ବାଲିପାଟଣା ୪।୪: ଭିଜିଲାନ୍ସ ଜାଲରେ ବ୍ଲକ ସହକାରୀ ଯନ୍ତ୍ରୀ । ମଧ୍ୟସ୍ଥି ଜରିଆରେ ନେଉଥିଲେ ଲାଞ୍ଚ । ଧରାପଡିଗଲେ ଉଭୟ । ବାଲିଅନ୍ତା ବ୍ଲକ୍ ସହକାରୀ ଯନ୍ତ୍ରୀ ସଂଘମିତ୍ର ପଟ୍ଟନାୟକଙ୍କୁ ଧରିଛି ଭିଜିଲାନ୍ସ । ମଧ୍ୟସ୍ଥି ମଧ୍ୟ ଭିଜିଲାନ୍ସ ହେପାଜତରେ ।
ସୂଚନାଯୋଗ୍ୟ ଯେ, ବାଲିଅନ୍ତା ବ୍ଳକ୍ ସହକାରୀ ଯନ୍ତ୍ରୀ ସଂଘମିତ୍ର ପଟ୍ଟନାୟକ ମଧ୍ୟସ୍ଥି ଜରିଆରେ ୧୦ ହଜାର ଟଙ୍କା ଲାଞ୍ଚ ନେବା ବେଳେ ମାଡ଼ି ବସିଛି ଭିଜିଲାନ୍ସ । ୨୦୨୩ ମସିହାର ୪୨ ହଜାର ଟଙ୍କାର ବିଲ୍ ପାସ୍ କରିବାକୁ ଯଶୁଆପୁରର ରଶ୍ମୀ ରଞ୍ଜନ ମହାପାତ୍ରଙ୍କ ଠାରୁ ସଂପୃକ୍ତ ସହକାରୀ ଯନ୍ତ୍ରୀ ୧୦ ହଜାର ଟଙ୍କା ଲାଞ୍ଚ ଦାବି କରିଥିଲେ । ଏଥିରେ ବେଣୁଧର ପରିଡ଼ା ନାମକ ଜଣେ ବ୍ୟକ୍ତି ମଧ୍ୟସ୍ଥତା କରିଥିଲେ । ଏ ନେଇ ରଶ୍ମୀ ରଞ୍ଜନ ଭିଜିଲାନ୍ସରେ ଅଭିଯୋଗ କରିବା ପରେ ଯୋଜନା ମୁତାବକ ବେଣୁଧର ଜରିଆରେ ୧୦ ହଜାର ଟଙ୍କା ଦିଆଯାଇଥିଲା । ପରେ ଭିଜିଲାନ୍ସ ଅଫିସର ସହକାରୀ ଯନ୍ତ୍ରୀଙ୍କୁ ନିଜ ହେଫାଜତକୁ ନେଇଥିଲେ । ଏହାସହ ସଂପୃକ୍ତ ମଧ୍ୟସ୍ଥି ବେଣୁଧରକୁ ମଧ୍ୟ ହେପାଜତକୁ ନେବା ସହ ଉଭୟଙ୍କ ବିରୋଧରେ ମାମଲା ରୁଜୁ କରିଛି ଭିଜିଲାନ୍ସ ।
You Can Read:
ଏ ବିବେକ ହେଉଛି ଭୟ ଓ ଭୀରୁତାର ବିବେକ, ଭୟରେ ସମର୍ଥନ ଦେଉଛି ବିଜେଡି : ପ୍ରସାଦ ହରିଚନ୍ଦନ
