗି ରହିଥିଲେ ହେଁ ଦଳର ଅଭ୍ୟାସକୁ ପ୍ରଭାବିତ କରିପାରି ନାହିଁ । ଭାରତୀୟ ଦଳ ୨ଟି ଭାଗରେ ବିଭକ୍ତ ହୋଇ ଅଭ୍ୟାସ କରୁଛନ୍ତି ।
କୋଚ୍ ସୁପର-୪ ମ୍ୟାଚରେ ପାକିସ୍ତନକୁ ମାତ୍ ଦେବାକୁ କୋଚ୍ ରାହୁଲ ଦ୍ରାବିଡ୍ ସ୍ବତନ୍ତ୍ର ରଣନୀତି ପ୍ରସ୍ତୁତ କରିଛନ୍ତି । ଇନ୍ଡୋର ଷ୍ଟାଡିୟମରେ ନେଟ୍ସରେ ଅଭ୍ୟାସ କରୁଛନ୍ତି ଟିମ୍ ଇଣ୍ଡିଆ ଖେଳାଳି । କିଛି ଖେଳାଳି ଅଭ୍ୟାସରୁ ବିରତ ରହି ଜିମ୍ରେ ଫିଟ୍ନେସ୍ ପ୍ରସ୍ତୁତି କରିଥିଲେ । ଫିଟ୍ ହୋଇ ଦଳରେ ଯୋଗ ଦେଇଥିବା କେ.ଏଲ ରାହୁଲ ଶୁକ୍ରବାର ପ୍ରଥମ ଥର ପାଇଁ ଅଭ୍ୟାସ କରିଛନ୍ତି । ସେ ଇନେ୍ଡୋର୍ ନେଟ୍ସରେ କେବଳ ଥ୍ରୋ’ ଡାଉନ୍ରେ ବ୍ୟାଟିଂ ଅଭ୍ୟାସ କରିଥିଲେ । ତାଙ୍କ ଫୁଟ୍ୱାର୍କ ଓ ସଟ୍ ଚୟନ ପୂର୍ବଭଳି ଚମତ୍କାର ରହିଥିଲା ।
wp:embed {"url":"https://www.prameyanews7.com/babar-azams-warning-before-the-match-against-india-said-ether/","type":"wp-embed","providerNameSlug":"prameya-news-7"}ମୁଖ୍ୟ କୋଚ୍ ରାହୁଲ ଦ୍ରାବିଡ୍ ଓ ବ୍ୟାଟିଂ କୋଚ୍ ବିକ୍ରମ ରାଠୋର ଇନ୍ଡୋର ଅଭ୍ୟାସ ଶିବିର ପରିଚାଳନା କରିଥିଲେ । ରାହୁଲଙ୍କ ସମେତ ଶ୍ରେୟାସ ଆୟର, ଶୁଭମନ ଗିଲ୍, ସୂର୍ଯ୍ୟକୁମାର ଯାଦବ, ହାର୍ଦ୍ଦିକ ପାଣ୍ଡ୍ୟା ଓ ସର୍ଦୁଲ ଠାକୁର ଇନ୍ଡୋର୍ରେ ଅଭ୍ୟାସ ଜାରି ରିଖିଛନ୍ତି । ସେହିପରି ରୋହିତ, କୋହଲି, ଅକ୍ଷର ପଟେଲ, ତିଳକ ବର୍ମା, ରବିନ୍ଦ୍ର ଜାଡେଜା ଓ ଅନ୍ୟ ସାଥୀ ଖେଳାଳିମାନେ ଜିମ୍ରେ ଝାଳ ଗଡ଼ାଉଛନ୍ତି । ବର୍ଷା ଯୋଗୁ ଗ୍ରାଉଣ୍ଡ୍ରେ ଅଭ୍ୟାସ ସମ୍ଭବ ନଥିଲା । ତେଣୁ ନେଟ୍ସ ଅପେକ୍ଷା ଖେଳାଳିମାନେ ଫିଟ୍ନେସ୍କୁ ଅଧିକ ଗୁରୁତ୍ୱ ଦେଇଥିଲେ ।
wp:embed {"url":"https://www.prameyanews7.com/asia-cup-2023-there-is-no-reserve-day-for-the-final/","type":"wp-embed","providerNameSlug":"prameya-news-7"}ପାକିସ୍ତାନ ସୁପର-୪ ରାଉଣ୍ଡ୍ରେ ବାଂଲାଦେଶକୁ ୭ ୱିକେଟ୍ରେ ହରାଇ ସାରିଛି । ପାକିସ୍ତାନ ବିପକ୍ଷରେ ଭାରତ ସୁପର-୪ ରାଉଣ୍ଡ ଅଭିଯାନ ଆରମ୍ଭ କରିବ । ପୂର୍ବରୁ ଲିଗ୍ ପର୍ଯ୍ୟାୟରେ ଉଭୟ ଦଳ ପରସ୍ପରକୁ ଭେଟିଥିଲେ । ବର୍ଷା ଯୋଗୁ ମ୍ୟାଚ୍ ବାତିଲ୍ ହୋଇଥିଲା । ହେଲେ ଉକ୍ତ ମ୍ୟାଚରେ ପାକିସ୍ତାନୀ ବୋଲର ଦମ୍ଦାର ବୋଲିଂ କରିଥିଲା । ପେସ୍ ବାହିନୀ ଭାରତର ସବୁ ୱିକେଟ୍ ପୋଛି ନେଇଥିଲା । ପରବର୍ତ୍ତୀ ମୁକାବିଲା ପୂର୍ବରୁ ଭାରତ ବ୍ୟାଟିଂ ତ୍ରୁଟି ସୁଧାରିବାକୁ ପ୍ରୟାସ କରିବ ।
