ନୂଆଦିଲ୍ଲୀ ୮।୯: ଚନ୍ଦ୍ରଯାନ-୩କୁ ଚନ୍ଦ୍ରର ଦକ୍ଷିଣ ମେରୁରେ ଅବତରଣ କରାଇ ଭାରତୀୟ ମହାକାଶ ଗବେଷଣା ସଙ୍ଗଠନ (ଇସ୍ରୋ) ଇତିହାସ ରଚିଛନ୍ତି। ବହୁତ ଶୀଘ୍ର ଆମ ଦେଶ ଅନ୍ତରୀକ୍ଷର ମହାଶକ୍ତି ଭାବେ ପ୍ରତିଷ୍ଠିତ ହେବ। ଅନ୍ତରୀକ୍ଷରେ ଇଣ୍ଟରନ୍ୟାସନାଲ ସ୍ପେସ୍ ଷ୍ଟେସନ (ଆଇଏସଏସ୍) ଓ ଚୀନ୍ର ତିୟାଙ୍ଗୋଗ ମହାକାଶ କେନ୍ଦ୍ର ପରେ ଭାରତ ତୃତୀୟ ସ୍ପେସ୍ ଷ୍ଟେସନ ନିର୍ମାଣ କରିବ। ଚନ୍ଦ୍ରଯାନ ୩ ମିସନ ପରେ ଇସ୍ରୋ ଆଦିତ୍ୟ ଏଲ-ୱାନ୍ ମିସନ ଲଞ୍ଚ କରିଛନ୍ତି। ଏବେ ଭାରତର ସବୁଠୁ ମହତ୍ୱାକାଙକ୍ଷୀ ପ୍ରକଳ୍ପ ଗଗନୟାନ ମିସନକୁ ଅପେକ୍ଷା କରାଯାଇଛି।
ଏହି ମିସନ ଇସ୍ରୋଙ୍କର ପ୍ରଥମ ମାନବ ମିସନ ହେବ। ଏହି ମିସନ ପରେ ପରେ ଭାରତ ମହାକାଶରେ ସ୍ପେସ୍ ଷ୍ଟେସନ ପ୍ରକଳ୍ପ କାର୍ଯ୍ୟ ହାତକୁ ନେବେ। ଯାହା ଇସ୍ରୋଙ୍କୁ ବିଶ୍ୱର ଟପ୍ ସ୍ପେସ୍ ଏଜେନ୍ସୀଙ୍କ ଧାଡିର ସବୁଠୁ ଆଗରେ ଛିଡା କରିବ। ଭାରତ ପକ୍ଷରୁ ମହାକାଶରେ ଯେଉଁ ସ୍ପେସ୍ ଷ୍ଟେସନର ନିର୍ମାଣ ହେବ ଓହାର ଓଜନ ବା ଭାର ଏତି ବେଶିରେ ୨୦ ଟନ ରହିବ। ତେବେ ଏହା ପୂର୍ବରୁ ନିର୍ମିତ ଆଇଏସଏସ୍ର ଓଜନ ୪୫୦ ଟନ ହୋଇଥିବା ବେଳେ ଚୀନ୍ ଅନ୍ତରୀକ୍ଷ କେନ୍ଦ୍ରର ଓଜନ ୮୦ ଟନ ପର୍ଯ୍ୟନ୍ତ।
{"id":841883,"width":840,"height":331,"sizeSlug":"full","linkDestination":"none"}
ଇସ୍ରୋଙ୍କ ଯୋଜନା ଏହାକୁ ଏପରି ନିର୍ମିତ କରିବେ ଯେଉଁଥିରେ ୪ରୁ ୫ ଜଣ ମହାକାଶଚାରୀ ବେଶ୍ ସ୍ୱଚ୍ଛନ୍ଦରେ ଚଳ ପ୍ରଚଳ କରିପାରିବେ। ଏହାକୁ ପୃଥିବୀର ନିମ୍ନ କକ୍ଷପଥରେ ସ୍ଥାପିତ କରାଯିବ। ଏହାକୁ ଏଲଇଓ କୁହନ୍ତି ଓ ଏହା ପାଖାପାଖି ୪୦୦ କିଲୋମିଟର ଦୂରରେ। ଅନ୍ତରୀକ୍ଷରେ ଭାରତର ମହାକାଶ କେନ୍ଦ୍ର ନେଇ ପୂର୍ବତନ ଇସ୍ରୋ ଅଧ୍ୟକ୍ଷ କେ.ଶିବନ ୨୦୧୯ ମସିହାରେ ଘୋଷଣା କରିଥିଲେ। ସେ କହିଥିଲେ ଯେ ଗଗନୟାନ ମିସନ ପରେ ୨୦୩୦ ସୁଦ୍ଧା ଭାରତ ଏହି ସ୍ୱପ୍ନକୁ ପୂରଣ କରିବ। ଗଗନଯାନ ମିସନ ଯେଉଁ ପର୍ଯ୍ୟନ୍ତ ଯିବ ସେହିଠାରେ ଭାରତ ସ୍ପେସ୍ ଷ୍ଟେସନ ସ୍ଥାପନ କରିବାର ଯୋଜନା କରିଛି।
ଭାରତର ସ୍ପେସ୍ ଷ୍ଟେସନ ନିର୍ମିତ ହେବା ପୂର୍ବରୁ ଆମେରିକା ଭାରତୀୟ ଆଷ୍ଟ୍ରୋନଟ୍ ମାନଙ୍କୁ ପ୍ରଶିକ୍ଷଣ ପ୍ରଦାନ କରିବ। ଏଥି ନିମନ୍ତେ ନାସା ଓ ଇସ୍ରୋ ମଧ୍ୟରେ ରାଜିନାମା ମଧ୍ୟ ହୋଇଛି। ୨୦୨୪ରେ ଭାରତର ୨ ଜଣ ମହାକାଶ ଯାତ୍ରୀ ଇଣ୍ଟରନ୍ୟାସନାଲ ସ୍ପେସ୍ ଷ୍ଟେସନ (ଆଇଏସଏସ) ଯାତ୍ରା କରିପାରନ୍ତି। ତେବେ ଏହା ପୂର୍ବରୁ ସେମାନଙ୍କୁ ଆମେରିକା ହ୍ୟୁଷ୍ଟନସ୍ଥିତ ଜନସନ୍ ସ୍ପେସ୍ ସେଣ୍ଟରରେ ପ୍ରଶିକ୍ଷଣ ପ୍ରଦାନ କରାଯିବ।
{"id":841882,"width":839,"height":607,"sizeSlug":"full","linkDestination":"none"}
ମହାକାଶ କେନ୍ଦ୍ର ଏପରି ଏକ ସ୍ଥାନ ଯେଉଁଠି ବୈଜ୍ଞାନିକ ବିଭିନ୍ନ ପ୍ରକାରର ଗବେଷଣା କରିଥାନ୍ତି। ଏହି ମହାକାଶ କେନ୍ଦ୍ର ଲଗାତାର ପୃଥିବୀକୁ ପରିକ୍ରମଣ କରିଥାଏ। ମହାକାଶ କେନ୍ଦ୍ରରେ ଜଣେ ମହାକାଶଚାରୀଙ୍କୁ ୬ ମାସ ପର୍ଯ୍ୟନ୍ତ ରହିବାକୁ ହୋଇଥାଏ। ଏହା ପରେ ସେଠାକୁ ଦ୍ୱିତୀୟ ଟିମ୍ ପଠାଯାଇଥାଏ। ଆଇଏସଏସ୍ରେ ସବୁ ସମୟରେ ୭ ଜଣ ମହାକାଶଚାରୀ ମହଜୁଦ ଥାନ୍ତି। କେବେ କେବେ ସେମାନଙ୍କ ସଂଖ୍ୟା ମଧ୍ୟ ବଢିଥାଏ। ଆଇଏସଏସ୍ କୁ ୧୫ଟି ଦେଶ ମିଳିତ ନିର୍ମାଣ କରିଛନ୍ତି।
ବିବାହ ପୂର୍ବର ପ୍ରତିଶ୍ରୁତିକୁ ପୂରଣ କଲେ ସ୍ୱାମୀ, ଜହ୍ନରୁ ଜାଗା କିଣି ସ୍ତ୍ରୀଙ୍କୁ ଦେଲେ ଉପହାର
