ମୁମ୍ଵାଇ ୨୧।୦୨: ବିଟାଉନ୍ ହେଉ ବା କ୍ରିକେଟ ଜଗତ । ସମସ୍ତଙ୍କ ପପୁଲାର କପଲ ବିରାଟ କୋହଲି-ଅନୁଷ୍କା ଶର୍ମା । କିଛି ମାସ ଧରି ଅନୁଷ୍କାଙ୍କ ଦ୍ଵିତୀୟ ପ୍ରେଗନେନ୍ସିକୁ ନେଇ ଚର୍ଚ୍ଚା ଜୋର ଧରିଥିଲା । କୁହାଯାଉଥିଲା କି ସେ ଖୁବ୍ ଶୀଘ୍ର ତାଙ୍କ ଘରକୁ କୁନି ଅତିଥି ଆସିବେ। ବର୍ତ୍ତମାନ ଏହି ଖବର ଉପରେ ବ୍ରେକ ଲାଗିଛି । ୨୦ ଫେବୃୟାରୀ ଅର୍ଥାତ୍ ମଙ୍ଗଳବାର ଦୁହେଁ ପୁଣି ଥରେ ମାତା-ପିତା ହୋଇଛନ୍ତି। ଅନୁଷ୍କା ପୁତ୍ର ସନ୍ତାନକୁ ଜନ୍ମ ଦେଇଛନ୍ତି । ଏନେଇ ବିରାଟ-ଅନୁଷ୍କା ନିଜେ ସୋସିଆଲ ମିଡିଆରେ ଜଣାଇଛନ୍ତି।
ଅନୁଷ୍କା-ବିରାଟ କୁନି ଅତିଥି ତଥା ତାଙ୍କ ରାଜକୁମାରଙ୍କ ନାମ ଅକାୟ ରଖିଛନ୍ତି। କପଲ ଦ୍ଵିତୀୟ ଥର ପ୍ୟାରେଣ୍ଟନ୍ସ ହୋଇଥିବା ନେଇ ଫ୍ୟାନ୍ସଙ୍କୁ ଏହି ଖୁସି ଖବର ଜଣାଇଛନ୍ତି । ଏହି ଖବର ଶୁଣିବା ପରେ ସଭିଏଁ ଖୁସି ହୋଇଯାଇଥିଲା । ବର୍ତ୍ତମାନ ସୋସିଆଲ ମିଡିଆରେ ଅନୁଷ୍କାଙ୍କ ପୁଅ ଅକାୟ ନାଁ ଟ୍ରେଣ୍ଡ କରୁଛି। ଇଣ୍ଟରନେଟ୍ରେ memeର ବନ୍ୟା ସୃଷ୍ଟି ହୋଇଛି।
ଅନୁଷ୍କା ଓ ବିରାଟଙ୍କ ଲାଡଲାଙ୍କ କ୍ରେଜ୍ ଲୋକଙ୍କ ମଧ୍ୟରେ ନିଶା ଚଢିଯାଇଛି। କାହିଁକି ନା ୨୪ ଘଣ୍ଟାରେ ଅକାୟ ନାମରେ ହଜାର ହଜାର ଫେକ୍ ଆକାଉଣ୍ଟ ତିଆରି ହୋଇଛି । କପଲଙ୍କ ପୁଅ ଜନ୍ମ ହେଉ ହେଉ ଫ୍ୟାନ୍ସ ତାଙ୍କୁ ଷ୍ଟାର ବନାଇ ଦେଇଛନ୍ତି । କହିବାକୁ ଗଲେ ଏବେ ଅକାୟ ୬ ଦିନର ହୋଇ ଏତେ ପପୁଲାର ହୋଇଛି । ଯେବେ ସେ ବଡ ହେବ ସେତେବେଳେ କଣ ହେବ… କହିବାକୁ ଗଲେ ଅନୁଷ୍କା ୧୫ ଫେବୃୟାରୀରେ ଅକାୟଙ୍କୁ ଜନ୍ମ ଦେଇଛନ୍ତି। ୫ ଦିନ ପରେ ସେ ଦ୍ଵିତୀୟ ଥର ମାଆ ହେବା ନେଇ ଖୁସି ଖବର ଫ୍ୟାନ୍ସଙ୍କୁ ଜଣାଇଛନ୍ତି।
