ମୁମ୍ଵାଇ ୦୩।୦୧; ଲୋକପ୍ରିୟ ଗାୟକ ଅରମାନ ମଲିକଙ୍କ ପଡିଲା ହାତଗଣ୍ଠି । ଗାର୍ଲଫ୍ରେଣ୍ଡ ଆଶନା ଶ୍ରଫଙ୍କ ସହ ନେଲେ ସାତଫେରା । ଦୀର୍ଘ ୭ ବର୍ଷର ଡେଟିଂ ପରେ ଏକ ବ୍ୟକ୍ତିଗତ ସମାରୋହରେ ଉଭୟ ବିବାହ କରିଛନ୍ତି । ବର୍ତ୍ତମାନ ନବ ଦମ୍ପତିଙ୍କ ବିବାହ ଫଟୋ ସାମ୍ନାକୁ ଆସିଛି । ଏହି ଦମ୍ପତି ସୋସିଆଲ ମିଡିଆରେ ବିବାହର ଫଟୋ ସେୟାର କରି ଝଲକ ଦେଖାଛନ୍ତି । ଯାହା ପରେ ଫ୍ୟାନ୍ସ ଏବଂ ସେଲିବ୍ରିଟି ତାଙ୍କ ଫଟୋକୁ ଲାଇକ କରିବା ସହ ଦମ୍ପତିଙ୍କୁ ଶୁଭେଚ୍ଛା ଜଣାଇଛନ୍ତି।
ଅରମାନ ମଲିକ ଏବଂ ଆଶନା ଶ୍ରଫଙ୍କ ଦୁହେଁ ପରସ୍ପରକୁ ଜୀବନସାଥୀ କରିଛନ୍ତି । ଏକ ବ୍ୟକ୍ତିଗତ ସମାରୋହରେ ଉଭୟ ବିବାହ କରିଛନ୍ତି। ଉଭୟ ବିବାହର ଫଟୋ ଇନଷ୍ଟାଗ୍ରାମରେ ସେୟାର କରି ଗୁଡନ୍ୟୁଜ୍ ଦେଇଛନ୍ତି । ଫଟୋ ଗୁଡ଼ିକରେ ଅରମାନ ଏବଂ ଆଶନାଙ୍କୁ ବିବାହ ପୋଷାକରେ ଦେଖିବାକୁ ମିଳିଛି । ଅରମାନ ପିଙ୍କ ରଙ୍ଗର ଶେରୱାନି ପିନ୍ଧିଥିବା ବେଳେ ଆଶନା ଅରେଞ୍ଜ ଲେହେଙ୍ଗା ସହ ପିଙ୍କ ରଙ୍ଗର ଦୁପାଟାରେ ଖୁବ ସୁନ୍ଦର ଲାଗୁଛନ୍ତି । ଏହି ଫଟୋରେ ଜୀବନରେ ଏକ ନୂତନ ଯାତ୍ରା ଆରମ୍ଭ କରିବାର ଖୁସି ଉଭୟଙ୍କ ମୁହଁରେ ଦେଖିବାକୁ ମିଳିଛି । ଏହି ଫଟୋ ସେୟାର କରି ସେ କ୍ୟାପସନରେ ଲେଖିଛନ୍ତି, 'ତୁ ହି ମୋର ଘର । ବିବାହ ଫଟୋ ସାମ୍ନାକୁ ଆସିବା ପରେ ଫ୍ୟାନ୍ସ ଏବଂ ସେଲିବ୍ରିଟି ତାଙ୍କ ଫଟୋକୁ ଲାଇକ କରିବା ସହ ପ୍ରତିକ୍ରିୟାରେ ଦମ୍ପତିଙ୍କୁ ଶୁଭେଚ୍ଛା ଜଣାଇଛନ୍ତି ।
ସୂଚନା ଥାଉ କି ଦୁହେଁ ୨୦୨୩ରେ ନିର୍ବନ୍ଧ କରିଥିଲେ । ୨୦୧୭ରେ ଅରମାନ ଏବଂ ଆଶନା ପରସ୍ପରକୁ ଡେଟ୍ କରୁଥିବା ବେଳେ ପରେ ସେମାନଙ୍କର ବ୍ରେକଅପ ହୋଇଥିଲା। ହେଲେ ୨୦୧୯ରେ ପୁଣି ଥରେ ଅରମାନ ଏବଂ ଆଶନା ପରସ୍ପରକୁ ଡେଟ୍ କରିବା ଆରମ୍ଭ କରିଥିଲେ। ସେବେଠାରୁ ଦୁହେଁ ନିଜ ସମ୍ପର୍କ ବିଷୟରେ ଖୁଲମ ଖୁଲା ସମସ୍ତଙ୍କୁ ଜଣାଇଥିବା ବେଳେ ଇନଷ୍ଟାରେ ପରସ୍ପରର ଫଟୋ ସେୟାର କରିଥିଲେ। ସେପଟେ କହିବାକୁ ଗଲେ ଅର୍ମାନଙ୍କ ଗର୍ଲଫ୍ରେଣ୍ଡ ଆଶନା ଶ୍ରଫ ଜଣେ ଭାରତୀୟ ଫ୍ୟାଶନ ଇନଫ୍ଲୁଏନ୍ସର, ବ୍ଲଗର ଏବଂ ଜଣେ ୟୁଟ୍ୟୁବର ମଧ୍ଯ । ଆଶନାଙ୍କୁ ଭାରତରେ କସ୍ମୋପୋଲିଟନ ଲଗ୍ଜରୀ ଫ୍ୟାଶନ ଅଫ୍ ଦ ଇୟର ୨୦୨୩ ଭାବେ ପୁରସ୍କୃତ ମଧ୍ୟ କରାଯାଇଥିଲା ।
