ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାର ବ୍ରିକ୍ସ ଶିଖର ସମ୍ମିଳନୀରେ ଯୋଗ ଦେବା ପାଇଁ ରୁଷରେ ପହଞ୍ଚିଛନ୍ତି । ତେବେ କଜାନରେ ବ୍ରିକ୍ସ ସମିଟ୍ ବାହାରେ ସେ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ଭେଟିଛନ୍ତି । ଦୁଇ ନେତା ପରସ୍ପରଙ୍କୁ ଆଲିଙ୍ଗନ କରି ଅଭିବାଦନ ଜଣାଇଛନ୍ତି । ଦୁଇ ଶୀର୍ଷ ନେତାଙ୍କ ମଧ୍ୟରେ ଦ୍ୱିପାକ୍ଷିକ ବୈଠକ ମଧ୍ୟ ହୋଇଛି । ପିଏମ୍ ମୋଦୀ କହିଛନ୍ତି ଯେ ବ୍ରିକ୍ସ ଶିଖର ସମ୍ମିଳନୀ ପାଇଁ ସୁନ୍ଦର ସହର କଜାନ ଆସି ଖୁସି ଅନୁଭବ କରୁଛି । ଏହି ସହର ସହ ଭାରତର ଐତିହାସିକ ସମ୍ପର୍କ ରହିଛି । ଏଠାରେ ଭାରତର ନୂଆ ଦୂତାବାସ ଖୋଲିବା ପରେ ସମ୍ପର୍କ ଆହୁରି ମଜଭୁତ ହେବ । ପୁଟିନଙ୍କ ସହ ବାର୍ତ୍ତାରେ ପିଏମ୍ ମୋଦୀ କହିଛନ୍ତି ଯେ ଭାରତ, ୟୁକ୍ରେନ-ରୁଷ ଯୁଦ୍ଧର ସମାଧାନରେ ନିଜ ଭୂମିକା ପାଇଁ ପ୍ରସ୍ତୁତ ଅଛି ।
ପ୍ରଧାନମନ୍ତ୍ରୀ ମୋଦୀ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ଦ୍ୱିପାକ୍ଷିକ ଆଲୋଚନା ବେଳେ ୟୁକ୍ରେନରେ ଶୀଘ୍ର ଶାନ୍ତି ସ୍ଥାପନାର ଇଚ୍ଛା ବ୍ୟକ୍ତ କରିଛନ୍ତି । ପିଏମ୍ ମୋଦୀ କହିଛନ୍ତି, 'ରୁଷ ଏବଂ ୟୁକ୍ରେନ ମଧ୍ୟରେ ସଂଘର୍ଷ ବାବଦରେ ଆମେ ଲଗାତାର ଯୋଗାଯୋଗରେ ଅଛୁ । ଆମର ବିଶ୍ୱାସ ଯେ ବିବାଦର ସମାଧାନ କେବଳ ଶାନ୍ତିପୂର୍ଣ୍ଣ ପ୍ରକ୍ରିୟାରେ ହୋଇପାରିବ । ଶୀଘ୍ର ଶାନ୍ତି ଏବଂ ସ୍ଥିରତା ସ୍ଥାପନା ପ୍ରୟାସକୁ ଆମେ ପୂର୍ଣ୍ଣ ସମର୍ଥନ କରୁଛୁ ।'
#WATCH | Kazan: During his meeting with Russian President Vladimir Putin, PM Modi says, "I have been in constant touch with you on the subject of the ongoing conflict between Russia and Ukraine. As I have said earlier, we believe that the problems should be resolved in a peaceful… pic.twitter.com/YT8NwdNwMJ
— ANI (@ANI) October 22, 2024
ରୁଷ ରାଷ୍ଟ୍ରପତି ପୁଟିନ ପିଏମ୍ ମୋଦୀଙ୍କ ସହ ଦ୍ୱିପାକ୍ଷିକ ବୈଠକରେ କହିଛନ୍ତି, 'ବ୍ରିକ୍ସ ଭିତରେ ଭାରତ-ରୁଷ ସହଯୋଗକୁ ଅଧିକ ଗୁରୁତ୍ୱ ଦେଉଛି, କାରଣ ଆମେ ଦୁହେଁ ସଂସ୍ଥାପକ ସଦସ୍ୟ । ପୁଟିନ ଜୋର ଦେଇ କହିଛନ୍ତି, ରୁଷ-ଭାରତ ସମ୍ପର୍କ ଅଧିକ ମଜଭୁତ ହେଉଛି ଏବଂ ମସ୍କୋ ବ୍ରିକ୍ସରେ ନୂଆଦିଲ୍ଲୀ ସହ ନିଜ ସମ୍ପର୍କକୁ ମହତ୍ୱ ଦେଉଛି ।' ପୁଟିନ କହିଛନ୍ତି, 'ଇଣ୍ଟରଗଭର୍ଣ୍ଣମେଣ୍ଟଲ କମିଶନର ପରବର୍ତ୍ତୀ ବୈଠକ ଡିସେମ୍ୱର ୧୨ରେ ନୂଆଦିଲ୍ଲୀରେ ହେବ । ଆମର ମିଳିତ ପରିଯୋଜନା ଲଗାତାର ପ୍ରଗତି କରୁଛି । କଜାନରେ ଦୂତାବାସ ଖୋଲିବା ନେଇ ଆପଣ ନିଷ୍ପତ୍ତି ନେଇଛନ୍ତି । ଏହାକୁ ମୁଁ ସ୍ୱାଗତ କରୁଛି । ଭାରତର ନୀତି ଯୋଗୁଁ ଦୁଇ ଦେଶର ସହଭାଗିତା ଏବଂ ସମ୍ପର୍କକୁ ଲାଭ ମିଳିବ ।'
#WATCH | Kazan, Russia: At the bilateral meeting with Prime Minister Narendra Modi, Russian President Vladimir Putin says "The next meeting of the Intergovernmental Commission is scheduled for 12 December in New Delhi. Our projects are constantly developing. You have decided to… pic.twitter.com/tqY4BtPYFh
— ANI (@ANI) October 22, 2024
କଜାନ ହେଉଛି ରୁଷର ତତାରସ୍ତାନ ପ୍ରାନ୍ତର ସବୁଠୁ ବଡ଼ ସହର ଏବଂ ପ୍ରଚାନୀ ରାଜଧାନୀ । ମଙ୍ଗଳବାର ଏବଂ ବୁଧବାର ହେବାକୁ ଥିବା ବ୍ରିକ୍ସ ଶିଖର ସମ୍ମିଳନୀରେ ବ୍ରାଜିଲ, ରୁଷ, ଭାରତ, ଚୀନ ଏବଂ ଦକ୍ଷିଣ ଆଫ୍ରିକା ସଂସ୍ଥାପକ ସଦସ୍ୟ । ଏହି ସଂଗଠନରେ ଇଥୋପିୟା, ଇରାନ, ସାଉଦି ଆରବ ଏବଂ ୟୁଏଇ ସାମିଲ ହେବା ପରେ ଏହାର ସଦସ୍ୟ ସଂଖ୍ୟା ୧୦ ହୋଇଛି । ନୂଆ ସଦସ୍ୟ ରାଷ୍ଟ୍ର ସାମିଲ ହେବା ପରେ ଏହା ବ୍ରିକ୍ସର ପ୍ରଥମ ଶିଖର ସମ୍ମିଳନୀ । ବ୍ରିକ୍ସ ସଦସ୍ୟ ରାଷ୍ଟ୍ର ଦୁନିଆର ଗୁରୁତ୍ୱପୂର୍ଣ୍ଣ ଅର୍ଥବ୍ୟବସ୍ଥା ଅଟନ୍ତି । ଏହାର ସଦସ୍ୟ ଦେଶରେ ବିଶ୍ୱର ୪୧ ପ୍ରତିଶତ ଜନସଂଖ୍ୟା ବାସ କରନ୍ତି ।